عدت شهور ولا عدا الشعور

8

~بدر~
كان راجع للبيت مع مشعل والوضع عندهم استهبال
بدر: اقول مشعل تشوف التجمهر اللي هناك وقف خلنا نشوفه
مشعل: يمكن حادث
بدر بخوف: هذي مو سيارة سعد!
مشعل توتر: مشبه انت سعد بـ لندن مو هنا
بدر: لا هو جاني قبل شوي
وقف مشعل سيارته بسرعه ونزل يركض بجنون
مشعل: وش صاير
واحد من الواقفين: حادث قوي ودقينا على الاسعاف ما اضن اللي فيها عايشين
مشعل هز راسه بجنون: لا لا لا مستحيل وراح يركض بيساعدهم
مسكه واحد: ياخوي اذكر الله وترحم عليهم
بدر من داخل السياره: مشعل تعال ساعدني
سحبو فارس
مشعل بصراخ: بــعـــدووو
بدر: مو وقت صراخك امسك وطلعني بسرعه
طلع مشعل تميم وحطه بالسياره وطلع بدر وركض: بتنفجر بعدو
ركب بدر ومشعل السياره وانطلقو المستشفى
مشعل: بدر ماشوف صح
بدر: تكفى تحمل كفايه اللي ورا مانبي نسوي حادث ويضيعون منا خلاص شوف هذاك المستشفى مابقى حاجه وقف وقف ونزل يركض يدور احد يساعده: معي حاله طارئه بسرعه جيبو النقاله جاء الممرض: وين
بدر: تعال معي
اخذو تميم وفارس على الطوارى على طول وقف بدر يطالع مشعل اللي ساند راسه على الدركسون هز كتفه: مشعل هيه مشعل ياولد تسمعني
رفع مشعل راسه وعيونه مليانه دموع: ماتو؟
بدر: بسم لله عليك مشعل لا هم بخير يلا تعال معي عشان نشوفهم وندق على سعد
مشعل:هه شوف ثوبي كله دمهم
بدر:قم معي طيب عشان نشوفهم وترتاح
مشعل هز راسه بالنفي: رجولي ماتشيلني مقدر اتحرك مقدر
حضنه بدر: بسم لله عليك اذكر الله ماصار لهم شي
مشعل: كانو بيموتون مثل اهلي
بدر: لا ان شاء الله اسند نفسك علي باخذك لهم تشوف ان مافيهم الا العافيه جوالك معك؟
مشعل: مدري وينه
بدر: المشكله جوالي انكسر قبل يومين كيف بندق على سعد
مشعل جلس على كراسي الانتضار: شوف جوال فارس يمكن ماصار له شي ولا خويه اللي معه وبعدين غريبه فارس عنده اخويا بالقريه ذي
بدر: ماقدرت اشوف وجهه من الدم اللي مغطيه ولا عرفته
راح بدر عشان يستكمل بيانات الحادث وياخذ الجوالات واغراضهم
بدر: الو ...معي سعد...جوال مين ذا ...طيب ترا فارس وواحد معه صار عليهم حادث وهم الحين بمستشفى الـ***...تعالو بسرعه ...كلهم يحتاجون عمليه ويبون اثبات ومتبرع ...بتصرف انا بس انتو استعجلو ...ولو واجبي
مشعل: هاه وش قال
بدر بتوتر: وش بيقول يعني مكانهم بعيد ومطولين ويبيني اتصرف وبنفعال: المشكله انهم يحتاجون عمليه ويبون اثبات ومتبرعين مدري وش بسوي
مشعل: هدي طيب وانا بتصرف
وراح وبعد ربع ساعه رجع
مشعل: ابشرك وافقو يدخلونهم بس قالو اول مايجي اللي معه اثبات ندفع رسوم اضافيه
بدر: فدى بس المهم يصحون
طلعت الممرضه تركض: نحتاج دم المريض الاول فقد كثير وماعندنا دم بالبنك
مشعل: ايش فصيلة دمه!؟
الممرضه: كلهم A
مشعل: انا بروح

~سعد~
سعد: هد السرعه راشد لا تذبحنا
راشد بعصبيه: اسكت لا اسمع لك نفس ليهه تعطيهم السياره بزران ذول
سعد: ماعطيتهم سيارتي اكيد فارس اللي اخذها من نفسه
راشد بتهديد: شف ياسعد لو صاير شي لاخوي لأندمك
سعد: اول خلينا نعرف وش صاير بعدين هدد على كيفك خلاص هذا هو المستشفى وين رايح انت
راشد: متأكد
سعد: مو انت قلت انه مستشفى الـ****
راشد: الا
سعد: اجل خلاص هذا هو وقف وبزل انا وجدتي وانت وقف السياره والحقنا
نزل سعد والجده ودخلو
سعد: السلام عليكم اخوي اذ ماعليك امر قبل شوي جاتكم حالة حادث؟
الموظف: ايه نعم
سعد: اقدر اعرف رقم الغرفه
الموظف: ايش تقرب للمريض؟
سعد: اخوي وولد خالي
الموظف: حاليا ماتقدر تشوفهم كلهم بغرفه العمليات
سعد: وش صار عليهم
الموظف: مقدر افيدك بشي عن حالتهم لكن تقدر تروح تجلس بالانتضار لما يطلع الدكتور زيد تقدر تستفسره عن حالتهم
سعد: وين هم؟
الموظف: الدور الثالث قسم العمليات
سعد: مشكور
جاء راشد: وينهم الحين
سعد: للحين ماطلعو قال ننتظر فوق بالدور الثالث واتوقع ان زيد اخو بدر هو اللي ماسك حالتهم
راشد: طيب وش تنتظر تحرك

~مشعل~
مشعل: دخت
بدر: وسعد ذا وينه طول علينا والدكتور ماطلع
مشعل: اسكت يابدر بتتحلطم رح بعيد عني
سعد من بعيد: بدر
بدر: هلا سعد وينكم الله يهديك تأخرت
سعد تنهد: وينهم هم
مشعل: صار لهم ساعتين ومحد طمنا عليهم
راشد: متضررين مره؟
بدر: ايه فارس بالعافيه عرفته لكن الثاني اللي معه ملامحه مطموسه وما أتوقع انه حي
راشد بصراخ: لو صار لأخوي شي ما راح اسامحك
سعد بانفعال: على اساس أني معطيه المفتاح وقايل له يروح فيها وحتى فارس بين الحياه والموت لا تحسسني انه بس اخوك اللي بيموت
انفتح الباب وطلع الدكتور ووجهه مايطمن
الدكتور: سوينا اللي علينا والمريض حالته كانت صعبه تنهد: عظم الله اجركم

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)