Unicode
ညစာစားပြီးတဲ့နောက် ကျောက်ကျန်းအန်းက ကျုံးဇစ်ချီကို ချစ်တာကြောင့် စားပွဲကိုရှင်းလင်းပြီး ဟင်းပွဲတွေသိမ်းဖို့ တာဝန်ကို သူပဲ လွှဲယူလိုက်သည်။
"ကျန်းအန်းရေ, ငါလည်း မင်းကို ကူညီမယ်" ရှန်အားမူက ထပြီး ကျောက်ကျန်းအန်းရဲ့နောက်ကနေလိုက်ကာ မီးဖိုချောင်ထဲဝင်လာလေသည်။
"အဖွား, ကျွန်တော့် ကို ကူညီစရာ မလိုပါဘူးဗျာ, ကျွန်တော် လုပ်နိုင်ပါတယ် " ကျောက်ကျန်းအန်းက ရှန်အားမူရဲ့လက်တွေကို မကူညီဖို့ တားမြစ်လိုက်ရသည်။
"ကောင်းပါပြီ, ကျွန်တော်မျိုးကိုပဲ လုပ်ခွင့်ပေးလိုက်ပါတော့!" အစေခံချုပ်က ပြုံးပြပြီး ကျောက်ကျန်းအန်း အလုပ်တွေကို ကူညီပေးလေသည်။
"အားမူတို့ ဒီနေ့ဘာလို့ ဒီလိုဝတ်လာကြတာလဲ?"
ကျောက်ကျန်းအန်းက ပန်းကန်ဆေးနေတုန်း ရှန်အားမူကို မေးလိုက်သည်။ ရှန်အားမူက ဇစ်ချီနဲ့ အဖေရှန်ကို ခဏလောက် အပြန်အလှန် ဆက်ဆံဖို့ အချိန်ပေးချင်တာကြောင့် မီးဖိုချောင်ကို လိုက်လာခဲ့တာမှန်း သူသိလေသည်။ ဒီကိစ္စနဲ့ ပတ်သက်ပြီး လိမ္မာပါးနပ်စွာနဲ့ သူ မမေးခဲ့ပါပေ။ ထိုအစား ပဟေဋ္ဌိဖြစ်စေတဲ့ နောက်ထပ်မေးခွန်းတစ်ခုကိုသာ မေးခဲ့တာဖြစ်သည်။ ဒီနေ့ အဖေရှန်နဲ့ ရှန်အားမူ ရောက်လာတာနဲ့ပက်သကပြီး တစ်ခုခုမှားနေပြီဆိုတာ သူသတိထားမိလေသည်။
သူတို့ဝတ်ထားတဲ့အဝတ်အစားတွေက အထည်ကြမ်းဖြစ်တဲ့ လျှော်အထည်တွေလို့ပြောလို့မရပေမယ့် အရင်ကလို အရည်အသွေးကောင်းတဲ့ ပိုးထည်တွေနဲ့ နှိုင်းယှဉ်ရင် ကွာခြားချက်က အရမ်းများလွန်းလေ၏။
ဒါပေမယ့် ရှန်အားမူကတော့ ဘာမှ မှားနေတယ်လို့ မထင်ပေ၊ "ဒါက ဘယ်လိုလဲ, မင်းအဖိုးနဲ့ ငါ ဒီလို ဝတ်ထားတော့ မင်းတို့နဲ့ မတူဘူးလား? ဒါကို ကျေးလက်ရဲ့ ဓလေ့ထုံးတမ်းတွေကို လိုက်နာတယ်လို့ ခေါ်တယ်, မင်းအဖိုးနဲ့ ငါက ရွှေငွေတွေ ဝတ်ပြီး လာလို့မဖြစ်ဘူးလို့ ဆွေးနွေးခဲ့တာလေ, ဒီမှာ အာရုံစိုက်တာ တော်တော်လေး ခံရမှာစိုးလို့, ဒီလိုမျိုး ၀တ်ရင် ငါတို့က ကုန်သည်တွေဖြစ်ပြီးတော့ ဆွေမျိုးတွေဆီ လာလည်တာလို့ပဲ လူတွေက အများစုက ထင်ကြလိမ့်မှာလေ ” ထိုစကားကို ပြောပြီးနောက် ရှန်အားမူက ကလေးတစ်ယောက်လိုပင် လှည့်ပတ်ပြလေသည်။
YOU ARE READING
အရူးခင်ပွန်းနှင့် တူယှဥ်စုံတွဲနေထိုင်ခြင်း |Completed|
RomanceTitle - Accompany by a Fool To Do Farming [种田之傻傻相陪] Author(s) - 锦绣云燃 English Translator - LittleYen Status in COO - 90 chapters (completed) Type - Web Novel (CN) Genre - Romance Slice of Life Yaoi Tags - Absent Parents Ancient China Arranged Marriag...