يگلبي ضمد جروحك جروحك هدت متوني
شضمدهن أنا بيا خيط أعضها بطارف سنوني؟
جرحي أخضر ولا ينلم أچويه بدموع عيوني؟
تذكر أنت من گتلي دمعي غرگ جفوني
وما ظلن بعد بيهن دمع أحمر ولا أسود
فلا جوري بعد ورد
ولا ايد الألك تنمد
محد ظل، كلها مخيبة ظنوني
چنتلهم بالظهاري فياي وهمه بليل سموني
سلوا فرحتي وسلواي وشماته هواي سمعوني
چنتلهم كحل للعين وآنه مرمده عيوني
چنت ما أبخل بحيلي لجلهم هل ذبل لوني
حسبت من اوگع بشدة بضهري زنود ما تنعد
فلا ولف الألي هل صد
وحيد بصحره ومرمد
ما أندل، بالي وجدمي خانوني
حسافه نطيتهم تعبي حسافة لوحدي عافوني
