قعود : انت بجد صعبانه عليا
عشق : قعود خلاصص ... كفايا بجد انت ليه بتلومني كل ده .. و بعدين يا اخي انا معملتش حاجه غلط ده جوزي
قعود : جوزك ... بتقوليها بفخر اهو هو انت حبيتيه ولا ايه
عشق بعصبية : قعود هو فيه ايه بجد انت ليه بتعمل كده
قعود : عشان انت مش عشق اللي اعرفها ... انتي عارفه كويس اوي اني بحبك يا عشق
عشق : و انا عمري ما وعدتك بحاجه يا قعود ... و دائما بقولك انك اخويا و بس سامع
قعود بعصبية: وانا مش اخوكي يا عشق .... بقولك بحبك بحبككك
عشق : خلاصص خلاصص بجد ... الموضوع مبقاش له فايده دلوقتي... كلامك ده مينفعش يتقال ... و لو سمحت اطلع برااا
قعود خرج بعصبية و عشق قعدت بتوتر ... افتكرت كلام غيث و فضلت تفكر فيه و كانت محتاره اوي نص مصدقه و النص التاني بيقول انها لعبه
عند غيث كانت عربيته ادمرت و الازاز كله انكسر و هو مخبوط في دماغه و منزله دم بس ال airbags ساعدت أن الخبطه متكنش جامده كان فاقد الوعي
فيه ناس شافوا العربيه راحوا عليه بسرعه و كانوا بيحاولوا يخرجوه
و فعلا قدروا يخرجوا طلبوا الإسعاف و طلعوا تليفونه و اتصلوا على اخر رقم اللي كان لحسن الحظ عشق
عشق : خير يا غيث هو انت مش لسه ماشي
- صاحب التليفون عمل حادثه و احنا طلبنا الإسعاف حضرتك تقربيله
عشق بخضه : ايه ... حادثه ايه ... طب طب هاتوا علي مستشفى.....
عشق قالت لهم اسم المستشفى و كانت اتصلت بساهر و خالد
عشق كانت خايفه اوي عليه
بعد نص ساعة كانت الإسعاف وصلت و حليم و حسن و طلال و كريمه و كلهم
غيث كان فاقد الوعي و دخل علي العمليات بسرعه دراعه اتكسر و كان عنده شرخ فرجله و كان دماغه مخبوطه جامد اوي
كريمه كانت بتعيط و خايفه اوي
ساهر : عشق تعالي ثانيه
عشق راحت معاه : نعم
ساهر : غيث اتخبط في رأسه و ممكن يفتكر دي هتبقى كارثه لو افتكر و هو ف الحاله دي
عشق : ساهر شغل الهبل اللي بيحصل في الافلام ده أن واحد يفقد الذاكره و يتخبط يفتكر ده تخلف
ساهر : يعني مش هيفتكر حاجه
عشق : بص هو كلام عبط و مفيش حاجه علميه بتقول كده ... بس ربنا قادر علي كل شئ و انا حاسه ان ده واقته يا ساهر ...
و بصت لحليم :لازم يعرف حقيقة جده
ساهر : اومال بتتفزلمي ليه من الاول
خالد راح عليهم
خالد : عشق جدي عايزك
عشق راحت عند حليم
حليم : الدكتور قالك اي
عشق : دراعه اتكسر و عنده شرخ فرجله و اتخبط جامد فراسه
كريمه بعياط: طب طب هو هيبقى كويس يعني
عشق حضنتها : متقلقيش هيكون كويس باذن الله
كانت عشق قلقانه و خايفه عليه رغم أن الكل كان متوقع العكس تماما
جيهان كانت جت
جيهان: ايه يا عشق فيه ايه
عشق : غيث عمل حادثه
جيهان: يا حبيبي طب هو في العمليات ولا ايه
عشق : اه يا ماما ...
عشق راحت قعدت كانت متوتره شويه ... هي كانت حاسه بالأمان شويه مع غيث علي الاقل بعدها عن حليم و شره و لو جراله حاجه هترجع القصر تاني
جنى راحت قعدت جمبها: غيث قوي هيقوم منها متقلقيش
عشق رجعت شعرها لورا : انا مش قلقانه ...
جنى: اه ما أنا واخده بالي كلنا واخدين بالنا
عشق : جنى لو سمحت اسكتي
جنى : الحق عليا اللي انا عايزه اطمنك
عشق : شكرا يا ستي
دلال راحت عليهم
دلال : بس يا جنى روحي اقعدي مع تماره ووساندي و سبيني مع عشق
جنى قامت و دلال قعدت مع عشق
كانت ساكته
بعد حوالي أربع ساعات كان الدكتور خرج و طمنهم و غيث خرج لغرفه عاديه و كان فايق و ساكت
عشق راحت عليه بسرعه و لهفه : غيث حمدالله على السلامه حاسس بايه
غيث ابتسم لها : الله يسلمك ... انا كويس
كريمه كانت واقفه بعيد
عشق راحت ناحيتها
عشق : كان فيه حد قلقان عليك اوي اوي يا غيث
كريمه مقدرتش تسيطر علي نفسها هي في الاول و الاخر ام راحت حضنت غيث
غيث : انا اسف
كريمه : مسمحاك يا حبيبي مسمحاك
الكل بدأ يطمن علي غيث
حليم : حمدالله علي السلامه يا غيث
غيث بصله : الله يسلمك يا .... جدي
ساهر بص لعشق اول لما سمع نبره غيث ساخره
عشق : طب يلا يا جماعه اخرجوا عشان هو لازم يرتاح
الكل خرج
و حليم خرج و مفيش غير حاجه واحده بس اللي فدماغه أن الذاكره رجعت لغيث
غيث : انا عايز امشي من هنا و كان بيحاول يقوم من علي السرير
عشق : حيلك حيلك رايح فين مينفعش تمشي انت لازم تفضل هنا لحد ما تتحسن
غيث : مش بطيق المستشفيات
عشق : غيث مش هينفع تقوم رجلك فيها شرخ و متجبسه
غيث :اااه
عشق : انت كويس ايه بيوجعك
غيث : انا عايزه امشي من هنا
عشق :غيث مش هينفع ... ازاي هتخرج و انت بالحاله دي ايدك و رجلك متجبسين
غيث : طب هاتي تليفونك اعمل من عليه مكالمه
عشق : اتفضل
غيث خد موبايل عشق و اتصل علي واحد من رجاله
غيث : الو يا علي
علي : باشا مراد علام ناوي شر ... و الحادثه دي من تدبيره
غيث : له حق
علي : افندم
غيث : ماشي يا علي لو فيه جديد كلمني
غيث قفل و كانت ملامحه مزيج بين الغضب و عدم التصديق
عشق : مالك
غيث : معرفش ... فيه مشاهد فدماغي غريبه مش فاهمها
عشق : مشاهد ايه
غيث سرح : اني بقتل حد
✨✨✨✨✨✨✨✨✨✨✨✨✨✨
بس كده يا شباب البارت ده خلص
YOU ARE READING
عائله أصلان
Novellerهي فتاه تريد الانتقام من عائلتها بعد موت والدها لأنهم قاطعهوهم سنين طويله لان والدها تزوج امرأة(والدتها) ليست من نفس الطبقه الاجتماعيه ولكن يُجبرها جدها علي أن تتزوج من ابن عمها ... و تحدث احداث كثيره و حتي تكتشف أن .... هذا ما سوف تعرفونه في الر...
