الڪاتبة | زينب صلاح
في | قارورة الـ مُخلدلا تنسون التصويت + متابعة للحساب + التعليق بين الفقرات 🤍
♥♥♥♥♥♥♥♥♥♥♥♥♥♥
ايام الفاتحة جانت صعبة واكثر اثنين ينكسر الخاطر عليهم ابو وامه موتوا روحهم عليه مهما يكون بعده شاب بداية عُمره الي صار بي فاجعة وموته ما جان محسوب فجأة صار..
ثالث يوم من رجعنه رحت صبيت جاي وديته البابا رفع راسه وگال بتعب..
- بنيتي رجعي البيتج ابن عمج حاله يكسر الخاطر
انعصر گلبي وعيوني دمعن..
- شـبي؟- گولي شنو الي ما بي تعبان ويكابر وكُل ساعة واكع علينه ضغطه مرتفع
- وهسه شلونه؟
- بالمُستشفى يگول الدكتور اذا بقى هيج ممكن يشكل عنده ضغط مزمن
هزيت راسي وحطيت الجاي وطلعت للغرفة مالتنا افرك بصدري احس بخنگه مو طبيعية ، شلون ارجع ووين؟ وبنفس الوقت گلبي يوجعني عليه اعرفه شگد يحب ايهم ويعزه صح أذانه بس هو يحبه..
اخذت التليفون واتصلت عليه ما رد زاد خوفي وقلقي وما گدرت اداري دموعي الي نزلوا بعدني بهاي الحالة ودك ، بسرعة رديت...
- مُخلد!!
- هاا همسه
- شلونك؟ فدوة وين انتَ هسه؟
- اشش ما بيه شي راح اطلع من المُستشفى
بتردد گتله..
- تعال اخذنيسُكت وبعد فترة گال..
- متأكدة؟- اي اريد ابقى يمك
- جهزي نفسج
- اي
سداه واني گمت اجهز غراضي ولبست الجبه فوك الدشداشه ما بيه ابدل والدنيا ليل مو وقت تبديل..
طلعت وگلت البابا الي گال برضى..
- الله يرضي عليج حبيبتيبنفس الوقت ندك الباب طلعت ويه بابا جان قيصر..
- شلونك عميجابر- هلا بابا تفضل
قيصر- لا عمي مُخلد بالسيارة واريد اخذه يرتاح بس خويه استعجلي
وجه كلامه الاخير اليه بسرعة رحت ودعت اهلي ورجعت ودعت بابا شلت الجنطة الي تقدم قيصر وگال وهو ياخذها..
- نطينياها عنج
اخذها واني رحت بسرعة فتحت الباب وصعدت وره دار راسه وباوعلي..
- ما بيه شي لا تخافين
- وجهك اصفر
- چؤ لان ما نايم هسه انام وما يبقى بيه شي
عيوني ظلت تفتر بقلق وارتباك وقيصر ما اعرف بشنو يسولف ويه بابا تأخر لزم ايدي وسحبني عليه..
![](https://img.wattpad.com/cover/318704721-288-k153656.jpg)
YOU ARE READING
قارورة الـ مُخلد
General Fictionمن بين الجميع لم تنتقي عيني غيرك لم تسقط سوى على قامتك وزينتُك احببتُ ذلك الشي المُمميز بك دون غيرك ولا تسأل عن السبب فـلا علم ليّ به !! وجدت الامان بعينك، فخذلتني والحنين بين ذراعيك، فكسرتني ثُم اصلحتني وانتَ تُناديني _قارورتي_ لأكون قارورةً لك قا...