احببتُ ذلك الغريب

البارت السابع والثلاثون 37

اطمئن .. ففي غيابك

حقوق الحب محفوظة ...

______________

الكل باركله خطوبته الا اني وأديم وأسمر باوعلنا بنظرة وكال..

أرقم : شو ما احسكم فرحانين؟ أسمر أديم ومرته !!

أديم فرك وجهه بكف ايده وكال..

أديم : ماتشوف موضوع الخطوبة اجى بوقت مو لائق؟

أرقم : رأيك هذا عزيزي ، وانت أسمر هم تعتبر وقت خطوبتي مو لائق بالنسبة لحضرتك ؟

تجاهل سؤاله والتفت على أهاب..

أسمر : ناوشني شياش وشيل ذني صارن جاهزات..

استمر يباوعله لأسمر بنظرات شريرة اعوذ بالله منها ، رجع التفتلي مجرد ذكر أسمي أديم ردله الجواب..

أديم : أسمار لا تبارك ولا الها شغل باحد غيري اني وبس لهذا لا توجهلها اي سؤال..

أرقم : شبيك شايل بكلبك علية ممكن أفهم ؟

أديم : تعرف كلش زين ماكو داعي احاجيك.

أرقم : لا احجي ما متحرك منا اذا ما اسمع شنو التهم الجديدة غير تهم زوجتك ..

أهاب : أرقم مو وكتك ابد صارلنا هواي ما ملتمين وما نريد يتكدر صفونا..

أرقم : هاا واني ابن البطة السودة الكل يتهمني بشي اني ما مسويه ومن اجي اعاتب محد يقبل عتبي.

أديم : لا عتب على من استباح العتب..

أرقم : هذا كلام قوي ابو تميم.

أديم : اللي فهمته..

أرقم: تشك بية ؟

اديم : لا ما كلت هيج.

أرقم : عجل ؟

أديم : اتركني يرحم والديك ما اريد صوتي يطلع بهذا الليل ...

أرقم : ما متحرك والله اذا ما حجيتلي شنو اللي ببالك وتفكر بيه.

أديم : اللي ابالي هواي وجبير على كلبك لهذا روح نام لو تريد شاركنا السهرة..

أرقم : شنو اريد افهم اني.

عاط أسمر..

أسمر : جلبت خوما جلبت كاعد يكولك ما عاجبني احجي الولد تعبان ومريض ليش تلح..

أرقم : انت شلون تحجي هيج وية اخوك الكبير

وكفله أسمر وراحله وكف كباله وعيونه تجدح.

أسمر : من تكون تصرفات هذا الاخ موزونة وكلبه على باقي اخوانه ويخاف عليهم هذاك الوكت عود اعتبره اخ غيرها ماكو..

أرقم : تعاديني أسمر من ورا ابن عمرة؟

أسمر : ابن عمرة هذا نفسه ابن أشعب اللي كلنا ولده وكافي حجي زايد واي حقد دفين ضمه بكلبك اتوقع كل الامور توضحت بوقتها وما بقى ذنب على أديم لهذا ابتعد وخفف لعب حباب.