"သားငယ်..."
"တော်ပါတော့ မာမီရယ်... မာမီတို့ ရန်ကြွေးအတွက် သားနှလုံးသားက ချနင်းခံရသလိုဖြစ်နေပြီ"
"သားငယ်… သားငယ် မိဘနေရာရောက်လာတဲ့တစ်နေ့သိလာလိမ့်မယ်"
"ဘာသိလာရမှာလဲ မာမီ"
"ခု မာမီ ဘာလို့ တားနေလဲ သားငယ် နားလည်လာမှာပါ... မာမီရော သားဒယ်ဒီပါ သားငယ်လေးကို ဆင်စီးပြီးမြင်းရံစေချင်တာပါ ဆင်နင်းပြီး မြင်းကန်မှာ ဘယ်လိုချင်ပါ့မလဲ"
"ကိုရှိန်းနဲ့ ယူရင် ဘယ်ဆင်ကလာနင်းပြီး ဘယ်မြင်းကလာကန်မှာလဲ"
"ဟင်"
"နင်းမယ့်ဆင်လည်းမမွေးသလို ကန်မယ့်မြင်းလည်းမမွေးပါဘူးမာမီ... ပြီးတော့လေ မာမီသိလား ဆင်က မွေးလို့မရဘူး တောရိုင်းတိရိစ္ဆာန်ဥပဒေနဲ့လည်း မလွတ်ကင်းဘူး"
"ပြည်... သာ... ရဲ...ထက်"
စကားကို ကတ်တီးကပ်ဖဲ့ပြန်ပြောနေသည့် ပြည်သာရဲထက်ကြောင့် ဒေါ်ထားရတနာမှာ ဆက်မပြောနိုင်တော့ဘဲ နာမည်ကိုပဲ တစ်လုံးချင်းသာခေါ်နိုင်ရှာတော့သည်။
.....................................................................................................................................
"မရီနဲ့ ဒီးဒီးရယ်... ငါတကယ်ညစ်နေတာနော်"
"ထက်ကိုရှိန်း ... ထက်ကိုရှိန်း ... နင်မျက်နှာကြီးက အီးမှန်ထားသလိုဖြစ်နေတာ ငါ ပထမဆုံးမြင်ဖူးတာပဲ"
"ဟူး... ငါတကယ်ပြောနေတာ ဒီးရယ် ... ငါ ကလေးနဲ့ မဝေးနိုင်ဘူး... ကလေးနဲ့ဝေးရရင် ငါ ..ငါ သေသွားမလားမသိဘူး"
"အမလေး သေတော့မသေလိုက်ပါနဲ့ဟယ် ငါ သရဲကြောက်တတ်တယ်"
ဒီးဒီးစကားကြောင့် ထက်ကိုရှိန်း ရှေ့မှတစ်ရှူးကို လုံးပြီး ဒီးဒီးကို ပေါက်ပစ်လိုက်သည်။ ပိတ်ရက်တွင် ဒီးဒီး၊ ရတုနှင့် မော်ကွန်းတို့ကိုခေါ်ကာ ထိုင်နေကျ Coffee Shop လေးသို့ ရှိန်းရောက်ရှိနေခြင်းဖြစ်သည်။
ရှိန်းက ကော်ဖီခွက်ကိုကြည့်လိုက် သက်ပြင်းချလိုက်လုပ်နေပြီး မော်ကွန်းကတော့ ထက်ကိုရှိန်းကို ကြည့်ကာ စုပ်တသပ်သပ်ဖြစ်နေလေသည်။ ထက်ကိုရှိန်း ထိုသို့ဖြစ်နေသည်ကို ယခုမှသာ မြင်ဖူးရခြင်းမဟုတ်ပါလား။
YOU ARE READING
အချစ်နယ်နိမိတ်ဆီ ခင်ဗျားကိုခေါ်သွားချင်တယ် (𝐂𝒐𝒎𝒑𝒍𝒆𝒕𝒆𝒅)
Romance"ကျွန်တော် ခင်ဗျားကိုချစ်တယ် ခင်ဗျားလည်း ပြန်ချစ်ရမယ်" "ဟင်"
ƤAƦƬ ⑲
Start from the beginning