تأكدوا ان مهما كانت الجبال ضخمة و كبيرة فهي احياناً غير قادرة على صون الأمانه 👌
و ان الأمانة تُصان من قبل البشر الأوفياء ... 🎀
#رواية_أمانات_تُغدر
#رمضان_كريم
----- تابعونا قراءة روايات جميلة
الرواية حتنزل على منصة #الفيس بوك
#اكسبلور #explore...
Oops! This image does not follow our content guidelines. To continue publishing, please remove it or upload a different image.
لايك قبل القراءة على تعبي في الكتابة
كانت مروه و خولة مقعمزين في طاولة مقابل الريسبن كانوا يفطروا.
دخل رجل لابس لبسه رسمية قعمز في الطاولة لجنب طاولة البناويت .
طلع هاتفه من جيبه ضرب على رقم و دار اتصال .
الرجل 📱 :- الو ،،، شنو صار في الموضوع ان شاء الله تكون لقيت شخص يشري الحوش لعارضه عالبيع. : سكت لثواني ، بعصبيه :- تي كيف هكا يا راجل ضروي نبي نبيك الحوش لزم نبيعه خيرك هكا ،،، اتعجل في بيعته و اخلق المشتري خلق . صكر الهاتف و لوحه عالطاولة الرجل :- استغفر الله . مروه و خولة سمعوا كلامه . خولة وقفت و مشت وقفت مقابل الراجل بالضبط خولة : اني مستعده نشري منك الحوش لتبي تبيعه . الراجل :- ما تلعبش راني !! خولة :- ولا اني متعلمه نلعب خليني نقولك مستعده نشري الحوش قداش طالب انت . الرجل :- طالب 50 الف الحوش كامل و في حديقة خولة :- مش مهم شن فيه اسمعني بنشريه منك تقدر تبدا في الاجراءات . الرجل : يشوف لخولة و ساكت.
في الفيلا
عائشة على سفرة الفطور عائشة :- وين بنتي مها ؟؟ الخدامه :- في دارها حتجي بعد شوية. عائشة :- حسيتها تأخرت اليوم . على جيت مها :- لا تأخرت ولا شي كل ما في الموضوع كنت نكلم في صحباتي الحمدلله المدرسة بتفتح في الفترة الجاية . قعمزت تفطر عائشة :- لدرجة هذه طلعتي تحبِ القراية اطلب العلم لو كان في الصين ؟؟؟ مها :- ماما نمشي للمدرسة اكثر شي على خاطر صحباتي تسنيم و سماح عائشة :- مش قلت لك ابعدي من عليهم هذه بنات سوقيات ردي بالك منهم. مها :- ماما هذم زي اخواتي من اول ما نقرا اني معاهم كيف تبيني نسيبهم. عائشة :- حبيبتي صح عشرة العمر تهون على اولاد الحرام لكن يا عمري انتِ بنت حلال ، خليك مع بنات المحترمات لزيك و اما تسنيم و سماح ، لزم تكونِ بعيده من عليهم . مها :- ماما قوليلي سبب واحد مقنع يخليني نبعد من عليهم . عائشة :- انهم قليلات ادب هذا مش كافي. مها :- ماما والله تضحكي فيه لما تقولي قليلات ادب 🤣. عائشة :- و شنو مقعمزه نحكيلك في نكنة ؟؟؟ مها :- لا لكن انتِ رسمية في كل شي و دائما جدية ، امتى نشوفك تضحكي و كأنه حد سرق منك ضحتك صح 💔. عائشة :- مها ما تلهيش روحك في امورك العالم يا روحي ، خليك مركزه مع نفسك ، ولا تخلي اي حد يسرقك منك ضحتك ، و البهجة لنشوف فيها في عيونك ❤️. مها :- اذا كنتِ معي و جنبي دايما ، فمستحيل اي حد يسوق سعادتي ❤️❤️. عائشة :- تمام هي افطري كويس يا عمري ، و بعدها خودي الفيتامينات لوصفتها لك الدكتوره ، لزم تحافضي على صحتك بعد اخر مره مرضتي بها ، و معش تاكلي من المطاعم ، و معش تشري بيتزا جاهزه ، عندنا طباخه و قوليلها و هي تجهزلك الماكلة لتبيها. مها :- حاظر حضرت الظابط. عائشة :- اني توا بنمشي لأنه عندي اجتماع مهم ، هي بالسلامه . ... خدت شنطتها و طلعت . مها في قلبها :- اني نقرا و نمشي لثانوية لأجل شخص واحد سيطر على قلبي و روحي و الا اني وين المدرسه وين .
