قصص عراقيه قصيرة

ليت النوايا ترئ 4

‏"كان لدموعها ونحيبها عنف سدّ يتحطم".
‏

............

قراءة ممتعه للجميع

......

ضليت اباوع للفراغ .. شنو ديصير وياي معقولة
اني بحلم بعلم .. ليش كلشي يمشي بلعكس

معرفت اجاوبه .. غير دخلت وسديت الباب

كعدت بلگاع استوعب وضعي حالي وين جنت وين صرت ..
معقولة اني مسوية ذنب جبير
داتعاقب عليه هسه

شعور الفراغ  كرهت نفسي
تايهة.ماعندي هدف اعيش علمودة

جسمي كله يأذيني.  كانو احد ديكطع لحم مني

دموعي مجاي توكف
تمنيت ميته وية احمد وبنتي .. المن بقيت اني
ليش بس همه راحو

حسيت كلشي صار اسود بعيني

....... 

سمعت صوت الباب تفلش

اريد ارفع ايدي ماكدر جسمي احسه ثكيل
الكاع مليانه دم

منين هذا الدم تلمسته بيدي

صوت عابدين  بعيد يصيح ..
رجعت غمض عيوني احس جفني ثگيل
مينفتح ...

.....

احس احد شالني .. اصوات بعيدة
هوسة صوت هورن  سيارات

اصوات وشوشه ..

فتحت عيوني بثگل  ريحة المعقم .. ترست خشمي
لعبانه نفسي .. احس راح اتقيئ

بس بعدها عيوني ثكيله متنفتح  عدل

بين الوعي والا وعي ..
سمعت صوت خالتي .  وعابدين يتعاركون
وصوت عبودي .. ووبعد اصوات هوايه
مكدرت اميز .. عدل ..  وين اني   وشنو ديصير

رجعت نمت ..

فزيت علئ ضربات علئ خدي ..

كعدي يمعودة .. شنو مبين تحبين النوم .. هواية..
صوت وحدة.تحاجيني ..  لابسه صدريه بيضه
وسماعه علئ ركبتها ..

كعدي  امي ..  شلونج

جاوبت بثكل .. اريد مي ..
طفر عابدين .. فتح البطل يشربني .. شوية شوية ..

شلونج هسه
كالت الدكتورة ..

هزيت راسي ..  احسن
بس دايخه  حيل    وعطشانه