قصص عراقيه قصيرة

سجينتي .16.

التنهيدة دعاءٌ مستتر شيءٌ يذهبُ مباشرةً إلى الله دون مزيدِ من التوضيح، التنهيدةُ دعاءٌ لفرط وضوحه لا يُقال.

........

قراءة ممتعه للجميع 💓
.....

ت

الين

رحاب ويه امها بلسوك .. وحاسه بوجع .. وناقليها
للمستشفئ .. خابرو علينه كالو رحاب تطلگ
البيت كله انخبص .. كرم خطيه من الدوام
وطلع راحلهم .ام كرم تدور علئ جنطه الطفل
مو علساس رحاب مجهزتها .. بس طلعت كلشي ماكو .. لميتلها كم.قطعه من كنتور رحاب  وطلعت  ويه الحجي
وكنان وياهم ..  .. والحجيه تدعي اتكوم بلسلامه هيه والطفله .. عبالي الحجيه تكره رحاب بس من شفتها شلون خايفه عليها وتدعيلها  وتبجي
بحركة گلب غيرت نضرتي ..

  رشا شمتانه بيها ..تكول
مصدگنه صار بطنها جاهل  ضلت تفتر
  خليها هسه  ترتاح هو ابو السابع نادراً مايعيش ..

ضليت ادعيلها بكلبي .. كرم  ميستاهل خطيه
وننتضر ساعات خابر كنان  لرشا كال جابت
بس الطفله.كلش تعبانه الرئتين مالاتها بعدهن مكاملات وخلوها بلخدج

فرحتلهم ..  والحجيه ضلت تهلهل  وتهوس
خضرت يا دار اهلنه ..والمحب يتباركلنه
وخضرت يادار اهلنه

رشا معلقت خذت بناتها وصعدت لغرفتها
كلت اكيد يجون تعبانين .. ورشا فوك
دخلت المطبخ .. وجهزتلهم عشه .. ورحاب سويتلها . تشريب دجاج .. .. لان امي من جبت
كالت الجايبه لازم تشريب دجاج ..وبهارات
  قليله بيها .. ..

فات الوقت وصار  نص الليل يله دخلو .. بس جان الحزن مبين عليهم .. ورحاب تعبانه حيل
لازمتها امها  وكرم .. .  تلكيتهم بفرحه .. حمدلله علئ سلامتج .. تتربه بعزكم انشالله ..

اشو  غلست مجاوبت  تعبانه حقها
الولادة مو سهله ..
الله يسلمج رد كرم  بدالها

ام كرم  يمه تينه جيبيلي كلاص مي بارد

كعدت وتنزع بجواريبها.  ودخل  الحجي كعد يمها بس وجوهم متتفسر

الحجيه شني شبيها وجوهكم.مايكصها السيف
الفرخه بيها شي .?

اتنهد الحجي بحزن ورد  يمه الطفله كلش تعبانه
ولو تعيش لو تموت .. بيدالله بقت

لطمت بقوة  علئ رجليها  كول غيرها يحامد
هذا التعب والفرحه تروح خالي بلاش ..
اني كلت هاي الخارمة مترتاح لحد ماتطيح الفرخة
ماكضت گاعها وكعدت ضلت تحوم
اااخخخخخ عضت اصبعها بندم ..