فراك وجهك ما يفض بـ الله كريم
مرت ايام على فراك عمر مجاي احس بشي غير اشتياق العمر جاي يكبر يوم بعد يوم بعد يوم احس نفسي صدك بقيت وحيد
ورود : اكلك
علي : ها
ورود : اخوك الشفيه وينه
علي : هوه الموت ليش أخذ فاطمه وبقاج انتي
ورود : شكد كواد ماكو انفجار واحد يذبحك وافتك منك
علي : كاعد على كلبج
ورود : مو عبالك حسين مات اطلع من البيت هذه بيتي ومستحيل اطلع منه اله اهجولكم
علي : هذه الحجي مالتج نكعي واشربي مايه
ورود : حتى لو المحلات الك البيت هذه الي اكدر أخذه حتى لو زور
علي : اي متعوده انتي واهلج على البوك
ورود : انجب لك شايف علينه
علي : لا ابد من دخلو الأمريكان ما خليتو سياره ما خليتو ماعون مزهرية اخوج محسن باك بوك بس لله يدري بي
ورود : البيت راح اخذه وراح يجي اليوم الي اشحتكم بي
علي : اي عود خوش
ورود : اروح اصلي وادعي عليكم
علي : هاي صلاتج باب المطبخ مراح توصل
راحت ورود الغرفته بقيت انا كاعد تعبان مختنك قررت اطلع ويه نفسي بعدين تذكرت صديقي سامي قررت اطلع وياها
***
مرت ايام بسيطه على وجودي بيت عمي ضيغم ومرته بديعه وبناتها ابتهال ونضال وجان عنده اثنين ولد بكر ومحمد من دخلت الهذه البيت احس بشي على كلبي لان مرات اسمع واحد يذب كلمات وخاصه من محمد وبناتهم الاثنين وبديعه مرت عمي ضيغم
عمر : صباح الخير
بديعه : يا صباح هذه الساعه ١٢ الظهر
ابتهال : اكل ومرعه وقله صنعه
نضال : حاطينك بالبيت هيج مزهريه
حسيت كلبي انمرد مو بس انكسر من سمعت كلامهم
بديعه : باجر تطلع ويه عمك للشغل احسن ما نايم للظهر ونصرف عليك احنه
ابتهال : مصروف زايد ابوي حاطك على كلبي
بديعه : روح روح ماكو ريوك ولا شي ينوكل منا لمن يصير وقت الغده
أنت تقرأ
حيفا
Teen Fictionألاحظتِ شيئاً ؟ ألاحظتِ أنَّ العلاقةَ بيني وبينكِ .. في زمنِ الحرب .. تأخذُ شكلاً جديدا وتدخلُ طوراً جديدا وأنّكِ أصبحتِ أجملَ من أيِّ يومٍ مضى .. وأنّي أحبّكِ أكثرَ من أيَّ يومٍ مضى .. ألاحظتِ ؟ كيفَ اخترقنا جدارَ الزمنْ وصارتْ مساحةُ عينيكِ مثلَ م...
