ဒါက သူမမဟုတ်ဘူးဆိုတာ သူမသေချာသွားပြီ။ဒီခန္ဓာကိုယ်က သူမဟာမဟုတ်ဘူး။ သူမက တခြားတစ်ယောက်ရဲ့ ခန္ဓာကိုယ်ထဲကိုရောက်နေတာပဲ။
ဒီအတွေးက သူမနှလုံးကို အကြိမ်များစွာ အခုန်မြန်စေတယ်။ အဲ့ဒါကိုနားမလည်နိုင်ဘူး။ ဒါကမဖြစ်နိုင်ပေမယ့်လဲ သူမမျက်စိရှေ့ရောက်နေပြီလေ။ သူမဖတ်ဖူးတဲ့ ဝိညာဉ်ကူးပြောင်းတဲ့ဇတ်လမ်းတွေထဲကလိုပေါ့။
ထန်ထန် သူမကိုယ်သူမ အကြိမ်တစ်ချိုလက်သီးနဲ့ထိုးလိုက်မိတယ်။ အဲ့ဒါအရမ်းနာတာပဲ။ သူမမျက်ရည်တွေကျလာပေမယ့်လဲ ဘာမှပြောင်းလဲမသွားပါဘူး။ သူမတကယ်ကိုပဲ ဝိညာဉ်ကူးပြောင်းလာတာပဲ။
သူမနှလုံးခုန်သံတွေ ပိုမြန်လာတယ်။ သူမ ဘာလုပ်ရမှန်းမသိတာကြောင့် လက်နှစ်ဖက်ကိုရင်ဘတ်ပေါ်တင်ပြီး မျက်စိမှိတ်ကာ ဖြစ်လာတာကိုလက်ခံဖို့ကြိုးစားနေလိုက်တယ်။
အတိတ်တုန်းက, သူမမှာ အများကြီးမရှိပေမယ့် သူမရဲ့ဝါသနာက စာဖတ်တာပဲ။ အထူးသဖြင့် စိတ်ကူးယဉ်၀တ္ထုတွေပေါ့။ သူမအနေနဲ့ ဝိညာဉ်ကူးပြောင်းခြင်းတွေနဲ့ ပြန်လည်၀င်စားခြင်းတွေပါတဲ့စာအုပ်တွေ အများကြီးဖတ်ဖူးတယ်။ ပုံမှန်အားဖြင့် ဇာတ်ကောင်က မတရားသဖြင့်သေဆုံးသွားပြီး လက်စားချေဖို့ တခြားတစ်ယောက်ရဲ ခနာကိုယ်မှာ ပြန်လည်၀င်စားတာမျိုးပေါ့။ သူမလဲ အဲလိုမျိုးသူများခန္ဓာကိုယ်မှာဝင်စားပြီး ဘ၀ကိုပျော်ပျော်ရွှင်ရွှင်နေမယ်လို့ စိတ်ကူးယဉ်ဖူးတယ်။ ဒါပေမယ့်လဲ သူမအစေခံက အဲ့ဒါတွေက သူမအတွက်မကောင်းဘူးဆိုပြီး စာအုပ်တွေကိုသိမ်းလိုက်တဲ့အတွက် သူမထပ်ဖတ်လို့မရတော့ဘူး။
သူမအနေနဲ့လဲ ဒီလိုဝိညာဉ်ကူးပြောင်းတယ်ဆိုတာ သူမဆီမှာတကယ်ဖြစ်လာမယ်လို့ တစ်ခါမှမတွေးမိဖူးဘူး။
တစ်ခုတည်းသောပြဿနာက သူမအခုဘယ်ရောက်နေလဲဆိုတာပါပဲ။ ဒါမှမဟုတ်လဲ သူမ မဖတ်ဖူးတဲ့ မင်းဆက်တစ်ခုခုကိုရောက်နေတာများလား...
သူမက အခုဘယ်သူဖြစ်နေမှာလဲ...ဘယ်လိုလုပ်ရမလဲ သူမ မသိတော့ဘူး။ သူမဘယ်လိုကိုင်တွယ်ရမှာလဲ။ သူမဘာလုပ်ရမယ်ဆိုတာ မဆုံးဖြတ်ရသေးခင် တံခါးနားကအသံတချို့ကိုကြားလိုက်ရတယ်။ အဲ့ဒါကစောနကထွက်သွားတဲ့အမျိုးသမီးပဲ, သူမကအခန်းထဲကိုပြန်လာပြီး စကားတချို့ရေရွတ်နေတယ်။
YOU ARE READING
ဇနီးချောလေး (Completed)
RomanceDescription အမြဲလိုလို သူ့ကို သေစေချင်နေသည့်သူ့ဇနီးက ကားမတော်တဆမှုဖြစ်ပြီးနောက် အတိတ်မေ့သွားတာကို သိလိုက်ရတယ်... သူမ အရမ်းပြောင်းလဲသွားတယ် ...လုံးဝတခြားတစ်ယောက်လိုပြောင်းလဲသွားခဲ့တယ်... သူအလုပ်သွားတဲ့အခါ : : အချစ်မလုပ်နဲ့... ကျွန်မ ရှင့်ကို ဖိနပ်စီ...