သူ့ကိုကြည့်ကာ ရတုလို့ခေါ်နေတာကြောင့် သူတို့အဖွဲ့ကို မျက်မှန်းတန်းမိသော ကျောင်းက'ကလေးတစ်ယောက်ဖြစ်လိမ့်မည်။
"မင်းက ဘယ်သူလဲ..."
"ကျွန်တော်လေ..."
"အေး အဲ့ကျွန်တော်က ဘယ်သူလဲလို့"
"ဇော်ထက်လေ အစ်ကို မမှတ်မိဘူးလား"
"ဘယ်က ဇော်ထက်လဲ..."
"ပြည်သာရဲထက်ရဲ့ သူငယ်ချင်းလေ..."
"ဘယ်က ပြည်သာရဲထက်လဲ..."
ဇော်ထက်တစ်ယောက် တကယ်ပင်ငိုချင်သွားမိသည်။ ဒီအစ်ကိုက သူ့ကို တကယ်ပင် မမှတ်မိဘူးလားမသိချေ။
"ဟိုလေ... ဟို ... ကျောင်းစဖွင့်တဲ့ရက်မှာ ကိုရှိန်းရဲ့ရင်ဘတ်ကိုကိုင်လိုက်တဲ့ ပြည်သာရဲထက်ရဲ့ သူငယ်ချင်းလေ"
"ဪ... ဟို မျောက်လောင်းရဲ့သူငယ်ချင်း"
ပြည်သာရဲထက်ရဲ့ဂုဏ်ပုဒ်ကို ထည့်ပြောလိုက်မှပဲ ထိုအစ်ကိုက သူ့ကို နည်းနည်းမှတ်မိသွား၍ တော်တော့သည်။
"ဟုတ်တယ် ဟီး... တောင်းပန်ပါတယ်"
ဇော်ထက်က စာအုပ်လေးတွေကိုပြန်ကောက်ကာ မော်ကွန်းကို လှမ်းပေးလိုက်လေသည်။
"Shopping ထွက်လာတာလား..."
"မဟုတ်ဘူး... ရုပ်ရှင်လာကြည့်တာ"
"ဟင် တစ်ယောက်တည်းလား..."
"ဟုတ်တယ် တစ်ယောက်တည်းကြည့်မှဖြစ်မှာမို့... ကိုရတုကရော တစ်ယောက်တည်းလား"
မော်ကွန်းက အခုချိန်ထိ သူ့ကိုလူမှားနေပုံရသော ကောင်လေးအား ပြုံးကြည့်လိုက်ပြီး
"မင်းမှားနေပြီး ရတုက ဟိုကျပ်မပြည့်တဲ့ဒီးဒီးရဲ့ကောင်လေး... ငါ့နာမည်က မော်ကွန်း"
"ဟုတ်ကဲ့ ကိုမော်ကွန်း လူနဲ့နာမည်နဲ့မှားသွားတယ်"
"ကဲ ခွင့်ပြုဦး..."
"ဟုတ်ကဲ့ အစ်ကို"မော်ကွန်း ဇော်ထက်ကို နုတ်ဆက်ကာ ရုပ်ရှင်ရုံထဲဝင်လာသည်အထိ အေးအေးဆေးဆေးပင်။ ပြဿနာက ရုပ်ရှင်စပြသည့်အချိန်မှစလေသည်။
YOU ARE READING
အချစ်နယ်နိမိတ်ဆီ ခင်ဗျားကိုခေါ်သွားချင်တယ် (𝐂𝒐𝒎𝒑𝒍𝒆𝒕𝒆𝒅)
Romance"ကျွန်တော် ခင်ဗျားကိုချစ်တယ် ခင်ဗျားလည်း ပြန်ချစ်ရမယ်" "ဟင်"
ƤAƦƬ ④
Start from the beginning