مُنقذي ومُعذبي

بارت 25

بسم الله الرحمن الرحيم 💗💗
@Arran0 قَناة التلي

انه زارع وَرد يم ناس
يمشي بدمهم المَنجل .
-----------------

وكفت بصف أيهم ولزمت ايده وابتسمت
- هذا خـَطيبي ...

فتح عينه ويباعلي مصدوم عصرت ايده حته يسكت وميحجي شي

- بابا شدتحجين انتيي شنو خطيبج شتمضرطين سالمين

- هو خطبني من امي وكلتلهم اريد وقت افكر بي وفكرت وقبلت انت شيخصك

- واني شنو هنا طرطور ترا ابوج ابوج شلون تنخطبين ومتكليلي خير هاي امج الادبسز تحجي براسج

- ماسمحلك تحجي ولا كلمة على امي

- كافي روح عوفنه بعدين نتفاهم جاي تشوف يمنه خطار عيب عليك

- انتي اخر من يتكلم لو بيج خير جان بنتج منامت بالمراكز

عصب أيهم من هاي حجايته خزرله وحجه بنتر
- وانت لو بيك خير معايفها

اتقرب ع ايهم رفع اصبعه عود يهدد اجه علي نزل ايده
- مشاكلكم تحلوها بيناتكم منا شارع وعالم

- بسيييطة ولكم بسيطة عبالك اسكت لا ولله كلكم اندمكم
طلع وضال يحجي ويهدد وبسيطة اني الكم وماسكتلكم بعد

علي وأيهم يضحكون ويهزون بأيدهم- بطران هذا وعلي،، يندمنا هي هي ..

طبيت للبيت وصعدت لغرفتي قفلت الباب كعدت وانتچيت ع الحايط وحضنت رجلي بأيديه ومنزله راسي ع رجلي وابچي متت قهر من كلامه بحياته ماتصرف وياي كـ أب بيا حق جاي يحاسبني
ضلت امي تدك الباب ابد مارديت وبس ابچي واشهگ

- يوم فدوه لعينچ بس فتحيلي الباب خلي اشوفج گلبي راح يطك لا تضوجين

حجيت واني اشهگ والغصه كاتلتني
- مَ مبيه شي روحـي

سجى:
انگطع كلبي عليها واني اشوفها بهاي الحاله متستاهل كل الجاي يصير بس چان عندي أمل بأيهم راح يعوضها

نزلت جوا علي جان يم الولد شافني اجه
- هـا نـروح ؟

- شسمه

- احچي

- يصير اضل هنا ابات

- باعي بالنسبة الي عادي بس خطيه هيه اليوم طلعت من الحبس وابوها اجه يتعارك وكل شويه صاير شي خليها ترتاح هيه وامها اجيبج غير وقت

سكتت محبيت اعاند مالي خلك هزيت براسي اي ودخلت جوا لكيت امها هم نازله

- خـالة علي يكول خلي نروح ترديني اضل يمج

- لا يگلبي روحي ماريد غير سلامتج

- اذا تحتاجيني كولي الله عليج

- لا حبيبتي وراكم طريق طلعو هسه لتتأخرون

- تمام ، رحت يم امي بوستها وسلمت عليهم وطلعت
دخل علي سلم ع سريع وطلع صعدنا بالسيارة ومشينه