مُنقذي ومُعذبي

بارت 22

بسم الله الرحمن الرحيم 💗💗
قَناة التلي @Arran0

‏" أتيتُكَ أحملُ الدنيا بِكفي
‏وما أبقيتَ من فَرحٍ عليَّ
‏أخذت جميع أشيائي وكُلي
‏وما أديتَ مَعروفًا إليَّ
‏ستلقى ما أُلاقي ذات يومٍ
‏وتذكرني وتذكرُ ما لديَّ
‏وفاءٌ كنتَ تحسبهُ جفاءً
‏وحبٌ ما تَبَقى منه شيِّ
‏وداعًا لا لقاء ولو بحُلمٍ
‏فقُربُكَ لم يَعُد للقلبِ رَيَّ ".
|||||||||||||||||||||||
فيروز:-

كعدت لكيتها صايره الصبح ولا حسيت على روحي ومحد كعدني كمت غسلت وجهي ونزلت يم اهلي
دخلت للصاله لكيت حسين كدامي اجه حضني وجانت اول مره بحياتي اشوف حسين حاضني حسيت بشعور غريب اول مره احس بيه
وخر وباوعلي

حسين: شلونج بوية

رجعت حضنته وضليت ابچي ضل يهدئ بيه بس مكدرت اوگف دموعي

حسين: كافي فيروز فدوه لتبچين هيج تعاي بويه تعاي كعدي خنسولف

مسحت دموعي وكتله تمام وكعدنه

حسين: احجيلي شنو الصار بالضبط ؟

فيروز: شوف بالبداية جنت كاعده بالصيدليه و.....

...........................
سجى:-

كعدت من النوم جنت نايمة ع الجهة اليسرى ووجهي ع الباب درت وجهي ع الجهة الثانيه لكيت علي الرضا نايم بصفي
عطت بصوت عالي

- عااااا هاي شدتسوي هنااااا

فتح عينه باوعلي - وسممم ناس تكول صباح الخير صخام شبيج صدك جذب

- هاي شعندك نايمم بصفيي

- ديلا عيني جيجي حديد أزعجناج

- هاي منو تروحلي فدوة غير

- اوي عيني استقري بابا

- اي شعندك هنا

- ان.. استغفر الله

- شنووو

- بعدني ماكملت شبيج قصدي انام ليش نيتج وسخه

- لا بله شكلت قابل

- ي المهم جنت نعسان كلش اجيت گبل نمت نسيت متقبلين

- خوش

- سجى .. كومي غسلي وبدلي وخلي نحجي شويه قبل ماروح للشغل

كمت رحت للحمام غسلت باوعت ع المرايا وجهي تعبان گلت بگلبي الله يساعد فاطمة هسه شصاير بيها لعد
بدلت وطلعت من الحمام لكيت علي كاعده ع الجرباية ومنتضرني باوعلي اشرلي ع المكان البصفه يعني تعاي هنا
كعدت بصفه وعيني بعينه
- سجى

-ها

-اتمنى الصار ميتكرر

- ي طبعا مراح يتكرر بس جانت لحضة غريبة ماعرفت شنو اسوي

- السويتي چبير بس سكتت لان اتصلتي عليه واني المرديت لو مامتصله حسابي يختلف وياج

- شتسوي مثلاً