" နင့်မလဲ ဖြည်းဖြည်းရယ်ပါ၊ ထနောင်းပင်ကြီးတောင် ပြိုကျတော့မယ်"
ဘယ်စကားဝိုင်းမဆို သဒ္ဒါတို့၏ တစ်ယောက်နဲ့ တစ်ယောက် ဦးသူဖဲ့နေတာမပါလျှင် မပြည့်စုံဟု စဝေယံမိုး တွေးမိလေသည်။
" အစ်ကိုကရော မနှစ်က သင်္ကြန်မှာ ဘာလုပ်လဲ"
စဝေသည် သက်ဝေအောင်ကိုကြည့်ကာမေးလိုက်ပေမဲ့ အဖြေပေးသူကတော့ သဒ္ဒါ။
" အမယ်လေး ငါတို့ မနှစ်က ဟိုးဘက် တနိုင်းဘက်မှာ ဟုတ်တယ်နော သက်ဝေအောင်"
" အင်း ဟုတ်တယ်"
သဒ္ဒါ့ကိုခေါင်းငြိမ့်ပြန်ပြောပြီး စဝေဘက်သို့မျက်နှာလှည့်ကာ စကားဆက်တော့သည်။
" မနှစ်က ပွဲကသွားတာတော့မဟုတ်ဘူး ညီရဲ့၊ ဒီတိုင်း ဇာတ်က အချို့ကိုပဲငှားတာ။ သီချင်းဆိုဖို့လေ။ တနိုင်းမဏ္ဍပ်မှာ ၅ရက်လုံး နေခဲ့ရတယ်"
" တနိုင်းဆိုတာက ဘယ်ဘက်လဲ အစ်ကို"
" မြစ်ကြီးနာဘက် ညီရဲ့၊ ညီ ပယင်းကိုသိတယ်မလား"
" အင်း သိတယ်၊ အစ်ကိုဆွဲထားတဲ့ ဆင်စွယ်လည်ဆွဲက ပယင်းမလား"
သက်ဝေအောင်၏ လည်ပင်းတွင် ဝတ်ဆင်ထားသော ဆင်စွယ်သဏ္ဍာန် ပယင်းဆွဲကြိုးအား စဝေ လက်ညိုးထိုးပြလိုက်သည်။
" ဟုတ်တာပေါ့၊ ဒီပယင်းတွေက တနိုင်းကအဓိကထွက်တာလေညီရဲ့၊ အဲဒီမှာဆို ပယင်းစျေး ဆိုပြီး စျေးတန်းကြီးရှိတယ်။ အစ်ကို့ဒီလည်ဆွဲလေးက အဲဒီမှာ နှစ်သောင်းလားပဲပေးရတာ၊ မန္တလေးမှာသွားဝယ်ကြည့်...တစ်သိန်းကျော်တယ်"
" ဘုရား...ဘာလို့အဲလောက် စျေးတက်သွားတာလဲ"
" သွားလာခထည့်ယူကြတယ်ထင်ပါ့ညီရယ်၊ တနိုင်းဆိုတာ ဟိုးအထက် ကချင်ပြည်နယ်ဘက်လေ၊ ခရီးဝေးလည်းဖြစ်တော့ သိပ်သွားလေ့သွားထမရှိဘူးလေ"
" ရောက်ဖူးချင်လိုက်တာ၊ သင်္ကြန်သွားတာဆိုတော့ ပျော်စရာကြီးနေမှာနော်"
"ပျော်ရလားဆို အဲလိုတော့ ရေရေရာရာမရှိပါဘူးညီရယ်၊ သီချင်းဆိုတယ်၊ ရေတွေစိုတယ်၊ အိပ်တယ်။ အဲဒီလိုပဲကုန်ဆုံးသွားတာ။ အော် အဲအချိန်တုန်းက ဒီလိုလဲ မချူချာသေးတော့ ဒန်စာ (dancer) တွေနဲ့ရှယ်ကခဲ့တာပေါ့"
YOU ARE READING
ရေလိုအေးတဲ့ နွေလေးတစ်နွေ (ေရလိုေအးတဲ့ ေနြေလးတစ္ေနြ)
Romanceအစ်ကို့ရဲ့မေတ္တာက ညီလေးတစ်ယောက်ထက်မပိုပါဘူးလို့ ဘုရားမှာသာကျိန်ပြရမယ်ဆို အစ်ကိုတော့ ကျမ်းဆူးပြီးတမလွန်မှာ မင်းကိုလွမ်းနေတော့မှာပဲ 🍀သက်ဝေအောင် ကျွန်တော့်ရဲ့ချစ်ခြင်းကို ဟောဒီ ချင်းတွင်းမြစ်ကြီးတောင်သိနေလောက်ပြီ။ အစ်ကိုက မသိချင်ယောင်ဆောင်နေတာလား။ နွေ...
အပိုင်း (၃၃)
Start from the beginning
