مُنقذي ومُعذبي

بارت 24

حضنتني وتبچي واني ابچي

- وين عفتيني ورحتي كسرتيني يمه شصار بيج سولفيلي گلبي مات عليج

- اسم الله ع گلبج يگلبي يمچ اني ماعوفج .. ضليت امسح وجهها من البچي واصبرها - باعي هاي اني اجيت ماعوفج بعد ..

فيروز:-

اباوعلهم والدموع تنزل وحدها مااعرف دموع الفرح لو شنو
الموقف چان يبچي حيل الله لا يبعد بشر عن أمه يمكن اصعب شي يمر بي الانسان من يبتعد عن امه ماكو احن من الأم بهلدنيا بس هي الي تصبرك ع وجع الأيام ...

اخذني أيهم ع صفحه : فيروز

- ها كول

- عاصف راح يجي ياخذكم للبيت اني اجيب الخروف واجي

- عاصف هنا ؟

- اي من البارحة اتفقت ويا

اشرت براسي موافقة وانتضرنه يجي عاصف
اجه ، ايهم كللهم عندي شغل ماراد فاطمة تعرف وراح واحنه صعدنه وي عاصف

كعدت بالصدر وفاطمة وامها ورا هنه رادن هيج
عاصف بس سلم وكال الحمد الله ع السلامة وبقه ساكت ابد ماحجه شي فاطمة نايمه بحضن امها وتبچي

فيروز: احم ، شعجب اجيت توقعت بعد متجي صارلك فتره هامل شغلك

اخذ نفس قوي وباوعلي وحجه ببرود - ماعندي شغل اليوم

- ها ، اوك ، درت وجهي ع الجامه ،

وصلنا للبيت نزلنا بقه عاصف بالسيارة مانزل
سولفت شوي وي فاطمة وطلعت يمه

جان مغمض عيونه دكيت الجامه نزلها
- محتاج شي

- اي ، صعدي خلي نحجي

- احجي هسه ماكدر اصعد وحدنا هنا كلها تعرفني يفهمون غلط

- ماهتم الحجي احد اني

- بس اني اهتم

- اوكي براحتج اسف حقج

- خلاص ، يلا رايحه تريد شي

- سلامتج

ابتسمت ورفع الجامه ،، دخلت للبيت صاحتلي ام فاطمة

- ها خاله

- خاله الوليد ال بلباب شوفي ميريد چاي ماي

- سألته خالة ميريد

جرتني وحجت ع كيف - خابري سجى خلي تجي هيه وزوجها يتعشون هنا

- تمام هسه اروح اخابرها

........
سجى:-

واكفه احضر الغده وي ام علي ندكت الباب
- منو هذا
- هسه اشوف

راحت فتحتها خاله طلع علي جاي

- ناسي مفتاحي هنا

- يلا عادي