أشوف الودّ في عيونك ولكن يردّ الودّ خوفٍ فيك منّي

بارت ٥

لولو : كأنه ماشي بطريقـه ؟
الجُوهرة : اي ممكن ؟ بس مو مُقنع
لولو : نمشي وراه
الجُوهرة: تستهبلين ؟ امشي نروح مع الطريق الثانيّ
وطلعـو وشافـو تاكسي وركبـو ومن كثر الهدوء بالتاكسي جاهم النوم وأخيرًا وصلو البيت ومن كثر ماهم مايشوفون طريقهم دخلـو شقة الجُوهرة على أساس يسولفون لكن :
أسمعي مقـدر بنام بعدين أقولك أذا قمت وطفت النور
لولو : طيب عطيني بجـامة معرف أنام بدونها
الجُوهرة: شوفي الدولاب قدامـك اختاري
لولو : قومي بس بدليّ لبسك
الجُوهرة وقامت بتعب وغيرو ونامـو
سعـد : كيف ضيعتها ! ضرب بيده الجـدار وأخذ جوالـه يتصل على السايق : برسلك اللوكيشن تعـال

السـاعة الثالثـة فجرًا :
قامـت بتعب ومن قـو الصداع ودهـا تضرب رأسهـا
وقفت تدور جوالها وشافت الساعـة ، كل هالوقت نايمين !
وشافـت رسايل حصـه : عشاكم بالمطبخ رجعت بالليل وشفتكم نايمين ماهان عليّ أصحيكم
كتبت لها : حبيبتي يسلم هاليدين الحلوه
طبعًا بتكلم عن الأم حصـه شوي واللي معتبرينها البنات أم واخت وصاحبه لهم وكل شي حلو بدنيتهم وملجأئهم الدائم بعد الله ، هي تكون والـدة لولو طبعًا أول ماصادفتهم الجُوهـرة تحسبهم خوات من كثر الشبه اللي بينهم واللي نفس هيئتهم ما كأنها ام ، ولأن الجُوهـرة دخلت قلب حصـه تعرفو على بعـض وعلاقتهـم كل مالها تقوى لين صارت الأخت الثالثه والأم الثانيه لها ولولا الله ثـم حصـه كان الجُوهرة ماتخطت وفاة والدتـها ، نرجـع للواقع : أخ ياربي من العصر نايمين ، يارب سامحنا
بعد ماخلصت راحت تسوي لهـا قهـوة وحطت الأكل بالمايكرويف ، وتنتظر عند الألـة تتأمل تقطير القهـوة
ولونهـا الشهيّ : حقيقيّ رفقًا بي يا أجمل سمراء بالدُنيـا
لولو قامـت على ريحـة القهوة : بونجوور
الجُوهرة : اخيرًا صحيتيّ توني مسويه القهـوة وبسخن الأكل بعد شوي ، حرام ينكب نأكله أفضل .
لولو : على أساس انتي صاحيه من زمـان ، ترى للحين وجهك منفخ
الجُوهرة: أوف منك
لولو : بعدين انا اليوم مودي فرنسي ودي بقهوة فرنسيه بالبُندق ، بليز جوجو سويلي قهوتكِ حلوه مره !
الجُوهرة: أوكيّ حُبي روحي غسلي وصلي وتعاليّ تلقينها جاهزه راحـت وبدت تسوين القهـوة بُكل روقان ما كأنها قبل شوي مصدعـه وشوي وتصيح ، وبدت تستمع لـفيروز وتدندن معها :

يا أنا يا أنا
‏أنا وياك
‏صرنا القصص الغريبة
‏يا أنا يا أنا
‏أنا وياك
‏وانسرقت مكاتيبي
‏وعرفوا إنك حبيبي
‏لياليك بعينيّ
‏شبابيك مضوية
‏وعيونك تاخدني
‏وتوعدني بلياليك
‏تركوا تركوا سهر البال
‏والعاشق لم جناحو

اخذت الأكواب وطفت المايكرويف وقعـدت بـ أريكة الصاله ، ماكأننا تأخرنا بالنـوم شوي ؟
الجُوهرة: مره كأن لنا ايام مانمنا
لولو اخذت كوب قهوتها : غريبه ماما ماصحتنا ؟
الجُوهرة: أرسلت لي ، أتوقع تحسب نمنا بدري
لولو : اي ولا ماتركتنا حصتنـا ، مدري شلون نصارحها الحين
ضحكت : بنسوي نفسنا مجانين معليكِ ، اصلًا توبه ماراح أنام إلا ثمانية بالليّل ، قمت وجسمي مكسر وراسي مصدع
لولو :معاكِ
وقعدت تشرب قهوتها : أيش العشاء ؟
الجُوهرة : سباغيتي
لولو : يمي ! بروح اجيبها
الجُوهرة: أوكي بساعدكِ
لولو : لا أقعدي انا بجهزها
وجلست الجُوهرة وسرحت بـ الشخص الغريب الليّ فجأة صار يطلع قدامها ونظراته دائمًا تجاهها غريبه ، ماتدري هل هي كذا ولا معها شخصيًا .. كأني بديت أصير محور الكون ؟
لولو جت : أنتي من زمان محور الكون اصلًا
الجُوهرة: وصرت أفكر بصوت عاليّ بعد
ضحكت لولو وحطت الصحن قدامها : كليّ بس
الجُوهرة: تدرين الشخص اللي كان بالكافي هو نفسه اللي بالمطعم ؟
لولو : كذابـه هذا هو اللي قلتي لي عنه !