أحببتكِ في اللّٰه ( كرونيك جزائرية ) جزء 01

أحببتكِ في اللّٰه

حلقة 44:
أمل مينا ❣️
داولهم قهوة تقهواو كاين لي روحو وكاين لي بقاو للعشاء وهي بين كوزينة وبين صالة تقول نحلة شافها عند باب رايحة هكاك عيطلها
حنان : نعم
علي : وقتاش مروحين ؟!.
حنان : معلابليش سبوع يوم ممكن غدواء روحو
علي : لالا يوم تباتو في داركم اي معاهم يما وولدها راجل الله يبارك وزيد خوتاتها معاها مكانش علاه تريحو كثر جبد دراهم حطهملها في يديها درڨة على ناس هذو مديهم لمرتو كي تكون وحدها مانحبش ناس تعرف يقولك يبين في خيرو وفي روحو
حنان : الله يدوم كرمك ويحفظك ليا
علي : ايا روحي ومتنحيش خيمار ووصي بناتك ماينحوهش رجال عينيهم زايغة وساعة على ساعة يطلع ولاد ولا عمهم  مانحبهمش يتكشفو قدام اي شخص مهما تكون صيفتو
حنان : حاضر إبن عمي