قارورة الـ مُخلد

الحلقة |16|

الڪاتبة | زينب صلاح
في | قارورة الـ مُخلد

لا تنسون التصويت + متابعة للحساب + التعليق بين الفقرات 🤍

♥♥♥♥♥♥♥♥♥♥♥♥♥♥

صافنه عليها شلون لازمته من سترته بأيد والثانيه حاطتها ؏ صدره وهو مدنگ قريب عليها ويحجون بهمس..

ماجنت اسمع كلامهم ومن حسيت بي يريد يرفع راسه ضميت نفسي وره الحايط لحد ما طلع من باب الحديقة وهي رجعت يم النسوان يله ذبيت نفس براحة..

ركضت للغرفة حاطه ايدي ؏ ڪلبي صخام بوجهي وداد شنو عدها ويه ايهم؟ شنو نوع العلاقة بيناتهم؟

همسه لا تستغبين واضح نوع العلاقة بس مُخلد لو عرف شنو ردة فعله؟ وايهم شنو الي باله من دخل بعلاقة ويه طفلللللة!!! لطمت ؏ وجهي ودموعي نزلت خايفة عليها وبالاكثر ؏ مُخلد لان عرفت نية ايهم مو الصلح لا اكو شي باله اكبر وجاي يشتغل عليه..

غيرت ملابسي ونزلت والتفكير اكلني اكل الابتسامة اتصنعها والحجايه بلگوة تطلع مني وماما راحت تلوب علينه اني واية تگول بيجن شي وما تحجلي وتريحن بالي..

بعد الهوسه الظهر هدأ البيت دخلت للمطبخ اساعد وداد الي اشوفها طايره من الفرح..

وداد- همسه صعدي خاف تعبانه

- لا عُمري ما عندي شي

- چـا اية وين؟

- گالت راسي يأذيني وراحت لغرفتها

- خليها براحتها

- اي

سكتت تشتغل بابتسامه شوي ودخل مُخلد باس راسها وتقرب حضني من كتفي اله..

مُخلد- اخذ مرتي والشغل عليج؟

وداد- هههه روح ما عندي شي

همسه- لا مُخلد اكمل شغلي واجيك

باس راسي وگال..
- اخذي راحتج بس من تصعدين جيبيلي وياج كلاص چاي

- صار

بس طلع مُخلد دخل قيصر يتلفت..
- وين اية؟

همسه- بغرفتها خويه

هزلي راسه وراح تنهدت بضوجه احس فرحتي ما كملت بالي شفته خلصت تعزيل وياها واخذت الچاي لـ مُخلد وصعدت..

لگيته گاعد ؏ المكتب مالته ما اعرف شيسوي، سواله مكتب صغير بزاوية الغرفة لان ما شاء الله الغرفة واسعه حيل وتكفي وزيادة..

- چايك مُخلد

- تعالي قارورتي

حطيته ؏ مكتبة وهو سحبني گعدني ؏ رجله باسني من خدي وگال..

- منو مضوجج؟

- محد

- محد!! لا تچذبين همسه ما احب هاي العادة