كُل الأماني لُقياك

Part54

حكايةٌ وأبلغُ نهايتي
‏جهة أخرى وتيأسُ خطاي
‏حلمٌ أخير
‏وأتوارى في ضبابِهِ الحالم .
~
~
ببيت سليمان >
مشت ميعاد تشوفه جالس بالصاله وحوله جود ابتسمت تمشي لهم ولفت لفارس : فارس
رفع انظاره لأمه يترك جواله : سّمي
ميعاد : شرايك نعزمهم ؟
فارس : نعزم مين ؟
ميعاد : عمك ونوره واهلها
فارس : ماتوقع نجود تقدر
ميعاد : تقدر يوليدي اسم الله عليها
فارس : كلمي ابوي واتفقو
ميعاد سكتت تنتظر سليمان ولفت جود لها : خلاص جا
سليمان : منهو
فارس : انت
ميعاد : نحتريك
سليمان : سّمي
أبتسمت ميعاد : الود ودنا نعزم اخوك ونوره وأهلها عندنا ؟
سليمان : والله هذا الخبر الزين منها عشان سلطان
أبتسم فارس : اي والله الشيخ سلطان
جود : طيب متى ؟
ميعاد : بكره ؟
سليمان : اي يمدي ان شاءالله
فارس : تمام تحتاجون شيء اجيبه معي ؟
ميعاد : لا لا
فارس : تمام
طلع فارس وهوه يبتسم ضحك يتصل على نجود من ردت : ياعيوني
فارس : اسمعييي عندي خبررر حلوووووووو
نجود أبتسمت : سم ؟؟
فارس : امي بتعزمكم كلكم وتجون بيتنا
نجود : قول والله
ضحك فارس : اي والله عشان سلطان
نجود : ياروحي انا
فارس : وترا بكره
نجود : طيب اهلي عندهم علم ؟
فارس : لا الحين بيتصل ابوي اكيد وامي
نجود : كويس حبيبي
فارس : اخ لو اني قدامك بس
ضحكت نجود : جايتك بكره يحياتي
فارس : تنورين قلبي والله العظيم
ابتسمت نجود : طيب يلا بقفل
فارس : بجي اشوفكم وبعدها بحرك اسوي كم شغله
نجود : احتريك
قفل منها وتوجه لسيارته يشغلهاا ركب متوجهه لهم دخلت نجود تشوف سلطان وابتسمت لوداد : تدرون ان عمي بيعزمنا
وداد : والله ؟
نجود : والله نياف ونور بيفوتهم
ليان : ماشاءالله عاد من زمانن عن العزايم
نجود : فعلاً عشان كذا تحمست
وداد : اول عزيمه لي معكم وزوجة اخوكم
أبتسمت نجمه : يازينهاا بس ترا بتتقعدين من تفكيرهم
وداد : يوه ماشفتي تفكير الي عندنا يمكن انتوا اهون
ضحكت نجمه : والظاهر سوا
مُرن بتفكير : عشان وشو العزيمه ؟
نجود : عشاني وعشان سلطان
وداد : اخ الله يعينك بتكون الانظار عليك
نجود : ماتوقع اصلاً احد بيجي من برا
ليان ضحكت : خلي الزفت نُهى تجي
نجود : يع مالي خلقها
وداد : مين ذي ؟
ليان : بعدين نعلمك سالفه طويله بس انها كانت طرف ثالث
وداد : لا عاد
ليان : اي والله
وداد : وش منجدكم بنات !
مُزن : كانت تحب فاري وتقول من الطفوله ومادري وشو
ليان : ولا بعد حضنته قدام نجود 
ناظرت فيها وداد بصدمه نجود : والله حيوانه
ليان : احمدي ربك نياف مافي احد يحبه
ضحكت وداد غصب عنها : ولو فيه ؟
ليان : بتصير زي نجود حالتك
نجود : والله بنات وقتها كنت اموت اموت من الغيره
وداد : لا اجل صادقين الحمدلله
ليان : هههههههههههههههه
ضحكت نجود وقامت من اتصل فارس وردت عليه : جايه
اخذت سلطان ولفت للبنات : بشوفه واجيكم
هزو راسهم البنات ب طيب وابتسمت نجود وهيه تمشي شافته واقف ابتسمت : كل يوم زياره زياره ؟
فارس تقدم وهوه يبوسها : لا يكون مب عاجبك ؟
نجود : حيل عاجبنني
ضحك فارس وهوه ياخذ سلطان : هذا المطلوب
انحنى يبوس سلطان ولف لها يمد ذراعه ابتسمت نجود وهيه تقرب منه وحضنهم الاثنين مسكت سلطان معه وضحك فارس : مايطيح
نجود : مدري خفت
فارس : افا ! بعيوني
نجود : ادري بس شسوي قلب الام
فارس : الله الله
نجود : هههههههههههههههه
~
بمكان ثاني بطريق الجنوب >
نياف : طيب انا تعبت ياخي متى نوصل ؟
محمد : الحين قدنا قريب
نياف اخذ زيقارته : اهنيكم والمكان
محمد أبتسم : يرجال قدك ماشفت شيء
نياف : والله على الجمال ذا يكفيني
محمد : اوه تنومه جمالها يفرق
نياف : ماقد جيتها بحياتي
محمد : قلت للزفت فارس تعال شرايك يقول وش ابغى بالجبال
ضحك نياف : جبال جبال صادق وهذي نظرتي لها
محمد : ماتغيرتت يعني ؟ ادعس بطنك عشان تتغيرر؟؟
ضحك نياف أكثر : يرجال وش تدعس بطني تغيرت تغيرت
محمد : اي زين قلت ذهولك قبل شويه تسلك لي
نياف : محشوم يرجال
لف نياف للسياره ورا عقد حاجبينه من الشيء الغريب الي بيده لف له : ياقطاع الطرق وش تسوي بهذا ؟
محمد : هذا حق الحنشان
نياف ناظره بذهول : هاه !
ضحك محمد : والله يادلوع
نياف : احترم نفسك ياورع صدق وش ذا ؟
محمد لف لنياف بذهول : ماتعرفه
نياف : لاوالله طيب وش يعني
محمد : يالجاهل يعني ثعبان؟؟
نياف ضحك : وش الكلام التعجيزيي ذاا !!
محمد : سهل سهل بس انت دلوع
نياف : يرجال كل تراب
محمد ضحك : خلاص شوف مدخل قريتنا
أبتسم نياف : ووااااااو
محمد : ذلحين المح الورعان يستقبلونك
نياف : طيب جايبني معك ليه ؟
محمد : بنحل ونشوف قضيه هنا
نياف : غلطان انا عسكري ضابط ماني مثلكم !
محمد : يالفاغر طيب انا جبتك عشان عقليتك
أبتسم نياف : يششهد الله اني عقل
لف له محمد : اقول عض على شحمه واسكت
نياف : طيب تكفى لا تتكلم معي بكلام ماني اعرفه
محمد : طيب
نياف : اي وش قضيتهم ؟
محمد : خال ولد عمي مسوي نفسه مريض وجاب عوال اخته على اساس انه ورث من امهم والحين البيت عليه إزاله وعليهم ٤٥٠ الف !
نياف : اح وش هم هطوف ؟
محمد : محشومين والله استلطفهم بالكلام الكلب وانه مريض وورث امهم
نياف مسك راسه : كلب كلب والله والحين وش ؟
محمد : والله مادري مخليهم يوقعون على ورقه ان البيت هذا لهم
نياف : ورقة التنازل مع مين ؟
محمد : معه
نياف : طيب ياخذونها
محمد وقف من وصلو للبيت ولف لنياف : بعدين نتكلم بالموضوع امش وصلنا
لف نياف حوله بذهول من جَمال المكان : يرجال وش هالزين الي عايش فيه
محمد : من كلامك يعني ليش اترك ديرتي واروح للرياض ؟
نياف : اي والله
محمد : نلاحق لقمة العيش
ضحك نياف : والله ونعم
أبتسم محمد : يلا مشينا
مشو للبيت ودخلو من استقبلهم ابو محمد : ارحبو
محمد : الله يبقيك يبه
ابو محمد ابتسم من يشوف نياف : ارحب
محمد : هذا خويي نياف
أبتسم نياف يبوس راسه : شلونك عمي ؟
ابو محمد : بخير بخير ارحب
نياف : الله يبقيك
دخلوا المجلس وهوه مبسوط من جَمال المكان اخذ جواله يصور المكان ولف له محمد : ماتستحي انت ؟
نياف : وش سويت
محمد : احترم شيبة ابوي
ضحك ابو محمد : ماعليك فيه خذ راحتك
نياف : تعلم تعلم الله يطول بعمرك ياعَمي
محمد : نمزح نمزح مو لدرجه التحجر ذا
نياف : طاح قلبي الله لايوفقك
ضحك محمد : خلاص يورع
ضحك نياف من ترك جواله يجلس معاهم ..
~
بالرياض >
جالسه تشرب من قهوتها وتلعب مع سلطان ضحكت نجمه : شوفو نياف
ناطرت نجود بجوالها : واو المكان !
وداد : الجنوب حلوه
نجود : وانا قال لي فارس قلت وش ابغى بالضيق
وداد : غبيه والله الجنوب افضل مكان
نجمه : سوينا سياحه لكُل مكان الا الجنوب
ضحكت نجود : شوفو كيف يصصور ومبسسوط
ابتسمت وداد : صراحه ما الومه المكان يهبل
نجود : ارجع بكلمتي وبكلم فارس يوديني
نجمه : غبيه وربي غبيه
نجود : ماكنت اعرف انا احسبه بيوديني للضيق
وداد : لا والله تهبلل
ليان بأستغراب : ليش انتي من وين ؟
ضحكت نجود من سكوتها طول الوقت وناظرتها وداد : من الخُبر
ليان : ماشاءالله يعني رحتي لكل مكان ؟
نجود : الشايب المستقعد وش تبغين
ليان ضحكت : والله فيني فضول
وداد : رحت لكُل مكان كنت اسافر مع غلا
نجود : وحشتني الكلبه
وداد : ماتدري للحين ؟
ليان : تدري بوشو
نجود ناظرتها : ليان !
ضحكت ليان : خلاص
لفت لوداد : اي تدري بس ماجتها الفرصه تجي
ضحكت وداد : تجي للزواج ان شاءالله
مُزن : تهون باذن الله
وداد : اي ان شاءالله
~
يوم العزيمه ببيت سليمان >
جلست نجود سلطان وهيه تعدل ملابسه ولفت للبنات : مسؤوليه تعبت
نجمه : وين عبدالعزيز ؟
نجود : مدري والله
جود : مع عمتي نوره
نجمه : ناسيه ولدي
ضحكت نجود : واقع مُسرب لي شوفوا بناتت
ضحك الكُل ولفت لها جود : اقول كل شيء الا سلطاني
نجود : اجل خذيه يلا
جود : افا ! يقولون الحريم ماهي مسؤله عن ورعها ترميه على اخت زوجها ؟ عيببب عيب عليك
نجود : امسكيه وانكتمي مالك دخل يقولون الي يقولونه
ضحكت جود : طيب هاتيه مابقول لا
نجمه : تحب تحب الورعان عساك تذوقين الشعور ذا
جود : يياررب والله ما تقول لا
ليان  : تعشق تعشق القروشه ذي
نجود : هههههههههههههههه
نجمه : دفشه هالبنت
مشو كُلهم بعد ماعدلت شكلها نجود وهيه تدخل بفستانها الوردي وشعرها الويفي ميكبها الهادي أبتسمت وهيه تدخل للحريم صوت كعبها وخطواتها المليانه ثقه وغرور من تقدمت ووصلت لحد نُهى الي جالسه وبطنها الكبير مشت لها وهيه تمد يدها ووقف نُهى تسلم عليها جلست نجود وهيه تلتفت لسلطان الي تاخذه من جود من انحنت تهمس لها : فارس يبيك
نجود أبتسمت : طيب شوي وجايه
جلست تسولف مع ليان والبنات متجاهله نظرات الكُل لها سحبتها نوره وهيه تاخذها : قريتي على نفسك ؟
نجود : اي يمه
نوره : زين يبنتي فارس اقلقنا يبي يشوفك
نجود : يلا بروح له
مشت له من الباب الخارجي وهيه تشوفه أبتسمت له : فارس ؟ اشبك
أبتسم فارس يشوف شكلها : جاي اشوف الكشخه !
نجود أبتسمت : طيب شراييك ؟
فارس : اسم الله عليك تلفتين الانظار يشهد الله
ابتسمت وولفت عيونها من تتذكو احداث البيت هذا واخر عزيمه صارت لهم عقد حاجبينه فارس من عرف انها ساهت بتفكير السالفه ولفت وهيه تشوف المكان الي حضنت فيه نُهى فارس لف وجهها بكفوفه يناظر بعيونها : لا تزعلين من عثرات الدنيا جعلها تفداك يابنت وشهي هالبنت عندك مابقى الا هيه واشكالها يزعلونك تخسى هيه واشكالها والله
أبتسمت نجود : لا بس
قاطعها فارس : ادخلي الحين وأبتسمي وارفعي راسك وطلعي غرورك يالمغتره أبتسم وهوه يناظر شكلها اكيد نظر عيني رافعه ضغط العواذل
ضحكت نجود من كلامه وعصبيته وضحك من ضحكتها : ياويلهم جتهم مزعلة النساء عساهم يفدونك وحده وحده
ضحكت نجود بغرور : ارتفع راسي ترا !
فارس : هذا الي ابيه يفدونك كلهم ولا تزعلين من العثرات اتركي عنك التفكير والاشياء السلبيه وادخلي وأبتسمي وطلعي غرورك والثقه خليهم يشوفون نظر عين فارس
أبتسمت نجود : طيب ماتبي تشوف سلطان ؟
فارس : نيتي اشوفك بس هاتي الشيخ يستاهل بوسه
ابتسمت من انحنى يبوسه ولفت يمين يسار تشوف أحد يشوفهم ضحكت وهيه تتقدم تبوسه وأبتسم فارس : يلا ادخلي الجو بارد
ابتسمت نجود وهيه تدخل وجلست وهيه تمشي بكُل ثقه من تذكرت كلام فارس عنها جلست وبحضنها سلطان ابتسمت من تشوف نُهى تناظر فيها وهمست لوداد : هذيك هيه الطرف الثالث
ناظرتها وداد وسكتت شوي تشتت نظرها ولفت لنجود : ويع ليتها حلوه عاد
أبتسمت نجود : كانت حلوه والله بس شكلها خرب من الحمل
وداد شهقت : يعني متزوجه وتتقرب منه ؟
مسكتها نجود وهيه تغطي راسها : فشلتينا وداد
وداد : صحيني من الصدمه بسرعهه
نجود : ما كانت متزوجه بعدين بشرح لك بس لاتشهقينن
وداد : الحمدلله والله قلبي طاح
ضحكت نجود : لا يغبيه
جلست نوره وهيه تسولف لهم ولفت للحَرمه الي قالت : ما شاءالله هذي هيه زوجة نياف ؟
ابتسمت وداد من قالت نوره : زوجته اي والله
الحَرمه : ماشاءالله تبارك الرحمن
نجود : صح خالتي ذويق اخوي ؟
ضحكت الحَرمه : اي والله ولفت لنوره : متى العرس ؟
نوره : قريب ان شاءالله
الحَرمه : سمعت انها عايشه معكم ؟
عقدت حاجبينها وداد : اي ؟
نوره : عايشه مع زوجها مو اي احد غريب
ضحكت الحَرمه : ه انتبهي يأم نياف لا يجي الطفل بدري !
شدت وداد على يد نجود ونطقت نجود : عاد الظاهر انهم حلال بعض ولو جا الطفل مايعيق الزواج يخالتي بلعكس يزيد الفرحه فرحتين وصح اذا كنتي تشوفين ان هذا شيء غلط هذا شيء يرجع لك بس الحمدلله مبسوطين والعرس جاي قريب ولو جا هالطفل يونسنا ويفرحنا ويعطي فرحتنا فرحتين وتذكري يخالتي متزوجين بشرع الله وبسنة النبي متزوجين بالحلال
أبتسمت نوره : متزوجين بالحلال وحلال بعض العرس قايم قايم لا تخافين
ابتسمت الحَرمه وهيه تناظر نجود بجرائتها والي تشوفها " قلة ادب " مسكت نجود نوره من شافت الحَرمه قامت : وش هالكلام نجود ؟
نجود : يمه استفزتني
وداد : خالتي وش هالكلام ؟ اهخ قهرتني
نجود : هم كذا مُستفزين والله العظيم
نوره : خلاص نجود قلت خلاص كفايه الكلام الي قلتيه وناظرت بوداد : وانتي ابتسمي ولا اشوف العبوس بوجهك انتو بشرع الله متزوجين ومانتم مسوين الغلط !
ابتسمت وداد وهيه تحضنها : يخالتي والله اني احبك
ابتسمت نوره لها بدون رد وضحكت من باستها وداد لفو الحريم عليهم باستغراب وعقدت جابينها نجود وهمست وهيه تناظر سلطان : اف
لفت لها وداد : خلاص عطيتهم الرد اللازم كفيتي ووفيتي
ضحكت نجود : اهخ احبك
ابتسمت وداد : ونا احبك
جلست نجود بين السوالف والضحك من خلصوا كل شيء من راحوا الحريم وهم يجلسون الجلسه الأخيره بعد العشاء وبيدها صينية الحلا وهيه تاكل وتسمع سوالفهم وتضحك وتعلق عليهم اخذت سلطان من تسمعه يبكي وهيه تمشي له وجلستت من تشوف رسالة فارس ( احبك
ضحكت وهيه ترد عليه ( يارب هالحُب وهالقلب مانحرم منهم كُل عمري )
أبتسم وهوه يرد عليها بحُب ( اللهم امين خلاص اجي ؟
نجود ( لا فارس اصلاً يومين وكذا وراجعه البيت )
فارس ( قولي والله )
نجود ( والله
فارس ( والله اني مااقققوى تعالي تعالي اقسم بالله مشتاق
ابتسمت نجود ( اخخ فارس
قفلت جوالها وهيه تسكت سلطان الي يبكي وضحكت انها ساهت عنه من كلمت فارس جلست وهيه تفكر بكلامه لهاا الي زادها غرور وثقه بحُبها له الي يزيد يوم ورا يوم بالأنسان الي فعلاً مايتعوض ابتسمت بحُب وهيه تشوف سلطان الي زاد فرحتهم وسعادتهم من تتذكر كلامه " يجي سلطان ونعيشه العيشه الهّنيه " أبتسمت وهيه تحضنه وتبوسه وكان فعلاً روح من روحها ومن الشخص الي تحبه ويزيد حُبه يوم ورا يوم ..
~
لاتنسون ان الأبطال نجود وفارس مو نجمه وفهد طلبتكم🥲