اذا بقت شويه بعد وما اجت اروح ادور عليه أي ادور عليه اكول ل قاسم يمشي وياي ندوره.
بقيت على هاي الحاله اكثر من نص ساعه.
طفح الكيل ما اگدر اصبر بعد اجوز اني تأخرت اخر مره بسبب الشغل.
بس هيه وين راحت؟ لا شغل ولا دراسه يبقه ل هيج وقت.
لبست شالي وحذاء والعبايه خليته على راسي.
فتحت الباب وركض على بيت ابو قاسم.
بقيت ادگ ب الباب على كيف.
شويه شويه بقيت ادگ حيل حتى احد يسمع.
والحمد لله سمعت صوت احد من وره الباب يصيح.
قاسم :- منوو ؟جاي ب هذه الوقت.
ريمار :- صحت
اني ريمار افتح الباب بسرعه الله يخليك.
انفتح الباب ب انفعال وطلعلي
قاسم :- ريمار؟ شكو شصاير؟ شعدج بهيج وقت.
ريمار :- قاسم الله يخليك رحمه...
ما كملت كلامي وهوه صاح من مكانه.
قاسم :- شبيه رحمه؟
ريمار :- ما اعرف وين.
قاسم :- لج شنو ما تعرفين وين اختج وينه؟ من لمته ماكو.
طلع ابو قاسم وراه وأم قاسم هم يعني العائله كُله.
ام قاسم :- يمه ريمار ش
كو بيج شي اختج بيه شي.
قاسم قاطعه بستجوبني.
قاسم :- وين راحت هيه؟ من لمته ماكو؟
ريمار :- اني من رجعت طلعت كايله ل امك انو هيه تروح تدرس عد صديقته بس لحد هسه ماكو انوب اتصلت على كُل صديقاته الي اعرفهن يكولن ما مرت علينه من زمان
وين راحت فهموني راح اموت هنانه. ؟
ابو قاسم :- زين دگي عليه شوفي وينه.
ريمار :- رحمه ما عده تلفون.
قاسم :- اني طالع ادور عليه.
التفت عليه وگال
تجين وياي؟
ريمار :- اكيد يله بسرعه خاف صاير عليه شي.
ام قاسم :- يا ولكم وين تروحون الدنيه نص ليل وين تدورون عليه وين تلكوه انتضرو ل الصبح.
قاسم :- وتردين ابقه ل الصبح منتضر يله رحمه خلي البس حذائي واجي قفلي بيتج وتعالي.
دخل ل البيت واني رحت قفلت البيت وجبت المفتاح ورجعت.
لكيته طالع.
ريمار :- وين ندور عليه هسه.
قاسم :- رايح اجيب سياره ابو فلاح اكله الوالده تخربطت واخذج ندور عليه عد صديقاته نروح الهن وحده وحده.
رحنه ل راس الفرع بقيت منتضره وهوه جاب السياره واجه..
صعدت وياه وهوه انطلق ب سرعه.
YOU ARE READING
قهر الأرواح
Romanceفتاتينْ مِن حضارهْ واديّ الرافدينّْ بين ضريح المسمومّْ سلمتْ أمرهاّ له....!! ابتدئتُ مسيرتها منذ الصِغر. لتربيه شقيقتها تؤامُ الشكل ولكن...!! هل وجدت ناتج تربيتها؟ ام بقيت تتستر على أفعال شقيقتها الأخرىّ.؟
البارت الخامس عشر
Start from the beginning
