ليالي الجحيم 12:00

part 47

اني بسرعه طخت ببالي ووصلي الموضوع لأن تڪرر رقم 12 ثلاث

مرات رفعت راسي وبقيت اباوع لأشهـم وابلع بريڪي وهوه يبتسم طبيعي سد الرساله بابا وراد ياخذ الاسلاح من اشهـم

::- لا عمي عوفو يمي انا ارتبلك وضعو السلاح خاف بي بصمات وهساع انا لزمتو

- مو مشڪله ابني انطينياه لا تتورط

::- لا عمي اخذو السلامتك احسن

:- بقى بابا ساڪت وحسن يستفسر منه وماما واشهـم اخذ وضع الصامت ويباوع عليهم بهدوء
احس داخلي ڪُله ارتعب من رجع حجه حسن هيج

- يابه شنو سالفه الـ 12 بليل قبل 3 ايام وصلتلي رساله شخصيه هم بضرف يم سيارتي وبيها تهديد واخر شي ڪاتب " بدء اللعب يم الشقه "

- يا شقه بابا

- سالفه قديمه يابه بس شنو هذا منو هذا؟
معقوله نفسه

- وهوه منوو

:- حسيت بابا وحسن اتخردلو وداخو واحد يردم بالثاني بالحجي ويردون يوصلون لجواب

التفتت لأشهـم يدخن ويبتسم لعبها صح وخلاهم يتوترون ويدوخون وواحد يلطخ بالثاني من الدوخه وهوه يباوع عليهم

خزرته خزره حسيت اريد اشرب من دمه ومايبرد داخلي ابدد وهوه يقابلني بأبتسامه

لمينه السفره وسوينه چاي وبابا بقى يحجي ويه اشهـم عن هل موضوع ومنو هذا وحسيت بابا ايضاً مااقتنع بسالفه انو شاف اشهـم الضرف يم الباب والسلاح اشهـم ليش ميقبل يسلمه!!

بقيت احجي ويه انوار وهيه تهز براسها وحاضنتني

- خسرناه أيڤ خسرت احنَ واحد

:- يارب يعوضج

- محد يعوض مڪان سجاد محد

:- بقيت صافنه محتاره شحجي موضوع اشهـم خربطلي ڪُلشي شويه وڪام عدل ملابسه

::- يلا عمي نترخص منڪم وراي شغل وتأخر الوقت

- ابقو يمنه بعد مو مال روحه والدنيه ليل

:- نزيت من مڪاني ؏ السريع واني اشوف نضرات اشهـم الي وهوه يحذرني اوافق..

لا بابا غير مره اريد اجي ابات يمڪم هسه مجايبه ملابسي ولا شي وتعبت..

بقى يباوع عليه بنضرات اول مره اشوفها بعدين بقى يباوع لأشهـم واشهـم حط عيونه بعين بابا وابد منزلها ويبتسم عبالك منتصر بفد معرڪه!!

::- يلا اودعناڪم ان شاء الله منا وجاي جياتنه الڪم چثيره ونشبع منڪم دحچ

:- نغزني ڪلبي من ڪلامه اخذت غراضي ولفيت حجابي وانوار ضامه راسها بصدري وحاضنتني

- تعبانه بدونج أيڤ روحي منتهيه محد ديسد عازه سجاد " ويا عــــازت الاخو عـــازه "

:- حضنتها حيل وبقيت ابجي فجأه سمعتهم يبجون وياها بس اشهـم مجتف ايده بصلابه ورافع صدره بشموخ عضيت ؏ شفتي بقهر وحسره درت وجهي منه وبقيت امسح ؏ راسها واحجي وياها