ထို့နောက် အမေကTVဖန်သားပြင်ထက်ကပြုံးရယ်နေသည့်မောင့်အားကြည့်ရင်းဖွဖွပြုံးသည်။ ကျွန်တော်သိ၏၊ ထိုအပြုံးတွေရဲ့နောက်ကွယ်မှာအိပ်မက်ဆိုးတို့ကပ်ပါသည်။
" ညနေတုန်းကအတူပြန်လာခဲ့ကြတာလား"
အပြုံးမပျက်ဆိုသောထိုမေးခွန်းကြောင့်အလိုက်သိစွာအလျင်အမြန်ပဲဖြေလိုက်မိသည်။
" ကျွန်တော်....နောက်ဆိုဆင်ခြင်ပါ့မယ်"
" အမေ့သားကအရိပ်အကဲနားလည်တော့သိပ်မပြောရပါဘူး။ အမေသားကိုဘယ်လောက်ချစ်လဲသိတယ်မဟုတ်လား။"
TVထံရောက်နေတဲ့အကြည့်များကကျွန်တော်ဆီဦးတည်လာသည့်အခါအလိုလိုခေါင်းငုံ့မိသည်။
" အမေ မင်းနဲ့မခွဲနိုင်ဘူး.....အဲဒါကြောင့်မင်းကိုလည်းတခြားတစ်နေရာမပို့လိုက်ချင်ဘူး။ သားရဲ့သဘောတူညီချက်ကြောင့်အမေငြိမ်နေတာ....သူနဲ့ကင်းအောင်နေပါ့မယ်၊အဝေးကိုတွန်းပို့ပါ့မယ်ဆိုတဲ့စကားကိုအမေယုံကြည်ပေးခဲ့လားမပေးခဲ့ဘူးလား။"
"ပေးခဲ့ပါတယ် နောက်တစ်ခါမဖြစ်စေရပါဘူး"
" ညီအစ်ကိုချင်းရင်းနှီးလို့ရတယ်သား၊ ချစ်လို့လည်းရတယ်။ တစ်ခုတော့ရှိတယ် စည်းမကျော်စေနဲ့ပေါ့။ အကယ်၍အတိတ်တစ်ပတ်ရစ်လာရင် အမေကမင်းတို့ကောင်းဖို့အတွက်လုပ်ရမှာပဲ။
နယ်သာလန်မှာအမေပိုင်တဲ့ဘဏ်တွေရှိတယ်။အဲဒီအရာတွေကို ဦးစီးစေဖို့လူလိုနေတာမလို့ သားဘက်ကသဘောတူညီချက်ကိုမချိုးဖောက်ပါနဲ့။"
စကားလှလှသုံး၍သတိပေးသွားတဲ့အမေကကျွန်တော့်ရဲ့ခံစားချက်တွေတစ်ပတ်ရစ်ပြန်မလာဖို့ပိတ်ဆို့လိုက်သည်နှယ်။ ပခုံးကိုနှစ်ချက်ဆင့်ပုတ်ကာထထွက်သွားသည့်အမေ့အားလိုက်ကြည့်မနေနိုင်တော့။ လက်ထဲပိုက်ထားသောဘယ်ရီသီးခွက်ကိုခပ်တွေတွေထိုင်ကြည့်နေမိသည်။
ပြီးတော့ ဖန်သားပြင်ထက်ကမောင့်မျက်နှာလေး။ ဟုတ်တယ်.....ငါ့ရဲ့သဘောတူညီချက်ကိုငါကိုယ်တိုင်မချိုးဖောက်ချင်ဘူး။ မင်းနဲ့ငါက ....ညီအစ်ကိုအရင်းတွေပါပဲ! ။
သူပြန်မလာသောညတစ်ည၊ အကြိမ်ကြိမ်အခါခါလွမ်းဆွတ်ရပေမဲ့ မျက်ရည်တစ်ပေါက်မျှမြေမခပါချေ။ မောင့်အတွက်ဆိုမျက်ရည်တွေကိုကွယ်ဝှက်ထားလည်းရတယ်၊ မောင့်အတွက်ဆို သွေးအစက်စက်နဲ့ကွဲအက်နေတဲ့နှလုံးသားကိုဖုံးအုပ်ထားပေးလည်းဖြစ်ပါတယ်မောင်ရယ်။
YOU ARE READING
လေနှင်ရာ (completed)
Fanfictionမင်းကလေပြေဆို ငါကရွက်လှေငယ်ပါမောင်....ဒါပေမဲ့လှိုင်းနွဲ့နွဲ့ကခပ်သွဲ့သွဲ့လှောင်ရယ်တော့ ကမ်းမဲ့လှေတစ်ဆင်းဖြစ်ခဲ့ပြီပေါ့......... [ ဤfic သည်စာရေးသူ၏စိတ်ကူးသပ်သပ်ဖြစ်တဲ့အတွက်မည်သည့်တစ်ဦးတစ်ယောက်( သို့) မသန်စွမ်းသူတစ်ဦးတစ်ယောက်ကို မှထိခိုက်လိုခြင်းမရှိ...
( အခန်း၂၇)
Start from the beginning