بارت 1

100K 4K 1.6K
                                    

انتَ يا اول عرف
واخر غريب..
يحِبني بس مو مَالتي
ياحَبيبي ..

ولايتي المَا بيها مِثلك
عيب اگول ولايتي..
الليل شنهو الليل بعدك.....

_______________

     🟤 الاحـداث المتسلسلـه تـبدأ مـن بـارت 5 🟤
[البـارتات الاولـى الـ 3] غـير مناسبـه لعـقول الـجميـع
اقتـضى التنـبيه ....

..............

كاعده على كرسي الفرار اسمي الفرار لان احبه
افر بنفسي وعقلي مدا يهدء من تفكير البعمري يفكرن بالحب بالزواج بالدراسه الا اني افكر بالفلوس شلون اكدر اصير بالمستوى المادي الاحلم بي شلون اكدر اطور شغلي اكثر

ناديت العامله سلسبيل

_نعم ست

جيبيلي جاااي راسي ياذيني ولا تخلين هواي شكر

_حاضر

خمس دقايق واجت شايله الكوب
خلته على الميز وطلعت

اخذت الكوب اشرب وبالي مشغول ميصفى تفكير دايهلكني كمت من الكرسي افتر رايحه جايه لحد ماخلص الجاي

تلفوني صوت الاشعارات مستمره سويته صامت وخليته بجيبي عود على مزاجي ارد عليهم

اباوع على ساعه صارت 12 ظهر فتحت الباب وطلعت افتر بالممرات مال المركز

دخلت لغرفه المكياج بعدهن العرايس والماكيرات دايشتغلن ظليت افتر فوك راسهن ارقب بدون ميحسن لحد ما انتبهت على وحده عايفه العروس وكاعده تراسل
عطت بيها

هاااي شداسوين كومي الشغلج ماكو وقت لهاي سوالفجن لاتخلني حتى نت افصله من تلفوناتجن

_ست والله جاي اراسل صديقتي

شعلييييه كملي شغلج ومحد يحاجيج

من سمعن صوتي الباقيات كامن يتراكضن بالشغل
محد يجر عدل الا بالعين الحمره

يعجبوني بس الولد شغلهم مضبوط

نوب رحت لقسم البدكير والمناكير شفت الوضع

بعدها لقسم المحجبات بس بنات يشتغلن ماكو ولد

رجلي راحت من صعده لان من افتر عليهم ما احب اصعد مصعد

اخر شي رحت لقسم الوشوم هم اكو بنات واكو ولد

دخلت سلمت على شباب بس همه مبردين كلبي يشتغلون بكل ضمير وهدوء مو مثل الماكيرات شالعات كلبي ......

هسه لازم اصور شغلي علمود شباب ينشروا دخلت لقسم تاتو وطلبت من شباب ينادون المصور الخاص بالمركز يصورني

وكفت فوك راس زبونه وبلشت اشتغل بكل دقه وتركيز عندي اهم شي سمعتي وسمعت المركز صار هواي اشتغل عليها

الـكارمـاحيث تعيش القصص. اكتشف الآن