📌# *رســـآلة مـــن مـجـهہول*
📌# *بقــلمـ : أمـ عــمـر*
««9»»
💌____________________💌
- مرة الاسبوع ومودة ما قاعدة تلقا راسايل المجهول ،، مودة يادوب اكتشفت انو رسايلو دي كانت بتفرق معاها، واى كلمة فى الرسالة كانت بتتمعن في معانيها ،،
💌__________________💌
*يوم الجمعة فى الصباح*
- مودة كانت راقدة في سريرها وبتعاين فى السقف: يا رَبـيٌ مالو بقا م بيرسل ، اففف انا مالى ومالو ع اساس انو بيفرق معاي يعنى
- ميادة وهي حاطة ماسك فوشها ومسرحة شعرها كعكات: انتى فاكرة البيت دا حينضف نفسو بنفسو 🙄
مودة: انتى الشفقة ليكى شنو 🙂💔 و صوتك دا مالو عالي كدة زى الخلعوك 🐸💔 انا متاكدة انو بحسك العالي دا غسان (العاوز يتقدم لميادة) دا حيهرب مـڼـڱ اعووذ بالله 🙂💔
ميادة: خلي النضمي وقومى نضفي غسون قال لي انهم حيجو بدري ،، يااااا أووومى 🗣️
مودة :خلاص خلاص قمت، صوتك العامل زى المكرفون دا 🐸💔 وعملتيه غسون كمان😂😂😭
ميادة: ☹️ قومي ياخى
مودة وهى بتضحك عليها : طيب طيب قمت 😂😭 يا غسون 🐸
__________________
*فى المــسا*
- ميادة لابسة ليها فستان فاري م̷ـــِْن تحت، لونو ازرق فاتح و فِيَھ ورود بيضاء ونقشات باللون الكحلي وحزامو لونو ازرق غامق ،، ولبست طرحة بيضا،،صحبتها جات وعملت ليها مكياج خفيف ، كانت أقل ما يقال عليها قمررر 💙🤍
بعد ما الضيوف جو قدمو ليهم الضيافة واتعرفو ع بعض،،،
بعد فترة ميادة جات نازلة بيمينها كانت مودة وشمالها رغد(صحبتها المقربة) وسـلمو عليهم. ،،
ام غسان م̷ـــِْن ما شافت ميادة طول حبتها مش هي بس،، لٱ اى حد م̷ـــِْن ما يشوف ميادة حيحبها لانو حشمتها وكلامها المتناسق وعفتها بيخلو الناس يحبوها 💙
-مودة بعد ما لقت ميادة بتتكلم بصوت هادئ قالت في نفسها ( مسكين يا غسان، انت ما عارف الراجيك شنو 🐸💔)
مهم. بعد فترة م̷ـــِْن الونسة والتعارف قررو انو يقلبوه لعقد والعرس يكون بعد شهرين ، فالبداية ميادة خافت م̷ـــِْن الموضوع. بس بعد ماشافتهم مأيدين الفكرة وافقت
-المهم تم العقد والاسرتين كانو فرحانين لميادة وغسان♥️♥️
💌__________________💌
مودة بعد ما صلت الصبح لقت عندها مكالمة فائتة م̷ـــِْن ياسر
رجعت ليه رد م̷ـــِْن اول جرس
ياسر:عولاق وينك امس مختفية 🌚💔
مودة: كويسة الحمدلله انت كيف 💔🙂
ياسر ضحك وقال ليها معليش نـًسّْيـت اسلم عليكى 😂♥️ بس بجد امس خوفتينى عليكى
مودة: امس كان عقد اختى وما لقيت زمن عشان افتح
ياسر: ي سلااام يااخ الف مبروك ليها وبيت مال وعيال يارب💜
مودة:اللهم امييين ياخ 💜 عقبال الجميع
ياسر: امييين ♥️ هاا عاملة كيف مع القراية
مودة:والله متجرسة وخايفة 💔 ☹️
ياسر:م تخافي صدقينى الامتحانات حتجى اسهل م̷ـــِْن الانتى متوقعاه، انتى ما عليكى الا انك تقري وما تشغلي بالك بشئ، واحنا كلنا واثقين فيكى ♥️
مودة:حاضر تسلم ♥️يلا استئذنك عاوزة اشحن تلفونى
ياسر:طييب يلا
💌__________________💌
مودة ختت فى الحالة فيديو لميادة وغسان وهم بيلبسو الخواتم لبعض ، وكتبت فيه: تـم فـي الامس عـقد قران ميادة&غسان أسال الله ان يتمم لـٍهما ويجمع بينهما على خــير 🥺♥️
وختت تلفونها فالشحن
__________________
فى المسا مودة فتحت الواتس. ولقت الراسايل دى تطاقش كلها عبارة عن تبريكات لاختها، ومن ضمن الرسايل كان ياسر كاتب ليها: عقبالنا انا وانتى 🌚♥️
مودة بعد ما قرت الرسالة قلبها بقا يدق، ايوا م حتخفي على نفسها انها بقت بتكن مشاعر لياسر 🙈♥️
مودة م ردت ع الرسالة،،
ياسر عرف انها م عرفت ترد قام رسل ليها وقال ليها،: اسمعينى انا م حأخبئ عليكى اكتر من كدة، ي مودة انا عاوزك لقدام، عايزك تكملي معاي باقي عمري،♥️
__________________
يتبع..
نشوف مودة حترد ليه بشنو ..
