مراد بعصبية :نعم يا حبيبتي ... لا لا مهو بعد اللي عرفتيه ده انتي لازم تعملي حاجه ... الزباله اللي اسمه حليم ده لازم يتحاسب
عشق: يا اخي ما تحاسبه انت انا لسه بفكر هعمل ايه ... و بعدين الموضوع صعب اوي و لو غيث افتكر هيبقى الوضع وحش جدااا ..
مراد : ادا ادا ده انتي شكلك كده غيث لحس مخك يا بت انتي
عشق : انت بتتكلم كده ليه و بعدين انت في الاول قولت لي انك هتقدم لي مساعده عشاني مش عشان حاجه
مراد : و ابويا اللي اتقتل علي ايد غيث و جدك ده دمه حرام يعني ولا ايه
عشق: انا مش فاهماك انت عارف كل ده مقولتش البوليس ليه ولا خدت حقك بنفسك
مراد قام وقف : شكلك كده مش ناويه تعملي اللي انا عايزه ... قدامك اربعه و عشرين ساعه يا عشق و تتصلي بيا تقوليلي قررتي هتعملي ايه بالكلام اللي عرفتيه... و لو متصلتيش ... فمتزعليش باللي هيحصل فيكوا كلكوا
و سابها و مشي
عشق حطت دماغها علي التربيزه :لا لا لا ... منكوا لله ...
عشق بعصبية : منكوا لله
في الشركه
غيث خرج من مكتبه و كان داخل مكتب عشق
همس : هي مش جوا
غيث : اومال فين
همس : خلصت شغلها و خرجت من حوالي ساعتين
غيث طلع تليفونه و اتصل بعشق
غيث : انتي فين
عشق :مروحه
غيث : و سعدتك مقولتليش ليه انك ماشيه
عشق : ليه يعني هو بعد الشر كنت هتبعت معايا حد يوصلني
غيث : همس قالتلي انك بقالك ساعتين ماشيه ... كل ده في الطريق
عشق : لا كنت عند ماما
غيث اتعصب : و انا ابجورة فحياتك يعني ... مش تتنيلي تستاذني
عشق : غيث انت عايز ايه هاه ... ما انت كنت حلو في الاول ايه اللي حصل متكونش خدت علاقتنا جد اوي
و بعدين قفلت فوشه
غيث دخل مكتبه بعصبية و خد مفتاح عربيته و حاجته و نزل و راح علي البيت
عشق كانت وصلت
غيث دخل بعصبية
غيث : انتي بتقولي فوشيي
عشق : اوبس يا بيبي طب انت كويس
غيث اتعصب اكتر : عشقققق انا مش هقولك تاني انك متروحيش مكان غير لما اكون عارف سامعههه ... او بقى تتحبسي في البيت و الكلام اللي قولته لحدي قبل ما نيحي هنا هيبقى بجد
عشق بعصبية : هو فيه ايه هاه ... انت بقيت كده ليه ... ده انت كنت تتمنى أخرج و اروح فداهيه مرجعش ايه الجديد ... رد عليا ايه الجديد
غيث : انا حذرتك يا عشق و عشان مش هقول الكلام ده تاني
عشق : يعني أنا المفروض استأذن عشان اعمل اللي عايزاه و حضرتك تعمل اللي عايزه بدون استئذان
غيث بسخرية: حضرتك عايزاني استأذنك ولا ايه... عشق متعمليش رأسك براسي انا لحد دلوقتي طيب معاكي
عشق بصت له بعصبية و دخلت جوا
دخلت الاوضه و قفلت عليها
و كانت متعصبه و خايفه و متوتره
كانت راحه جايه في الأوضه بتفكر فحاجات كتير فمراد و سر تغير غيث و مامتها
عشق : ياربي انا تعبت تعبت اوي من التفكير
بعدين قعدت علي كرسي سندت راسها
عشق : يارب يارب ساعدني
بعدين نامت بعمق
قاسم : عشق عشق
عشق صحيت : بابا بابا انت هنا انت كنت فين كل ده انت وحشتني جدااا
قاسم : انتي كمان يا عشق وحشتني اوي
عشق : انا اتبهدلت اوي اوي من بعدك يا بابا اتبهدلت انا و ماما اوي ..
قاسم : انتي قدها يا عشق هتعدي كل ده انتي عشق قاسم اللي مش بتستسلم بسهوله ... و صدقيني يا عشقي النهاية هتبقى سعيده و مرضيه للكل و كل واحد هياخد اللي يستحقه
عشق : اتمنى بجد كل واحد ياخد اللي يستحقه
قاسم حضنتها وضحك : عايز اقولك انك وحشتيني اوي يا جزرة
عشق ضحكت و غمضت عينها : وانت كمان وحشتني اوي
كل ده كان حلم
عشق صحيت علي صوت جرس الباب اللي كان عمال يرن أكن فيه حد مستفز برا عمال يدوس عليه
عشق قامت بكل عصبيه فتحت الباب
عشق بعصبية : ايه فيه ايه الازعاج ده ... انت مين و عايز ايه
- اوباااا ... ده مين القمر .. ميكنش غيث ربنا تاب عليه من حبيبه و رجع لايام الشقاوه تاني
عشق بعصبية اكتر :انت مين يا جدع انت
- انا ساهر صاحب غيث ... مش دي بردوا شقه غيث
عشق : مهو مش بعيد لازم صحابه يكونوا مستفزين زيه
ساهر : ايوه يعني ماعرفتش مين القمر
عشق بعصبية: اسمي عشق و لو قولت قمر تاني هضربك
ساهر : عشق بتهزري انتي عشق بنت عم غيث ... كان معاه حق يعني
عشق : انت بتقول ايه
ساهر : هاه ولا حاجه ... هو فين
غيث خرج من البلكونه
غيث باستغراب : ساهر بتعمل ايه هنا
ساهر : ده بدل ما تاخدني بالحضن و تقولي ازيك يا صحبي واحشني و كده يعني
عشق بعصبية : ياريت تاخد المستفز ده و تمشيه من هنا عشان صحاني مفزوعه بسبب المهرجان اللي عمله علي الباب
و سابتهم و دخلت
ساهر غمز لغيث : ايوه يا عم بقى ... اتخليت عن مبادئك و ظبطها
غيث : انت عبيط يلا انا اتجوزتها
ساهر : بتهزرر ... غيث و اتجوز فجمله واحده
غيث : ساهر متعملش نفسك اول مره تعرف... علي اساس مشفتش خبر جوازنا في التليفزيون ولا حتى علي social media
ساهر : و المصحف اول مره اعرف دلوقتي انت عارف بقى مليش في ال social media و الصراحه يعني كنت مش فاضي ...
غيث : طبعا ما انت كنت مقضيها نسوان و بس هناك
ساهر : الصراحه اه ... ايه بقى طبعا نفضت لحبيبه مش كده
غيث : نفضت ايه بس ده انا مدبس تدبيسه سودا
ساهر : احسن عشان كنت تمثل عليها حلو ... بحبك و بموت فيكي و معرفش ايه اقسم بالله تستاهل
غيث : اسكت بقى ... لا و دبست نفسي معاها اكتر انهارده
ساهر : انت غبي يا غيث
ساهر : يا عم هو انت رابط نفسك بحبيبه دي ليه و انت اصلا مبتحبهاش ...
غيث : تعالى المكتب مش هينفع نتكلم هنا
✨✨✨✨✨✨✨✨✨✨✨✨✨✨
ده بارت انهارده استنوا البارت الجاي ♥️
CITEȘTI
عائله أصلان
Proză scurtăهي فتاه تريد الانتقام من عائلتها بعد موت والدها لأنهم قاطعهوهم سنين طويله لان والدها تزوج امرأة(والدتها) ليست من نفس الطبقه الاجتماعيه ولكن يُجبرها جدها علي أن تتزوج من ابن عمها ... و تحدث احداث كثيره و حتي تكتشف أن .... هذا ما سوف تعرفونه في الر...
