"ချန်းယောလ်...
သူတို့က ကလေးရဲ့ အုပ်ထိန်းသူဆိုတာလည်း သေချာနေပြီပဲ
ပြီးတော့ ကလေး သတိပြန်မရခင် ပြန်ထည့်လိုက်တာအဆင်ပြေပါတယ်
ကလေးနိုးလာမှဆို ငိုနေဦးမှာ
ဒါဆိုမင်းလည်း လက်လွှတ်ဖို့ ပိုခက်ဦးမယ်မဟုတ်လား"
ဦးလေး ဂျွန်ပြောတာလည်း မှန်နေတာမို့ ချန်းယောလ်က ဘာမှ မပြောသာတော့။ ကလေးကိုယ်ပေါ်ကနေ အနွေးအင်္ကျီထပ်ဝတ်ပေးပြီးနောက် ဝူရိဖန်က ကလေးကို ပွေ့ချီလိုက်သည်။ ဦးလေးဂိုက ထီးသေချာဆောင်းပေးပြီး ကလေးကို ကားပေါ်ခေါ်တင်သွားကြသည်။ အိပ်ပျော်နေသည့် ကလေးကတော့ တစ်စက်မှပင် မလှုပ်။ နောက်ဆုံးမှာ ကျန်ခဲ့သည့် ရှောင်လုဟန်က ချန်းယောလ်ကို အားနာသလိုကြည့်ရင်း အိမ်ထဲကနေ လှည့်ထွက်သည်။
"ခဏလေးနေပါဦး
ကျွန်တော် ကလေးနာမည်လေး သိခွင့်ရှိမလား"
"ဂျောင်ဆူးပါ...ဒိုဂျောင်ဆူးတဲ့"
"ပြီးတော့ ဒါလေး...
ကလေး အရမ်းသဘောကျတာမို့လို့ ယူသွားပေးနိုင်မယ်ဆို အဆင်ပြေမှာပါ"
ချန်းယောလ် လက်ထဲက သေတ္တာအပြာလေးကို ရှောင်လုဟန်က လက်လွှဲယူရင်း ရေမစိုအောင် မိုးကာစနဲ့ အုပ်လိုက်သည်။
"ချန်းယောလ်ကို ကျွန်တော်တို့ ကတိပေးနိုင်တာရှိပါတယ်
ကလေးကို သူ့အတိတ်ပြန်မှတ်မိအောင် ကျွန်တော်တို့ ကုထုံးသုံးပြီး ကုမှာပါ
အဲ့ဒါက သူ့ရဲ့ အခုလက်ရှိအချိန်တွေကို မေ့သွားတာ ဖြစ်ကောင်းဖြစ်နိုင်ပါတယ်
ပြောချင်တာက သူချန်းယောလ်ကို မေ့သွားတာမျိုးပေါ့
ဒါပေမဲ့ ကျွန်တော်တို့က ချန်းယောလ်ဆီမှာ သူအချိန်အတော်ကြာ နေခဲ့ဖူးတယ်ဆိုတာကို ပြန်ပြောပြပေးမယ်လို့ ကတိပေးပါတယ်
ဒီပစ္စည်းတွေကိုလည်း ကလေးကို သေချာပေးပေးမှာပါ"
"ကျေးဇူးတင်ပါတယ်"
"ကျွန်တော်တို့ကို ချန်းယောလ် အချိန်မရွေးဆက်သွယ်နိုင်ပါတယ်"
"နေပါစေ ကျွန်တော် မဆက်သွယ်ဖြစ်လောက်ပါဘူး"
ရှောင်လုဟန်က သူ့ဆီကမ်းပေးထားတဲ့ လိပ်စာကတ်ကို အိတ်ထဲပြန်ထိုးထည့်ကာ ခေါင်းငြိမ့်ပြပြီး ထွက်သွားသည်။ မိုးသည်းသည်းထဲတွင် ကားမီးအနီလေး ပျောက်သွားသည်အထိ သူလိုက်ကြည့်လို့နေမိသည်။
BINABASA MO ANG
Red String of FATE
FanfictionRed String လေးနဲ့ ဆက်သွယ်ထားတဲ့ လူနှစ်ယောက်က ဘယ်လောက်ပဲဝေးဝေး တစ်ဦးနဲ့တစ်ဦး နီးဖို့ အကြောင်း ဖန်လာတာပဲတဲ့ ❣️ Park Chanyeol X Doh Kyungsoo Zawgyi+Unicode
Part 21
Magsimula sa umpisa
