📌# *رســـآلة مـــن مـجـهہول*
📌# *بقــلمـ : أمـ عــمـر*
««8»»
💌____________________💌
مودة وياسر اتحركو وطول الطريق ياسر بيونس فى مودة، بس مودة بالها كان بعيد،، كانت خايفة حد م̷ـــِْن اهلها يشوفها وهى راكبة معاه، ، لمن حصلو نص الطريق فركت اصابعها فى توتر وقالت ليه خلاص اقيف لي هنا
- ياسر فهم انها خايفة م̷ـــِْن انو يشوفها حد م̷ـــِْن اهلها معاه عشان كدة وقف وقال ليها متشرف بلقائك على ارض الواقع وبتمنى صداقتنا دى تدوم ♥️
مودة: ان شاء الله ♥️يلا باى
مودة بعد ما وصلت للبيت لقت عندها 5 مكالمات فائتة م̷ـــِْن وجدان بس م اشتغلت بيها ،،شحنت تلفونها ومشت استحمت. واخدت ليها غفوة
__________________
مودة بعد ما صحت لقت آذان العشا أذن مشت اتوضت وصلت المغرب والعشاء ونزلت ليهم تحت لقت ميادة وابوها وامها فى الصالة وبيتناقشو فموضوع،،،
مودة:شاركونى معاكم 🌚💜
خديجة: تعالى يا اخت العروس
هنا ميادة بقت تتبسم بخجل
مودة عملت فيها روحها ما فاهمة : اخت العرووس؟😲
آدم: ايواا اختك دى جاها عريس وللجمعة الجاية حيجى مع اسرتو كتعارف،
مودة فرحتتت ومشت حضنت ميادة وباركت ليها، بعدها مشت للمطبخ اكلت ورجعت نامت، ،
💌__________________💌
-مودة بعد ما صحت الصباح عملت روتينها اليومي وشربت الشاي وطول مشت للمدرسة (عملتها قااصدة ، عشان م تقابل وجدان)
__________________
*وقت الفطور*
وجدان مشت للمقصف لقت مودة ماف وبرضو مشت للساحة ولقتها ماف ،، مشت لفصل العلمى ولقت زى 5 بنات بيراجعو مع بعض،،
وجدان: بنات وين مودة؟؟
قالو ليها: مشت تصحح كراسها حق الرياضيات
وجدان مشت ووقفت جنب مكتب المعلمين وانتظرت مودة لعند ما جات طالعة، ،
وجدان وقفت قدام مودة وقالت ليها مودييي بليز سامحينى انا اسفة 🥺🥺
مودة اتجنبتها ومشت بدون م ترد
وجدان لحقتها ووقفت قدامها : انا غلطانة وعرفت غلطى وتانى م حاكررو. ، وانتى عارفة انا مالي اخوان 💔 انا اعتبرتك اختى الما جابتها امى وبقت تبكى💔
مودة اتاثرت بكلامها وجات حضنتها وقالت ليها خلاص سامحتك يلا قشقشي دموعك دى
وجدان: ربنا يخليكى لي 🥺♥️
مودة: ويخليكى لي ♥️ يلا نتلاقي بعدين نهاية الدوام ومشت
وجدان :طيب يلااا ♥️ وقالت فى سرها: هخخ غبية قلبها الابيض دا حيضيعها😏
💌__________________💌
*نهاية الدوام*
مودة ووجدان وصلو للشجرة بس المرة دى ما لقو رسالة
وجدان : غريب الًيوم مافي رسالة
مودة: انتى عارفة ،يوم الجمعة لقيت رسالة ومحتواها كان مختلف عن باقي الرسايل!
-مودة ورتها بمحتوى الرسالةة
وجدان عقدت حواجبينها فى حيرة وقالت ليها: اجي بكون قصدو شنو!
مودة: م عارفة والله، المهم الامتحانات دى كبست وبصراحة انا خايفةة
وجدان: ياخ خوف شنو كمان،، ال30 يوم دي بتكفي وتزيد، اعملي ليكى جدول زابط كدة وصدقينى حتنجزي
مودة:والله ان شاء اللّـه 😥 يلا باي
وجدان: باي
__________________
يــتبع ...
