🌛 عدنان 🌜+١٨🔞

🌛الفصل ٢٤🌜

التهمت النيران الارض الزراعيه المملوكه لسلطان الجبالي وولده فهمي و ايضا جزء من الارض المملوكه لعدنان كانت المساحه شاسعه
حينما تنظر الي النيران الملتهبه التي تاكل الزروع تشعر و كأن الجحيم امامك
وقف الجميع يشاهدون التهام النار للاخضر و اليابس و هم عاجزين عن فعل اي شىء لها
فحينما أتي الحارس مهرولا ليخبرهم ان رجال ملثمون قامو بقتل الحراسه المتواجده في الاراضي الزراعيه و بعدها قامو باغراقها بماده سريعه الاشتعال بمجرد ما مسها عودا من الثقاب نشبت فيها النار علي الفور و انتشرت بين المحاصيل بشكل سريع
وقتها خرج جميع رجال الجبالي مهرولين الي المكان ليحاولو انقاذ ما يمكن انقاذه
حتي الجد حينما علم ان ارضه ايضا التهمها الحريق صمم ان يذهب معهم
و لكن حينما وصلو لم يجدو شبرا واحدا يمكنهم انقاذه من تلك النيران التي غطت سحابه دخانها نجع الجبالي باكمله
وقف الجد ينظر بحسره علي ارضه الغاليه و هي تصير رمادا امام عينه و لكنه لم يحتمل اكثر فوق بينهم مغشيا عليه
حسن : وااااه جدي جدددددي
رد علي
اتي عدنان سريعا و قال : شيلو معاي بسرعه مش وجت ندب دلوك
حمله الاثنان ووضعوه داخل احدي السيارات
وجه عدنان حديثه لاخيه قائلا : خود الحرس معاك و اطلع بيه عالمستشفي و اني هشوف الخراب ديه و احصلك طوالي
اذعن لطلبه و انطلق سريعا الي احدي المشافي الخاصه لمحاوله انقاذ جده و قد اصطحب معه وهدان و بعض الحرس
اما فهمي فلم يلقي بالا لما حدث لابيه  كان يقف ناظرا لالسنه اللهب المتصاعده و لا يشعر بمن حوله من هول الصدمه كاد ان يجن وهو متسمرا امامها دون حراك
تقدم منه بلال محاولا اخراجه من تلك الحاله فقال : أبوي ابوي بعد أشوي الدخان كلاته دخل صدرك وجفتك جنب النار مهطفيهاش
فهمي بقهر : انهي نار الي مهتنطفيش يا ولدي نار جللبي ولا نار ارضي الي مشعلله جداااامي بيتي اتخرب شجي عمررررري رااااح يا ولااااااد
اقترب منهم عبدالله و عدنان سريعا فقال الاخير بهدوء غاضب : عممممممي متفرجش الخلج علينا اكتر ما هما كفايانا فضايح عايزهم يجولو سلطان الجبالي وجع من طولوه و ولده أتجن أياك
امسك حالك دلوك و لما نعرفو الي عيملها أبجي اندب براحتك
ثم صرخ علي هارون قائلا : هااااااارون
كان في لحظه امامه و قال : ايوه ياخوي
عدنان بقهر : ماشي الخلج الي واجفه دي ماعايزش حدي واصل ثم اكمل بصوت جهوري : خلاااااااص جولهم السيما شطبت علي اكده
و ما هي الا بضع دقائق و قام الحرس الخاص به بتفريق التجمهر الذي احدثه اهل القريه اخذين مقاعد المتفرجين دون التدخل للمساعده ناهيك عن تعليقاتهم السخيفه التي لا تناسب بشاعه الوضع ابدا
بعد ان التهمت النيران معظم المحاصيل المزروعه اخيرا اتي رجال الاطفاء و قامو باطفاءها بعد عناء بسبب مساحه الارض الشاسعه
صاحبها ايضا كالعاده قوه من الشرطه و النيابه العامه للتحقيق فيما حدث و نقل الجثث و المصابين الي احدي المشافي لحين عرضهم علي الطبيب الشرعي
اقترب احد الظباط و يدعي نور الدين و قال : يا عدنان بيه كده الوضع بقي صعب في اقل من شهرين تلت مخازن يتحرقو و الارض كمان حاجه مش طبيعيه من فضلك ساعدنا و قولنا لو ليكم اعداء او تار مع حد ياريت نعرف علشان نقدر نوصل للجاني
عدنان بقوه : احنا ملناش اعداء. يا بيه و لو لينا او علينا تار مفكر اني هجولك ههههه انت لساتك جديد في الصعيد اسال علينا زين يا نور باشا سكت قليلا و اكمل : مش نور الدين احمد منصور بردك ولا اني غلطان و بجالك سبوع ماسك المركز حدانا صوح جول بجي للي خبرك بالحرايج الي حوصلت جبل ما توصل أهنيه يخبرك مين هما عيله الجبالي
نور بغيظ : دانت سائل و عارف بقي طب كويس يبقي اكيد عرفت برده اني لما بمسك قضيه مش بسبها الا لما اجيب قرارها هااا خاف مني كاد ان يمد يده نحو كتف عدنان في نهايه حديثه كنوع من التاكيد علي ما قال
و لكن الاخير امسكها بقوه قبل ان تمس كتفه ثم ضغط عليها و قال بتحزير : أياااااك تفكر تتعدي حدودك وياي أسأل عني زين يا نور الدين عدنان الجبالي مهيخافش من حدي واصل ولا هيهمو حدي
فكر بس تجرب مني مش هتلحج تخمن رد فعلي لانك هتلاجيه جبالك طوالي
نطر يده بعنف مع صياح الاخر : انت بتهددني انا ظابط في الشرطه
عدنان : علي نفسك مش علينا و الدبورتين الي فرحان بيهم فوج كتفك دول فلحظه ممكن اطيرهملك ثم اكمل بقوه : روووح عاين الحريج و شوف شوغلك يا حضره الظابط حديتك وياي مهيوصلكش لشى واصل
و.......فقط تركه و ذهب كانه لم يراه من الاساس ووقف الاخر يتاكله الغيظ من داخله فهو من قبل ان ياتي الي عمله كان يسمع عن قوه تلك العائله خاصا هذا المتكبر الذي وصل به جبروته ان يمنع رجال الشرطه من دخول نجع الجبالي دون أذن منه
و حينما قام بعمل تحريات عنه خصيصا وجد انه يتمتع بسمعه جيده و محبه كبيره بين الناس و لكن ايضا استمع الي بعض الاقاويل التي قيلت علي استحياء عن احتمال  تورطه في تجاره السلاح
و حينما اراد ان يتاكد من تلك المعلومه وجد الغموض يلتف حوله و كثيرا من علامات الاستفهام
صبرا ايها المغرور المتعالي الايام بيننا و ساعمل جاهدا علي فك شفرتك
اقترب منه احد زملائه و يدعي اسلام و حينما اصبح قبالته قال : ابعد عن عدنان الجبالي انت مش قده
نور بتكبر  : ليه يعني ده مجرد صعيدي جاهل متحامي في عيلته و اهل بلده
اسلام : الصعيدي الجاهل ده معاه بكالريوس هندسه و عنده شركات في القاهره غير مصنع تصدير لحوم و مصنع تصدير فاكهه و مزارع مواشي و اراضي زراعيه عينك متجبش اخرها و كل ده بيدوره بدماغه و برغم وجود جده و عمه الا انه هو الكبير الفعلي لعيلته و البلد كلها و محدش يجرؤ يكسرلو كلمه و بيتهيألي انك عملت عليه التحريات الكافيه الي تخليك تعرفه كويس ولا ايه
نور باستغراب : وانت عرفت منين اني عملت كده
ضحك اسلام و قال وهو يربت علي كتفه : انت هنا فالصعيد مش في اي محافظه تانيه يا حضره الظابط
نور : يعني ايه مش فاهم
اسلام  : يعني الصعايده ولاءهم الاول و الاخير لبعض مش للغريب مهما كان رتبته ايه ولا حتي نفوذه واصل لفين فطبيعي لما تعمل تحريات عن حد منهم خصوصا واحد بشخصيه عدنان المحبوبه بينهم مش هيقولولك غير الي هو عايزك تعرفه و بس و عمرهم ما هيفضلوك عليه
نور : ليه يعني بياكلهم ولا روحهم في ايدو
اسلام : الاتنين ...الاتنين يا حضره الظابط و ضيف عليهم حبهم ليه و روح القبليه الي بينهم بمعني مهما كان الي بينهم عمرهم ما يدخلو غريب وسطهم ياريت تفهم و تشيلو من دماغك عشان متتعبش
اعقب قوله بتركه و التوجه لاكمال باقي الاجراءات المتبعه في مثل هذه الحوادث