أحببتكِ في اللّٰه ( كرونيك جزائرية ) جزء 01

أحببتكِ في اللّٰه

حلقة 72:
أمل مينا ❣️
آيات : يوم تعبانة على غير عادة ممكن من طقس لي يتبدل ساعة شمس ساعة مطر وواحد كي لعبة مافهم وش يلبس مهم لا إعتراض على حكم الله   يوم عندي تيدي ساعة اولى مع واحد غامل مع يجي يبدى يطلق في غمالتو علينا وش راكم زينات وانا أكره شيء عندي راجل حلاب لي يكون فلون والله فلون مليح عليه ..نحب راجل لي يكون محترم لي مداير قيمة وهيبة لروحو جامي يخالط مرآءة ولا يعطيها قيمة زائدة على حجم ميش مين قلت هكذا تسمى يرخس ويهين بعنوان " انا مانيش حلاب " يعني تعاملو ميكونش مبالغ بيه يكون اذا سقسوه سؤال يجاوب قيس سؤال ميش يبدا يفصل ويبدى ساعة صباح خير ساعة مساء خير ويطور موضوع الى قصرة بينو وبينها يكون عندو شخصية وهيبة مين يكون كلامو رزين وثقيل