اسكربتات منار الجمل♥️⁩⁦

سكربت لسه بحبك 💔😅

سكربت لسه بَحِبِك 💔😅

لسه فى الكلام بقول هطول
انا لا ناسيكى ولا مشغول
يا تلاقيلى سكه تكونى فيها
يا تلاقيلى حلووول
بعد الكلام
اللى اخره سلام
فى اى فاضلى
مش باقى غير
سهران يا ليل
وانتى فى ضلى
انا بشكى لحالى
معرفش مالى
واللى واصلى
انك مشيتى
وخلاص نسيتى
وانا وحدى باااقى

=يا سلام يا عم العاشق المجروح ...ما تقولى هى مين وانا هساعدك والله

_بطل غلاسه يا عمار انت عارف أن مفيش حاجه وإن انا بحب اسمع النوع دا من الاغانى وخلاص

=يا على انت بتكدب اوى يا على والمشكلة انك عارف أن انا عارف كل حاجه وانت عامل نفسك مش واخد بالك وانا كمان عامل نفسى مش واخد بالى

_والله انت اللى مش واخد بالك من حياتك اصلا ..يبنى احنا مش فاضين لشغل العياال دا عندنا تشريح جثث وحوارات تقيله

=أقوله حب وكلام يقولى تشريح جثث
من حقها وربنا ما تحبك دا انت حمار

_طب يسيدى شكرا ....طالما انت عارف كدا بتقرفنى ليه كل شويه

=انا بس بحاول ما اشيلش ذنبك لما اجوزها

_تتجوز مين؟

=مكه ....انا هتقدملها السنه دى أن شاء الله
هى كدا كدا هتتخرج السنه دى واستحاله تفضل كدا اكيد هتتخطب فأنا الحق بقا قبل ما تطير زى ما حصل قبل كدا

_وانت بتحب مكه ؟ دا من امتا بقا الكلام دا

=ياااه يا جدع من زمااان
بس اللى مخلينى ساكت إن كنت شاكك انك بتحبها لكن انت بتنكر كدا فسكت بس كدا

-وافرض هى بتحب غيرك هتعمل ايه
=مش مهم هتحبنى مع الايام ..

_طب افرض افرض مثلا يعنى اتخطبتو وسابتك

=لا يا ناصح ما انا مش هسيبلها فرصه انا مش هعمل خطوبه اصلا انا هكتب الكتاب علطول عشان ادبسها فيا

_بتحبها اوى كدا

=اكتر مما تتخيل

_طب يلا ...يلا امشى من هنا عاوز انام ....غور ياض بقا

*طلعته برا الاوضه وقفلتها جامد عليا
*‏نفس اللى حصل من اربع سنين بيتكرر تانى ...وبردو واحد صحبى طلع بيحبها وعاوزها ..تقريبا متفقين يحبو البنت اللى بحبها من صغرى ...متفقين عليا صح؟والله لو متفقين ما هيعملو كل دا فيا
*‏مكه هى البنت اللى انا بحبها من زمان والكل كان عارف دا لانه زى ما بيقولو العاشق تفضحه عيناه وانا مش بس كانت فضحانى عيناى ....دى حتى المدرسين كانو عارفين بحبى ليها ...الا هى ...هى الوحيده اللى معرفتش انى كنت بحبها ...ومضحكش على نفسى مازلت بحبها ...سمعت كتير بيقول انت بتحبها كدا لى دى أقل من العاديه خاالص