أسندك بگلبي إذا چان الچتف مخلوع.
شكد احب اغاني ام كلثوم توصف مشاعري بمقطع واحد بس تأخذني المكان بعيد كلش بعيد بس فجاه بمقطع واحد يرجعك الواقعك جنت كاعد اسمع اغنيه انت عمري فجاه وصلت المقطع
عمر ضايع يحسبوه إزاي عليّا
وجعني هواي هذه المقطع عمر متروس وجع وقهر ولوعات مع ذالك يحسبو عليك عمر وأنت ما شايف غير الضيم والحسره
دخل بتفكيري علي شلون خلاني اسمع ام كلثوم وشلون خلاني احبها وخاصه هاي الغنيه جانت اله حيز خاص بحياتي هاي الغنيه جانت الاعتراف مال علي
هيه الغنيه مو متعلقه بس بعلي واعترافه بس هيه صارت جزء بروحي شكد احب اسمعها بصوته جان صوت علي وهوه يغني يضاهي الف اله موسيقيه والف كاسيت اغاني والف نوته موسيقية يضاهي صوت العود وصوت الشعراء
احب الاشياء الي يجيبه الي كله تمثل شيعيته تربا علك زياره جنت احتفظ بيهم مو لان جابهم علي بس حقيقه يصير عندك طمأنينة تحتفظ بشي من أهل البيت
بعدين ضحكت لمن رحنه سويه ابو حنفيه شلون جنه خايفين بس الحمدلله الانفجار جان بعيد مو قريب
بيني وبين علي مجان اكو مذهب ولا جان اكو معتقدات جان اكو شي رباني يربطني بعلي شي إلهي قويه يخليني احب روحي أكثر من ما احبه
***
تاخر فاطمه اليوم ضل بالي عليه توقعت عده درس إضافي فقررت اروح للمدرسه اشوفها واتاكد لان بالي عليه جنت امشي عسى ولعل الكالي طالب طالبه اساله
وصلت للمدرسه جان الباب مسدود جان بس الحارس بس هوه الواكف
الحارس : ها بويه شكاعد تسوي هنا
علي : بس الطالبات كلهم طلعو
الحارس : اي من زمان شي تقريب ربع ساعه ... انت مو اخو هاي البنيه فاطمه
الحارس جان يعرفني لان هواي أتردد على مدرسه فاطمه ومرات انا اوصلها
علي : اي انا اخوها
الحارس : فاطمه طلعت من زمان
علي : تمام اشكرك عمو
الحارس : هلا يابه هلا
ابتعدت من يم الحارس وحسيت برعب وخوف مستحيل أوصله ضليت ادور بالشارع مثل المخبل ادخل من شارع واطلع من شارع وين اروح المن اروح
YOU ARE READING
حيفا
Teen Fictionألاحظتِ شيئاً ؟ ألاحظتِ أنَّ العلاقةَ بيني وبينكِ .. في زمنِ الحرب .. تأخذُ شكلاً جديدا وتدخلُ طوراً جديدا وأنّكِ أصبحتِ أجملَ من أيِّ يومٍ مضى .. وأنّي أحبّكِ أكثرَ من أيَّ يومٍ مضى .. ألاحظتِ ؟ كيفَ اخترقنا جدارَ الزمنْ وصارتْ مساحةُ عينيكِ مثلَ م...
