အခန်းကိုပြန်ကာ အဝတ်အစားလဲလိုက်ပြီး သမီးလေးရဲ့ ကျောင်းကိုထွက်လာခဲ့လိုက်တယ်...။ သမီးလေးနဲ့ မတွေ့ရတာ ရက်တွေကြာနေပြီဖြစ်တာကြောင့် Yoongi တစ်လမ်းလုံး စိတ်လှုပ်ရှားနေမိတယ်.....။
ဆေးရုံတက်ကတည်းက သမီးလေးရဲ့ အသံလေးကိုတောင် မကြားရတာကြောင့် Yoongi နေ့တိုင်း လွမ်းနေခဲ့ရတယ်....။
တစ်နေ့ တစ်နေ့ ဖုန်းထဲက သမီးရဲ့ ဓာတ်ပုံတွေကိုသာကြည့်ပြီး အလွမ်းသယ်ခဲ့ရတာလေ...။ မတွေ့ရတဲ့ရက်တွေအတွင်း သမီးလေး ဘာတွေများ ပြောင်းလဲသွားမလဲ....။ သမီးကိုတွေ့ရတော့မယ်ဆိုတဲ့ စိတ်ကြောင့် Yoongi စိတ်တွေတောင် လှုပ်ရှားနေမိတယ်....။
"ရောက်ပြီ Yoongi....."
သမီးလေး ဝလာသလား ပိန်သွားသလားဆိုပြီး တွေးနေတာနဲ့ ကျောင်းရှေ့ကိုရောက်လာတာတောင် သတိမထားမိလိုက်ပေ....။ ကံကောင်းလို့ ကျောင်းမဆင်းခင် အချိန်မှီလေး ရောက်လာခဲ့လေတယ်....။
ကျောင်းဆင်းတာနဲ့ ကျောင်းပေါက်ဝကို ပြေးထွက်လာတဲ့ ကလေးတွေကြားထဲ သမီးငယ်ကိုရှာလိုက်မိတယ်....။ ခဏကြာတော့မှ ကလေးတွေကြားထဲကနေ အနွေးထည်အဝါရောင်လေးကိုဝတ်ထားတဲ့ သမီးလေးကို တွေ့လိုက်ရတယ်...။ သမီးကိုတွေ့လိုက်တာနဲ့ Yoongi ရဲ့ နှုတ်ခမ်းတွေ အလိုလိုပြုံးသွားမိတယ်....။
လွမ်းရတဲ့ သမီးရဲ့မျက်နှာလေးကို မျက်တောင်တောင် မခတ်နိုင်ပဲ တစ်ဝကြီး ငေးမောနေမိတယ်....။
"ကိုယ် သမီးကိုသွားခေါ်ပေးရမလား...."
"ဟင့်အင်း မခေါ်ပါနဲ့.... ငါ့ပုံကိုမြင်ရင် သမီးစိတ်ကောင်းဖြစ်သွားလိမ့်မယ်...."
စိတ်ရှိတဲ့အတိုင်းသာဆိုရင်တော့ ကားပေါ်ကနေပြေးဆင်းပြီး သမီးဆီသွားကာ ပွေ့ဖက်ထားချင်မိတယ်...။ မနမ်းရတာကြာပြီဖြစ်တဲ့ သမီးရဲ့ ပါးအိအိလေးတွေကိုလည်း တစ်ဝကြီး နမ်းရှိုက်လိုက်ချင်တယ်....။ သမီးသာ သူ့ကိုတွေ့ရင် သိပ်ပျော်သွားမှာသေချာလေတယ်...။
ဒါပေမယ့် သူ့ရဲ့အခုလက်ရှိပုံကို သမီးငယ် မြင်သွားမှာ Yoongi မလိုလားပေ...။ အရာရာသိတတ်တဲ့သမီးလေးက သူ့ကိုတွေ့တာနဲ့ နေမကောင်းဖြစ်နေတာကို သိသွားပြီး စိတ်မကောင်းမဖြစ်စေချင်ပေ....။
YOU ARE READING
First Love (Completed)
FanfictionOur first love is our ignorance, That it can never end. Jeon Jungkook x Min Yoongi Written by : JaejoongHtike (Both Zawgyi & Unicode)
Chapter - 24
Start from the beginning