جلس صقر مع اخيه ادهم ف مكتبه لمراجعة بعض الامور المتعلقة بالاعمال لتمر عدة ساعات ينهض بعدها حمزة يلملم الاوراق ويقول
""" كده كله تمام ولو فيه اى اوراق عاوزة امضتك هبعتلك حد بيهم """
نهض صقر من خلف مكتبه ينظر الى اخيه باعتذار
"""معلش يا ادهم عارف ان الشغل كتير عليك الفترة اللى فاتت ""
ليلتفت ادهم اليه بعتاب
"" عيب عليك يا صقر وبعدين يا عم انت عريس جديد شغل ايه اللى نشغلك بيه""
تحرك صقر من خلف مكتبه يتجه الى النافذة ينظر خارجها يضحك بسخرية
"" طبعا عريس جديد ""
انتبه ادهم لنبرة السخرية ف صوت اخيه ليقترب منه يرتب ع كتفه يساله ف اهتمام
""فى ايه مالك يا صقر حالك متغير من مدة""
التفت اليه صقر ترتسم ع وجهه ابتسامة مرارة ساخرة
""اقولك ايه اذا كان انا نفسى مش فاهم ايه اللى بيحصل معايا""
اقترب ادهم منه يمسك ذرعه يتجه به الى الاريكة ليجلسه ويجلس بجواره
"" طب اتكلم احكيلى يمكن اقدر اساعدك " زفر صقر بتعب""
""اقولك ايه ياادهم ؟ان حالى متغير ومش قادر انسى لسلمي انها بسهولة وافقت اكون لغيرها انى انام بحضن واحدة غيرها اقولك انى من وقت طلبها ده وانا كل اللى بفكر فيه اد ايه انانيها وحبها لنفسها ""
نهض بعنف ينظر لاخيه بقسوة
""اقولك انى ما بقتش قادر حتى اسمع صوتها متخيل بعد كل حبى ليها يبقى ده حالى معاها وانى حاجة جوايا اتكسرت """
صرخ بغضب
""فاهمنى يا ادهم انا حاسس انى جوايا اتنين واحد يقولى سامح وانسى دى سلمي والتانى مش فاكر ليها غير انانيتها وقسوتها وهى بتقول للكل انها مش عاوزة اولاد منى خلااص يا ادهم انا هتجنن .هتجنن ""
نهض ادهم يحاول تهدئته ويقول بعقلانية
""اللى انت فيه ده طبيعى يا حمزة اى راجل مكانك هيكون ده احساسه وهو شايف مراته بتتنازل عنه لغيرها بالسهولة اللى عملتها سلمي بس ف نفس الوقت بقولك حاول تنسى يا صقر انسى علشان تقدر تعيش حياتك ولا تظلمها ولا تظلم الانسانة اللى دخلتها ف لعبتكم من غير اى ذنب فاهمنى يا صقر ""
رفع صقر راسه اليه يضيق عنينه باستفهام
"تقصد روح""
قابل ادهم نظرته اليه بقوة
"" ايوه روح فبلاش تقسى ع نفسك وعيش يا صقر وفكر ببكرة خلاص اللى حصل حصل فلازم تتعامل معاه ع انه امر واقع فاهمنى ياصقر ""
