اسكربت سأظل على العهد ♥️
حلمى تحطم واختفى
والعزم فى قلبى غفى
والدمع من عينى يسقط مرهفا
املى تحطم فى الصخور
والحزن اضحى بى يدور
واليأس يكتب نفسه بين السطووور
الخوف قيد اضلعى
لم يبقى لى شخصٌ معى
المــــــــوت
اقوى انواع الحب انك تحب حد وهو ميت
وأرقى أنواع الاخلاص انك تفضل وفّى بالعهد حتى بعد موته
اقسى انواع الفراق انك تحب شخص اخده الموت منك
انا حبيتها من سنين ...كانت بنوته جميله ورقيقه اوى
ولما ماتت ..اخدت روحى معاها
اخدت كل حاجه حلوه وجميله معاها
حبيتها اكتر من نفسى ....اعتزلت الحياه بعدها
عشان مفيش حياه من غيرها
جربت الفراق
طيب جربت تحب حد اوى ويموت
يبقا مجربتش الفراق
رحيل ....عرفتها من حوالى خمس سنين فضلت معايا فيهم سنه ونص
ماتت من ٣سنين ونص ...وكأنها لسه ميته انهارده ...كل حاجه محاوطانى فيها ريحتها
ضحكتها
مشيتها
عينيها
كل تفصيله حب كانت بينا
وحشتينى 💔
دخلت ماما عليا ولقتنى زى ما انا ...وضعى ما اتغيرش
لسه باهت ..تعبان...ومرهق
زى اللى روحه فارقته
_مصطفى ..صحيت يا حبيبى
=ايوا يا امى تعالى
_ايه يا حبيبى مش هتنزل مع صحابك عشان تجيب لبس العيد وتلعبو شويه كورة زى ما انتو متعودين يا قلبى
=انا متعودتش على حاجه يا ماما...وبعدين سيبينى انا كدا مرتاح مش عاوز أخرج
_يا ابنى يا حبيبى هتفضل كدا لغاية امتا بس ...رحيل خلاص يا حبيبى الله يرحمها ...هتفضل عايش على ذكراها لغاية امتا بس
=لغاية ما اروحلها ...انا مقدرش احب غيرها يا ماما ...انا مش قادر انساها ...لى محدش حاسس بيا بس......هو انتى عرفتى تنسى بابا ...ها يا امى عرفتى
_انا وابوك الله يرحمه وضعنا كان مختلف ...كان بينا عشره وعيش وملح ..وبينا انت وأخواتك كمان
انما رحيل ...انتو متخطبتوش غير ليله واحده يبنى وتوفاها الله
انت ملحقتش تتعلق بيها
=قولتلك بدل المره الف انا اعرف رحيل من اكتر من سنه ونص يعنى بينا عشرة بردو وعيش وملح ...المختصر انا محبتش غيرها ومش هحب
ماما بعصبيه_هو فى ايه يا مصطفى ..هو اللى خلقها مخلقش غيرها يا ابنى ..ارحمنا بقا يبنى وجعت قلوبنا كلنا عليك ..انا وأخواتك وخالاتك الكل خايف عليك
والبت نوجه اللى هتموت عليك دى ...ايه يبنى ....دا ربنا عرفوه بالعقل .... وبعدين الحى ابقى من الميت
_لا ربنا خلق غيرها كتير يا امى ...لكن مزرعش حب حد غيرها فى قلبى ...انا مش قادر اتخطاها
انا مش عارف انساها
ممكن تسيبينى بقا
=وبنت خالتك يا مصطفى
_مالها بنت خالتى يا ماما
=يبنى دى رفضت عرسان ...اشكال والوان عشانك ...دى بتحبك يبنى والله ما هتلاقى حد يحبك زيها
ESTÁS LEYENDO
اسكربتات منار الجمل♥️
Historia Cortaاسكربتات خفيفه ممكن تعجبك يا سُكر اعمل متابعه لصفحتى الشخصيه بقلم منار الجمل✍️♥️
