ဆွဲခေါ်ခံလာရတဲ့ ဖူယွမ်ကလည်း သေလောက်အောင်ဒေါသထွက်နေတယ်.....
"ကျန်းဇီဟန်!!! အရင်တုန်းက မင်းလည်း မင်းဟွေကို ကယ်တင်ချင်ခဲ့တာပဲမဟုတ်လား......မင်းပြောတော့ သူ့ကိုချစ်တယ်ဆို.....ဒါဆို ဘာလို့ ရီဇဲလက်ထဲ ထည့်လိုက်ရတာလဲ!!!!!"
ကျန်းဇီဟန် သွေးမရှိတော့သလို ဖြူဖျော့သွားပြီး ဘာမှ ပြန်မဖြေနိုင်တော့ဘူး.......
ဖူယွမ်ရဲ့ ကျယ်လောင်လွန်းလှတဲ့အသံကြောင့် ပရိတ်သတ်တွေ ပွဲဆူကုန်ကြတယ်.....
ဟုတ်သားပဲ....ရီဇဲ ကျန်းဇီဟန်ကို ပိုးပန်းနေတာဘယ်လောက်ကြာပြီလဲ....ဒါဆို မင်းဟွေကို ကျန်းဇီဟန်နေရာမှာအစားထိုးဖို့ လက်ထပ်လိုက်တာလား.....ကျန်းဇီဟန်ကလည်း သူ့နေရာမှာ အစားထိုးခံထားရတဲ့ ကောင်လေးကို ချစ်မိနေတာလား......
ဘယ်နှပွင့်ဆိုင် ဇာတ်လမ်းကြီးလဲ.......ဒီနေ့ ကြုံရကြားရသမျှက သတင်းစာရှင်လင်းပွဲတုန်းကထက်တောင် စိတ်ဝင်စားစရာကောင်းနေပါရောလား...
မဂ်လာယူနေတဲ့အချိန်မှာ ရုပ်ဆိုးကျည်းတန်တာမျိုးတွေ မဖြစ်စေချင်ပေမယ့်လည်း ရီဇဲ ဘယ်လိုမှ သည်းမခံနိုင်တော့တာကြောင့် ဖူယွမ့်ဆီသွားဖို့ပြင်လိုက်တယ်.....
" ရီကော......"
ရှဲ့ဟယ်ရဲ့ခေါ်သံလေးက မီးပူပူထဲလောင်းချလိုက်တဲ့ ရေအေးတစ်ခွက်လိုပါပဲ.....
"ဘာမှမပူနဲ့... ကိုယ်တို့နှစ်ယောက်ကို ဘယ်သူမှ မနှောက်ယှက်စေရဘူး......"
" ကျွန်တော့်ကို ဉက္ကဌဖူနဲ့ စကားပြောခွင့်ပေးပါ......."
အစပိုင်းမှာ သေလောက်အောင် ဒေါသထွက်နေတဲ့ ဖူယွမ်တစ်ယောက် ဒီစကားကြောင့်တော်တော်ပျော်သွားခဲ့တယ်......
" သူ မင်းကို...အတင်းအကြပ် ဖိအားပေးထားတာမလား....."
ရီဇဲ အိမ်ကို လိုက်သွားခဲ့တုန်းက မြင်လိုက်ရတဲ့ ကောင်လေးရဲ့စိတ်ပျက်အားငယ်နေမှုတွေကို အခုထိ မှတ်မိနေဆဲပဲ.......
" ဉက္ကဌဖူ...ကျွန်တော်တို့ ဟိုနားမှာ စကားခဏသွားပြောကြရအောင်......"
" ကောင်းပြီ....."
ဖူယွမ် ပျော်နေသလောက် ရီဇဲကတော့ ဆူဝေတက်လာတဲ့ဒေါသတွေကြောင့် တကိုယ်လုံးလောင်မြှိုက်နေလေပြီ.......
YOU ARE READING
ငါးဆားနူအထက်ပုဂ္ဂိုလ်တစ်ယောက်ကိုဖြားယောင်းခြင်းနည်းဗျူဟာ
General Fictionဝင်ဖတ်ကြည့်ပါ။အားမနာတမ်းဝေဖန်ပေးပါ။
CH 83
Start from the beginning