အရူးအစ်ကိုကြီးကျိုးရေ... နင် ငါ့ကိုတွန်းအားပေးခဲ့တာ မဟုတ်ပါဘူးဟာ... ငါ့စိတ်ထဲ ဘယ်သူမှမရှိပါဘူး... ငါဆိုတဲ့ ဝမ်နောင်က ဒီဘဝမှာ နင့်တစ်ယောက်တည်းကိုပဲ ကြိုက်မှာပါ... ဒါပေမဲ့ နင့်ကို မပြောပြတော့ပါဘူး... ဘယ်သူကများ နင့်ကို ဝေ့ကျားကို ကောင်းကောင်းဆက်ဆံခိုင်းလို့လဲ... ပြီးတော့ သူ့ကို နင့်လက်ကိုတောင် ထိခိုင်းလိုက်သေးတယ်လေ... သူ့အိမ်ကို အတူလမ်းလျှောက်သွားပြီး သူနဲ့အတူတူ ရေဘူးတစ်ခုတည်းတောင်သောက်လိုက်သေးတယ်... နင်က ငါ့ကို မနာလိုဖြစ်အောင်လုပ်မှာတော့ နင့်ကို အပြစ်ပေးရတာပေါ့...
နောင်နောင် ခေါင်းသာတွင်တွင်ငုံ့ပြီး ဘာမှမပြောသဖြင့် ကျိရှောင်ကျိုး ပိုမိုအပြစ်ရှိသလို ခံစားလိုက်ရသည်။ သူမ၏ ခြောက်သွေ့နေသော လက်များကို ဆုပ်ကိုင်ကာ မေးလိုက်သည်။
"နောင်နောင် နင်ရော ငါ့ကို ပြောစရာရှိသေးလားဟင်...."
နောင်နောင် သူ့ကို မော့ကြည့်လိုက်သည်။ အချိန်ခဏကြာသောအခါ ခေါင်းလေးငုံ့၍ ပြန်ပြောလိုက်သည်။
"ရှိတယ်... နင်အခြားကောင်မလေးတွေလက်ကို မကိုင်ရဘူး... သူတို့နဲ့အတူ ဘက်စကတ်ဘောမဆော့ရဘူး.. အရက်လည်းအတူသောက်လို့မရသလို သူတို့ပခုံးကိုလည်း ဖက်လို့မရဘူး... နင်သူတို့နဲ့ကြားမှာ အကွာအဝေးတစ်ခုထားရမယ်... မဟုတ်ရင် ငါနင်နဲ့အတူရှိတာ ပျော်မှာမဟုတ်ဘူး..."
သူမ နောက်ဆုံးစာကြောင်းကို ခပ်တိုးတိုးပြောလိုက်သည်။
ကျိရှောင်ကျိုး မျက်လုံးပြူးသွားရသည်။
"ငါဘယ်တုန်းကများ အခြားကောင်မလေးတွေနဲ့ အဲ့လိုနေလို့လဲ... ငါ့ကို မစွပ်စွဲပါနဲ့..."
နောင်နောင် နှုတ်လမ်းလေးထော်ကာ ခပ်တိုးတိုးပြောလိုက်သည်။
"နင်လုပ်ဖူးတယ်... နင်ဝေ့ကျားနဲ့ ဘက်စကတ်ဘောကစားတုန်းက နင်တို့အချင်းချင်းပခုံးဖက်ကြတယ်လေ.. နင်သူနဲ့အတူတူ ရေဘူးတစ်ခုတည်းကိုသောက်ပြီး ကာရာအိုကီဆိုဖို့တောင်မှ သဘောတူသေးတာကို...."
ရုတ်တရက် ကျိရှောင်ကျိုး အကုန်လုံးကိုသဘောပေါက်သွားခဲ့သည်။ ထို့နောက် နောင်နောင်ကို ဆွဲဖက်လိုက်ပြီး သူမမျက်နှာကို သူ့လက်ထဲ ထည့်လိုက်သည်။
YOU ARE READING
ဇနီးချောလေး (Completed)
RomanceDescription အမြဲလိုလို သူ့ကို သေစေချင်နေသည့်သူ့ဇနီးက ကားမတော်တဆမှုဖြစ်ပြီးနောက် အတိတ်မေ့သွားတာကို သိလိုက်ရတယ်... သူမ အရမ်းပြောင်းလဲသွားတယ် ...လုံးဝတခြားတစ်ယောက်လိုပြောင်းလဲသွားခဲ့တယ်... သူအလုပ်သွားတဲ့အခါ : : အချစ်မလုပ်နဲ့... ကျွန်မ ရှင့်ကို ဖိနပ်စီ...
Extra 6 (End)
Start from the beginning