"အစ်ကိုနဲ့ဂျီမင်းကအရမ်းတူတယ်"
အိပ်ရာပေါ်မှာအေးအေးချမ်းချမ်းအိပ်ပျော်သွားတဲ့ဂျီမင်းကိုကြည့်လိုက်ပြီးဝိန်းကခပ်တိုးတိုးရေရွတ်သည်။
"အင်း ရှပ်တီးရှပ်ပြာနိုင်တာကတော့ကွာတာပေါ့"
"ဘာပဲဖြစ်ဖြစ် ကျွန်တော်အဲ့ဒီနေ့အစ်ကို့ကိုရအောင်ကယ်မှာပါ"
စားပွဲပေါ်တွင်တင်ထားသောအဖြူအမည်းကာလာဖြင့်ဓာတ်ပုံလေးကိုတစ်ချက်နမ်းလိုက်ရင်းဝိန်း၏နှုတ်ခမ်းများကနှစ်လိုဖွယ်ကောင်းစွာပြုံးသွားလေသည်။
_____
အိမ်မက်ဆိုးတွေကတစ်ညလုံးဒုက္ခပေးထားသည့်အတွက်ဂျီမင်းသည်မနက်အစောပိုင်းမှအိပ်ပျော်သွား၍နေ့ခင်းလောက်မှပြန်နိုးလာသည်။
ရောက်ရှိနေသည်ကသူ့ကိုပေးထားတဲ့အခန်းမဟုတ်ပေ။
အခန်းတစ်ဝိုက်ကိုဝေ့ဝဲကာကြည့်လိုက်သည်။
အံ့သြစရာကောင်းလောက်အောင်ပင်ဝိန်း၏အခန်းဖြစ်နေသည်။ဟိုတစ်နေ့ရောက်လာတုန်းကလောက်အခန်းကရှုပ်ပွမနေတော့။
"ငါမနေ့ညကဘယ်လိုတောင်ဖြစ်သွားရတာလဲ"
တဆစ်ဆစ်ကိုက်နေတဲ့ခေါင်းကပုံမှန်မဟုတ်သေး။
အိမ်မက်ဆိုပေမယ့်အိမ်မက်လို့မထင်ရလောက်အောင်ပင်ဖြစ်ရပ်ဆန်လွန်းသည်။
ဦးနှောက်ထဲကျည်ဆန်ဝင်လာတဲ့အချိန်ကအစခေါင်းတစ်ခုလုံးပေါက်ထွက်သွားသည်ဟုပင်ခံစားလိုက်ရသည်။
"နေဦး ငါတကယ်နားမလည်တာကဝိန်းကဝီလီယမ်ကိုချစ်တယ်ဆိုရင်ဖီးလစ်ကိုပါဘာလို့..."
"သူကခဲတစ်လုံးနဲ့ငှက်နှစ်ကောင်ပစ်နေတာလား"
ဂျီမင်းသည်တစ်ခဏလောက်အချိန်ယူစဉ်းစားပြီးသည့်အချိန်တွင်တော့အရာရာတိုင်းကိုနားလည်သွားတော့သည်။
"ဒါတွေရဲ့နောက်ကွယ်ကဝီလီယမ်ပဲ
ဖီးလစ်ကိုဝိန်းကဝီလီယမ်အနေနဲ့သတ်မှတ်ပြီးအစားထိုးထားတာလား"
"မဟုတ်သေးဘူး ဝီလီယမ်ထွက်ပြေးသွားတာဒါနဲ့ဆိုင်နေမလား"
ဂျီမင်းသည်ခေါင်းကိုတဗြင်းဗြင်းကုတ်ကာစဉ်းစားနေပေမယ့်စိတ်တိုင်းကျစရာတစ်ခုတောင်ရှာမတွေ့ပေ။
ဒီလိုမျိုးအချိန်ဆိုရင်၂၁ရာစုကိုပဲအပြေးပြန်ချင်လှသည်။
YOU ARE READING
Two Men In One Look (Completed)
FanfictionThere was a story about two men who fell in love with the same man But their story had already been a sad ending What if there is a chance to fix all these things,will we be able to rewrite the stars?
Chapter 10
Start from the beginning
