Adonis

Chapter Five

Chapter Five

Adonis

MALALAKAS na tawa ang naging sagot nina Keeper at Roiri nang makipag-usap ako sa kanila via Skype. Narito ako at humihingi ng maayos at matalinong advice pero tawanan lang ang narinig ko mula sa kanila. Justice well-served!

            "Why are you laughing at me? I'm not joking here."

            "Mukhang na-obsessed si Missy girl sa'yo ah," Keeper said, still laughing.

            "And that's funny?" naiirita kong tanong.

            "Relax, Donnar," sabad ni Roiri. Despite their different timeline from mine, pinagbigyan nila akong makausap sila pero kung alam ko lang na ganito ang magiging reaksiyon nila ay 'di na lang sana ako tumawag.

            "Sorry, bro," Keeper apologized. "I know it's a big deal pero siguro nasabi lang iyon ni Missy sa'yo kasi nga magkakahiwalay na kayo after two months. Ayaw mo no'n? Bibigyan mo ng happy memories 'yong girl. In short, tutulungan mo siya."

            "Keeper has a point," Roiri agreed. "C'mon, the girl just want some happy memories with her crush kaya hayaan mo na."

            "I don't really feel good about this," pag-amin ko. Hindi ko lang maipaliwanag pero pakiramdam ko may hindi maganda sa naging request ni Missy sa akin. I felt very weird.

            "Bakit? Nag-aalala ka na baka magkagusto ka rin kay Missy within that two months?" tanong ni Keeper na ikinagulat ko.

            "Ano? Hindi!" agad kong tanggi. "Keeper, she's a girl!"

            "She's not! She's a teenager, Donnar. She's older than a girl."

            "It's the same."

            "It's not."

            "Tumigil kayong dalawa diyan," saway ni Roiri sa amin. "Ano pa man ang edad niya, dapat niyong i-consider na babae siya at fragile. Ayokong malalaman na may ginawa kayong hindi maganda sa isang babae. Pakakainin ko kayo ng bubog kapag ginawa niyo 'yon, naiintindihan ninyo?" may pagbabantang sabi ni Roiri. Nawalan kami ng imik. "Back to Donnar's problem, bro, 'wag mo 'yang problemahin. Missy likes memories and not you, literally. After two months, it's done."

            "Sigurado ka?"

            "Yes. Just be friendly and don't do anything na makakapag-isip sa kanya na more than friends kayo dahil masasaktan mo siya niyan. Friendship is a good memory kaya 'yon ang iparamdam at ipabaon mo sa kanya," Roiri advised. Sa sinabi ni Roiri ay medyo nabawasan ang worries ko.

            Tama. Memories of friendship.

            Halos sabay na nagpaalam sa akin ang dalawa kong mga kapatid. Kanina, nang tanungin ako ni Missy kung pwede ba siyang gumawa ng magagandang memories kasama ko ay bigla akong nataranta. Mali-mali naman kasi ang mga naisip kong scenarios. Na-misinterpret ko ang sinabi niya. Hindi tuloy ako nakasagot. Buti na lang at dumating si Raphael kaya nakagawa ako ng excuse. Hindi ko iyon ikwenento kay Lan dahil baka kung ano isipin ng kapatid ko.

            I've been through with obsessed women. Ayoko ng maulit ang mga nangyari noon. Nakakatakot ang mga iyon.

            I heard someone knocked. Binuksan ko ang pinto. It was Lan.

            "Hihingi lang sana ako ng permission," anito.

            "Ano 'yon?"