رواية : أمانات تُغدر
الكاتبة : خوخة خوخة
رمضان كريم
لايك قبل القراءة 💟
حلقة 11
في الصباح عالساعه 9 .
خشت ميران للقصر
نهى و مي
كانوا يجهزوا في سفرة
الفطور مع الخدم .
نهى : باستغراب:- بنتي
شنو في
ان شاء خير ؟؟.
ميران :- شنوو في ؟؟.
نهى :- انتِ علاش جايه من الصبح
ما تقوليش تعاركتي مع رُسلان
و جيتي حرجانه.
ميران :- ماما
انتِ شن تقولي ،
جايتكم زيارة و خلاص .
نهى : حطت ايدها على قلبها و تنفست:
ميران :- لدرجة هذه .
نهى :- لدرجة هذه و نص
اخر فتره المصايب تتحادف عليه
مصيبه ورا مصيبه
والله مش ناقصني تورحيلي
مطلقه و انتِ طايحه في
نسيب عسل
يصب بلا مقياس.
على حيت بُراك من داره
لابس و مجهز روحه .
بُراك شاف ميران من بعيد.
بُراك :- و اخيرا
شوفتك
لدرجة هذه تزوجتي و نسيتي
تسألي عن ناسك.
ميران : بخجل :- قول هالكلام لروحك .
على جيت خولة من المطبخ
في ايدها سفره لفنجان القهوى و طاسة ميا.
خولة :- اليوم اجتماعك مهم
و انت ما تصحصحش الا بفنجان قهوى
معدل.
بُراك : بإبتسامه:- علاش
منعبه عمرك يا خولة
في مليون خدامه تدير هالشي .
خولة : بإبتسامه :- عارفه في مليون
خدامه وضيفتها هالشي
و لكن ما فيش
احسن من لما تديرلك قوتك الصباحيه
مرتك ، لانها تكون مدايرتها لك بكل شغف
تأثيره حيكون ايجابي عليك ❤️❤️.
مى :- احم احم
حسبو وجودنا حتى بالكذب.
بُراك :- هههه
قولي هالكلام لكنتكم.
نهى :- هي غير قعمزوا
افطروا .
ميران :- شن
تغيرت قواعد القصر
منو يجراء يقعمز عالطاولة
قبل جدي مسعود و جداي نجوى .
بُراك :- مدامني موجود في هالقصر
هلبه قواعد حتنكسر 🔥.
على جيت عبير و زهير من جناحهم
و قعمزوا عالطاولة.
عبير: كان واضح عليها القلق و التوتر.
نهى :- حبيبتي عبير
خيره وجهك مصفر هكا
ما كلتيش دواك.
عبير :- لا مرت خوي
كل ما في الموضوع
خايفه على ماما منجيه
و كاميرات المراقبه مش مبينه
طارقة السيارة لضربت ماما منجية
و الا كنت قتلتهم بنفسي.
جت تواصل و قعمزت :- اليوم
فطورنا عسل و مريقل.
ميران :- علاش؟؟.
تواصل بحماس :- جدكم و جداكم مش نازلين
للفطور ،
شبحت لبُراك :- كان نندروا ان شوكتهم بتنكسر هكا
كنت خليتك من زمان ترجع للقصر يا بُراك .
بُراك :- ههه شن تقولي عمتي .
على جيت سميرة و سعيد و قعمزوا.
سميرة : بعصبيه :- سبحان الله
نرقدوا على روايح و نفيقوا على روايح 😡🔥❌.
نهى :- علاش شنو في حبيبتي.
سميرة :- منو في هالوقت مزال ياكل في الدحي
معش تقلو دحي بكل
كل شي له علاقة بالدحي ممنوع يتطيب في هالقصر .
تواصل ببرود و سخرية :- بالشوية
عليك كنتنا الصغيرة
نخافوا عليك ، احبالك الصوتيه تتقطع
نايضه عالصبح تعيطي.
سميرة :- اني مش متطره نتحمل
تقل دمكم عالصبح .
و مشت مضايقه لدارها .
تواصل وقفت بتلحقها بغضب .
نهى : وقفتها :- بالله عليك تواصل
ما صدقنا نضحكوا
فكينا منها فوتيها.
تواصل لرجعت لكرسيها .
مناير :- معاها الحق هي
حامل و ريحة الدحي مزعجه
حتى اني من بكري متحمله بالسيف
ما نبيش نكسر في خاطركم 🥺💔.
مى :- ما فهمت كيف
خشم الوحده وقت تحمل يتغير ولا شنو
حتى اني نشم في الدحي و عندي عادي .
مناير :- يلا يلا تفلفس خلونا ناكل .
تواصل :- عبير
انتِ عندك موعد اليوم عند الدكتورة صح
بنمشي معاك .
عبير :- لا لا حبيبتي
نحب نمشي بروحي هكا نرتاح .
تواصل :- علاش.
عبير :- هكا نرتاح .
زهير :- حتى اني قعد ما كلمتها ما بتش تخليني نمشي
معاها .
تواصل : في قلبها :- و انت منو حرك شعيرك من طاجينك 😡.
براك :- خدي هاتفه و بطلع .
خولة :- هو انت شنو فطرت
افطر و بعدين برا .
بُراك :- خولة انتِ تعرفي
قداش ليه نستنى في صفقة هذه تكمل على خير،
و نوعدك بعد الاجتماع نكمل فطوري في الشركة .
بُراك : طلع .
تواصل :- كنتنا الجديدة خولة
انتِ تعرفي بُراك من قبل ؟؟.
خولة :- ايه
كنت نشتغل في شركته .
مي :- يعني اول مره شوفتيه في شركته.
خولة :- لا
كنت اني و اختي مروه في محل الاثاث
و شوفته غادي و قال انه مسؤول هالمعرض
وقتها ، بعدها لما اخترت الاثاث لاني نبيه و دفعت له
و لما جو عمال شركته جابولنا الاثاث هو جي معاهم
قال انه يبي يطمن ان البضاعه وصلت
لمكانها الصح ، و بعدها توظف في شركته .
تواصل :- و توا توضفتي في قلبه ❤️.
خولة : تضحك و هي متحشمة .
ميران : تشبح لها بحقد 😡😡😡.
عبير وقفت :- هي توا السلام عليكم
بنمشي لموعدي عند الدكتوره ما نبيش نتأخر .
زهير :- طمنيني عليك
اني عندي شوية شغل ، خليني نوصلك في
طريقي .
عبير :- لا لا بيرفعني السوق
و بيروح بيه السوق
ما نبيش نقعد نستنى بعد الفحص.
زهير:- تمام عبوره
ما تنسيش تطمنيني.
عبير : مبتسمه:- ان شاء الله.
عبير : خدت هاتفها و شنطتها و طلعت .
زهير : يضحك
بالصدفه شبح لتواصل
لقاها تشبحله بنضرات شديدة .
تواصل : قلبت عيونها .
سعيد : وقف :- هي توا
سفرتكم دايما ، هي زهير
ورانا اجتماع .
زهير : وقف :- هيا هي.
و طلعوا الزوز.
نهى :- هي حتى انتِ يا خولة
فرحبنا بخبر حلو .
ميران : شوف بغضب .
خولة :- خبر حلو
كيف ؟؟؟.
نهى :- يعني بُراك صغير
ولا خوله صغيره
خلي صغارنا يكبروا مع بعضهم .
خولة :- ان شاء الله
لكاتبه ربي هو لبيصير.
نهى:- و النعم بالله حبيبتي .
على جيت تركيا من دارها
و قعمزت عالكرسي .
تواصل :- اعتقد دينا الاسلام
حلل السلام عليكم حتى على اليهود.
تركيا :- و اني ما نتكلمش مع اليهود ، كيفي
كلامي مقوله امتى ما نبي.
تواصل : بغضب :- الفار لبس
ملابس الاسد قام بحساب روحه سبع بالحق
فوقي ، فوقي من احلامك الورديه .
تركيا :- ماني راده
خليني ناكل و نوكل ولدي الوريث.
تواصل :- نعم نعم
وريث شنو ،
انت واعيه .
تركيا :- وااي قداش بتموتُ منِ خيره و حسد
قل اعوذ برب الفلق.
نهى :- يا عويله صلوا
عالنبي
ما يصيرش هكا
ما صدقنا كيف بدت السعاده
تعمر الحوش .
تواصل : بعصبيه :- اي سعاده
يا مرت خوي اي سعاده ، اي سعاده
و هالعقربه بيناتنا 😡.
تركيا :- اثقلي كلامك قدامي و احترميني
حتى اني مرت خوك الكبير .
تواصل : وقفت بعصبيه :- انتِ تجاوزتي
حدودك منو قالك حسباتك من البني ادميه اساساً،
انتِ شايفه منظرك في المرايا ، انت مستواك لوطى
يا عزيزه ، و انما قصدي عن مستواك اخلاقي و التربوي
لأنه هذا ليهمنا ، و ما تشرفيناش ، و اذا تشوفي في امي
المدام نجوى ، ما طردتك لشارع تشاركي الكياس
مع القطاطيس ، كله على خاطر العيلة لفي بطنك
لا اكثر ، صدقيني انتِ مكانك برا هالقصر
اول ما تجيبي الطفل امي حتاخده منك
و تمحي وجودك ، لأنك حتمسخي
سمعت العيلة للينا سنين نجروا على حمايتها .
تركيا : وقفت بخوف :- انت شن تقولي ،
بتوتر و قلق:- مستحيل حد يقدر ياخذ منِ ولدي
تواصل :- لا و اكثر
المدام نجوى لأنتي فرحانه بتعاطفها معاك ،
دفنت بنت من بناتها عايشه لأجل اسم العايلة
انتِ اليوم حاسبه روحك منها ، و شوفي غباءك
و برادتك وين ممكن توصلك 😡🔥❌.
تركيا :بخوف و توتر:- لا يا ربي لا
شنو هذا ....، 😰.
و مشت تجري لدارها خايفه .
نهى :- حرام عليك تواصل
البنت وجها بدي اخضر على ازرق على اصفر
فاتت في الحيط ، حرام هي بين روحين
خلتيها تاكل لقمتين .
تواصل :- مرت خوي انتِ بتقتليني بطيبتك الزايده هذه .
YOU ARE READING
رواية : أمانات تُغدر
Randomتأكدوا ان مهما كانت الجبال ضخمة و كبيرة فهي احياناً غير قادرة على صون الأمانه 👌 و ان الأمانة تُصان من قبل البشر الأوفياء ... 🎀 #رواية_أمانات_تُغدر #رمضان_كريم ----- تابعونا قراءة روايات جميلة الرواية حتنزل على منصة #الفيس بوك #اكسبلور #explore...
