الروح إذا آوت دأوَت و إذا أَحبت أحيت

3

بدا اليوم بشكل طبيعي و روتيني بين الي راح للمزرعه و الي راح للحلال والي جالسه مع اهله و الي يقضي للبيت و الي شايل همه و يدور حل و الي راح ينام
اجتمعو احفاد الجد عايض في الحوش و بينهم شبت نار و شاهي و شوي من المفرحات يسولفون بينهم و يضحكون مع بعض و يتذكرون مواقف الطفوله و من بين السوالف جرتهم سالفه ابوهم " سيف " مع عمهم " محسن " ،
رفيف : الغريب انه بعد السالفه الي صارت بينهم محد تكلم بالموضوع محد سال عن عمي محسن ولا احد سال عن عمتي روضه
ريحانه بحزن : ولله اني شايله هم عمتي روضه محد يدري وش صار على قلبها
شهقت ديمة بخوف : اسم الله على قلبها لا يكون جاها شي
ذياب : ادحري الشيطان لا تتفاولين على عمتنا و ادعي لها معتس عسى تكون بخير
ديمة بحزن بان على عيونها : ولله اني اشتقت لروح كثير الله يسامحهم بس
رفيف قامت بحزن : انا بروح ارقد وانتو لا تبطون عشان لا يعصب جدي
بدون يتفرقون و راحو يرقدون بينما بطلنا اخذته الهواجيس ب حب طفولته ولا يدري وش صار معها
" بيت العم محسن "
روح : بتجلسين عندنا ولا بيجي رجلك ياخذتس
رسن : لا لا قلت له اني ودي انام عندكم الليله و ان شاء الله بيجي بكره
روح و هي تقوم تشيل الاغراض : زين اجل ودي وغدانتس داخل لا يمرضون بلبرد و تعالي عاونيني عشان نقضي بسرعه
رسن و هي تشيل ميرأ الي كانت نايمه بحضنها : ابشري بجهزهم و اجيتي
دخلت روح تشيل الاغراض لانهم كانو يتقهوون و ياكلون من الحلا الي ضبطته روح
دخلت رسن المطبخ و مسكت روح مع كتفها و قالت : شفيك كانتس اليوم متضايقه
روح بحزن : لا معليتس مافيني الا العافيه
رسن : نزلي نزلي الاواني من يدينس و تعالي نتكلم
مشو يجلسون عند باب المطبخ الي يطل على الصاله
رسن : اسلمي وش عندتس
روح تجمعت الدموع بعيونها : ولله يا رسن مدري وش اقول ما ادري احصلها من مرض اميمتي ولا احصلها من تعب بـيي الي شايل هم الدنياء كله على ضهره
رسن بحزن : وش الي خلاس تقولين ذا الكلام
روح بدت تبكي : ولله يا رسن ان ابونا يبين انه بخير بس هو ابداً ماهو بطيب اليوم وانا اجهز لاميمتي العلاج حصلته يعاين بصورته مع عمي سيف و باينه الضيقه على وجهه
رسن ضاق صدرها من طاري عمها سيف و من حزن ابوها حضنت روح : الله يعين يا خيتي ولله اني مدري وش اقول لكن ان شاء الله بعد هذي السنين و هذي الفراق انهم يجتمعون على خير
روح بحزن شديد : ولله اني دايم ادعي لهم و ادعي انو نرجع لالديره القديمه و نجلس مع بنات عمي سيف ديمة و رفيف و ريحانه
اشتقت لكل شي هناك ودي نرجع بس حال عمي و بـيي ما يسمح
رسن : مدري وش الي صار بينهم و فرقهم لاكن حسبي الله على من كان السببب
روح و هي تمسح دموعها بكف يدها : روحي ارقدي انا باغسل المواعين و اجيس
رسن حضنتها و هي تطبطب على ظهرها : ابشري انتظرس لا تطولين خلي نص انا اغسلها الصبح
روح : تمام ماعليتس
انتهى اليوم بحزن على ابطالنا بس نرجع لعشر سنين ورا :
سيف بغضب : انت الي بديت الموضوع يا محسن و انا الي بنهيه
محسن بحزن : تكفى يا اخوي اسمع مني ولله اني مالي دخل ب السالفه تكفى يا سيف لا ،، قاطعه سيف ب و قال ب انفعال وحده
سيف : كيف مالك دخل كيفف وانا الي شفتك مع الرجال كيفففف وش باقي تسوي عشان تقول ان مالك دخلل انت يا اخوي الي كان اقرب من روحي لي الي فضلته على اهلي و ناسي كلهم صديق عمري الي توقعت الغدره من كل الناس الا هو ! كيف تسوي فيني كذا ! وش سويت انا لك وش شفت مني عشان تغدر فيني كذا لكن هين يا محسن هين ما اكون سيف اذا ما خليتك تموت من القهر و الندم يا محسن
محسن : تكفى يا سيف لا تقول كذا ولله ان مالي دخل هم الي،، رد سيف بصراخ : خلاصصص اسكت اسكت ما ابي اسمع حسك اسكت لا تبرر لا تقول شيييي اطلع برا بيتي اطلع ولله ولله يا محسن لا تعرفني ولا اعرفك
محسن بحزن : تكفى يا سي،، صرخ عليه سيف بقوه و هو يدفعه مع كتفه : اطلععع براااا بيتتيييي لا تدل بيتي ولا ادل بيتك ما عاد عندي اخو اسمه محسن اطلععععع براااا ولله يا محسن لو جو قالو لي محسن مات اني حتى عزاك ولله اني ما أحضره
طلع محسن بحزن شديد و طلع من بيت سيف و توجه لبيته و اخذ زوجته و بناته و هاجر من الديره و قلبه ما هاجر الديره اخوه سيف الي توقع ان كل الناس تسئ الظن فيه الا اخوه سيف لكن طرده من بيته ولا سمع منه ولا فهم منه صدق الغريب بدال ما يصدق اخوه الي بينهم عشرت سنين طلع من الديره و كل الحزن في قلبه طلع و هو ما يدري فين يروح ماعنده اهل ولا عنده اخو ولا عنده احد غير سيف الي طرده
افترقو اعز الاخوان لمدت عشر سنين ولا احد يدري عن اخبار الثاني ولا احد سال عن الثاني انتهت الاخوه و الصداقه الي كان ينضرب فيها الامثال .
" نرجع ل واقعنا الحزين عند البعض و السعيد عند البعض و الي تعود على الوضع و صار ما يفرق معاه شي "
بعد صلاه الفجر و هواش الجد عايض لاحفاده و تجهيز الفطور اخذتهم السوالف مع جدتهم فاطمه و مواقفها في الماضي دخل الجد عايض و هو يتكي على عكازه : يلا يا عيالي يلا مشينا العزبه يلا عندنا شغل واجد الحقوني
طلع الجد عايض و بدا التذمر بين العيال ما ودهم يرحون للعزبه لكن ما يقدرون يقولون شي طلعو ورا الجد عايض و دخل وسام البيت يدور خواته : يا يمه ترانا بنروح للعزبه جدي يقول ورانا شغل كثير مدري بنرجع بدري ولا لا لكن لا تحسبون حسابنا على الغداء لين ادق عليس
ام حامد : ابشر يا وليدي انتبهو لنفسكم و انتبه لرجل اخوك زين
سلم عليها وسام و دخل المطبخ حصل خواتك و نطق : يا خواتي تبغون شي من عند راجي " صاحي البقاله " ولا لا !
ديمة : اي تكفى يا وسام جيب معاك اغراض ودي بها بسوي لنا حلا
وسام : بشرط تعطينا معس
ديمة ضحكت : ابشر ابشر دقيقه بس اكتبها لك بورقه
ريحانه : جيب لي معك مفرحات عشان نفسيتي تزين
وسام : افا وش فيها نفسيتس
ريحانه : ابد بس تحتاج مفرحات
وسام اشر على خشمه : على ذا الخشم يا خيتي
رحيانه : عليه الشحم يا خييي
دخلت ديمة و اعطت وسام الورقه و طلع لحق اخوانه و جده
الجد عايض بعصبيه : وين غديت يا الورع
تقدم وسام و باس راسه : رحت اعلم امي اننا بنروح للعزبه و شفت خواتي اذا ناقصهم شي يا جد
الجد عايض : يلا يلا مشينا غربت الشمس و حنى مارحنا
ضحك امجد و همس ل وسام : دوبنا الساعه عشر الصباح طيب
وسام دق جنبه و ضحك : اسكت اسكت لا يفصل علينا بعد .
'
" في مكان بعيددد عن الديره و اجوائها في " نجد " العاصمه
بيت الخال " عبدالله ال فهد " يكون اخو سلمى " زوجة سيف "
كانو متجمعين في الصاله يتقهوون العائله الصغيره مكونه من خمس افراد
تعريف بسيط
الخالل عبدالله اخو سلمى متزوج جوهره عنده بنتين و ولد كان ساكن ب الديره بس طلع منها بسبب شغله
- زوجه الخال عبدالله " جوهره " همها بس عائلتها تعيش ب سلام طيبه جداً  تحب الكل ولا تضر احد ،
- الابن الاول لـ عبدالله " سامي " شخص مرح و حنون على الكل يحب الخير للي يعرفه ومايعرفه طيب و على نياته يدرس جامعه تخصص ادارت اعمال عمره 25 ،
- البنت الثانيه لـ عبدالله " رنيم " انسانه مثقفه هاديه حالها حال نفسها تحب اختها و اخوها و ما ترضا عليهم شي طيبه مع الكل بس اذا غلطت عليها الله يرحمك تخصصها ترجمه عمرها 23 ،
- البنت الثالثه لـ عبدالله " هيفاء " اخر العنقود المدلعه ب العائله ما ينرفض لها طلب طيبه مره بس عنيده و لسانها اطول منها مشكلجيه جدا خلصت ثانوي و تنتظر قبول الجامعه عمرها 19 ،
-
الخال عبدالله : ولله كاني اشتقت لديره احد زيي
هيفاء بحماس : تكفى يا بابا خل نروح بدت الاجازه تكفى تكفى
سامي : اي ولله اننا اشتقنا مو ناوي تنزل لديره يبه
ام سامي : بالله يا عبدالله خلنا نروح ولله اني اشتقت ل سلمى و البنات
رنيم : صدق حتى خلصت اختبارات و كلنا فاضين و حتى انت اخذت اجازه تكفى يا بابا خل نروح
ابو سامي : ابشرو دام كلكم تبغون تروحون ابشرو تجهزو اليوم و نامو بدري عشان نمشي بكره الفجر وانا بكلم سلمى اننا بنجيهم
فرحو كلهم متحمسين جداً لهم اكثر من خمس شهور ما نزلو الديره
بدو البنات يجهزون من بدري من الحماس
هيفاء و هي تطلع ملابسها من الدولاب : امم رينو احس شرايك نخلي سامي ينزلنا السوق ودي نجيب للبنات هدايا معانا و اشياء كذا
رنيم بفرح : اييي وربي كنت راح اقول لك اخر مره رحنا جبت معي حلا اعجب ريحانه مره ابغاء اجيب لها كمان
هيفاء : ياي مره متحمسههه وربي ما توقعت راح نمشييي واو
بدو يجهزون بكلل حماس و فرح
'
نرجع ل الديره عند روح و رسن
روح بصراخ : يا وغددددد ليهه تكبه دوبي غاسله الزوليهههه
انفجرت رسن تضحك على روح لانها تخاصم طفل عمره اربع سنين
رسن بضحك : خلاص يا روح انا انظفها اجلسي
روح ضحكت لما استوعبت ردت فعلها : اف وربي اني مب صاحيه المهم انا بنزل ل السوق بجيب اغراض ناقصه للبيت ودك ب شي !
رسن : لا ماودي بس انتبهي لنفتس انتي
روح و هي تلبس عباتها و تتغطى زين و تلبس نقابها : اي زين معليس ، و طلعت نزلت لسوق .
'
" عزبه الجد عايض "
كان يصرخ على العيال لانهم ما خلصو الشغل بسرعه مع انه واجد لكن الله يعينهم ماعنده صبر
ذياب : ياجد ماعليك الحين بنخلص الحين
الجد عايض : روح روح احلب الناقه بس روح
راح ذياب و هو بالقوه يمشي من رجله تسحب من وره وسام و الجد ما انتبه
وسام : اجلس اجلس يا ذياب انا احلبها
ذياب : لا يا وسام ارجع مو ناقصني هواش معليك رجلي ماعليها خلاف
وسام و هو يجلس ذياب على العلف : اجلس اجلس بس
اخذ وسام الطاسه حقت الحليب و راح للناقه يحلبها ضحك و هو يشوف ذياب يحاول يوخر الحُوارُ عنه " صغير الناقه "
وسام وهو يضحك : يا ذياب خله يلعب معك وشبك
ذياب وهو مرتفع ضغطه : يارجال وش يلعب معي خله ينقلع مو ناقصني الا هو
وسام وخر عن الناقه و راح لذياب : ودك تذوق ؟
ذياب : لا ولله ماني بمشتهي وده وده جدي لا يفقدك و نبتلش
قام ذياب و استند على كتف وسام خبط وسام على يد ذياب الي على كتفه " ضرب "
وسام : القوه القوه يا اخوي
ابتسم ذياب : الله الله مشينا
راحو يمشون لجهت الخيمه الي الجد جالس فيها جاهم كلب الرعي و هو يركض و نقز على وسام و انكب الحليب كله طلع الجد على نباح الكلب و عصب لما شاف الحليب كيف منتثر على الارض و وسام طايح على الارض
الجد عايض بعصبيه : ابك انت وياه مافيكم طب هاه نثرتو النعمه يا مال اللي قوم قوم يا الورع قوم
قام وسام ب القوه من الارض صار ثوبه كله تراب و ضهره عوره من الكلب
تقدم الجد عايض و ضرب وسام ب العصاء مع ساقه و قال بعصبيه : لي ساعه ادورك اثاريك رايح مع المطفوق ذا دامني ارسلته وش لقفك تروح وراه !!
وسام كان بيتكلم بس ضربه الجد ب العصاء مع ساقه و طاح وسام على ركبه و قال بحده : اسكت لا اسمع صوتك ، ناظر ل ذياب و قال : رح انت احلب الناقه من جديد بسرعههه
اخذ ذياب الطاسه و هو معصب من جده لان وسام ماله دخل الكلب هو الي نقز عليه و يدري انه لو تكلم او قال شي بس بيعصب الجد زياده راح الجد عن وسام الي كان جالس على الارض جاه أمجد و هو يقومه و اسند وسام يده حول رقبت امجد و قال و هو يبتسم :