အတန်းခေါင်းဆောင်က သူမကို အတန်းပြန်လည်တွေ့ဆုံပွဲအကြောင်း အရင်က မေးမြန်းခဲ့ဖူးသည်။ ဤသို့လုပ်လိုက်ခြင်းအားဖြင့် သူတို့က ရွှီလျန်အား အထက်တန်းကျောင်းစကားပြောခန်းအဖွဲ့ထဲသို့ ထည့်သွင်းရန် အခွင့်အရေးယူခဲ့သည်။ ထိုအချိန်တွင် ရွှီလျန်သည် အဖွဲ့မှ ချက်ချင်း မထွက်ခဲ့သော်လည်း အသံပိတ်ထားခဲ့ပြီး မည်သည့်မက်ဆေ့ချ်ကိုမျှ အကြောင်းပြန်ခြင်းမရှိခဲ့ပေ။
သို့သော် ရွှီလျန်တို့အတန်းခေါင်းဆောင်သည် စိတ်ဆုံးဖြတ်ထားပုံရသည်။ လွန်ခဲ့သည့်ရက်အနည်းငယ်က ပြန်လည်တွေ့ဆုံမည့်ရက်နှင့်အချိန်ကို သိရှိခဲ့ရပြီး ရွီလျန်က သူမအချိန်အားလပ်မည်လား မသေချာကြောင်း၊ မည်သည့်အရာကိုမှ တိတိကျကျ အာမမခံကြောင်းနှင့် အမှန်တကယ် ငြင်းဆိုခြင်းမရှိဘဲ လာရန်ငြင်းခဲ့ကြောင်း မက်ဆေ့ချ်ပို့ခဲ့သည်။ သို့သော် မမျှော်လင့်ဘဲ အတန်းခေါင်းဆောင်က လက်မလျှော့ဘဲ သူမကို ယနေ့ ထပ်မံတောင်းဆိုလာခဲ့သည်။
အတန်းခေါင်းဆောင် : [ ရွှီလျန် ငါတို့တွေ မနက်ဖြန်ည သီးသန့်အခန်းတစ်ခန်း ကြိုတင်နေရာယူပြီးပြီ တက်ရောက်မဲ့လူအရေအတွက်ကို ငါတို့သိဖို့လိုတယ် ဒါကြောင့် နင်လာမလားလို့ ငါအတည်ပြုလို့ရမလား ]
ရွှီလျန် အချိန်အတော်ကြာ မက်ဆေ့ချ်ကိုစိုက်ကြည့်နေပြီး တွေးတောနေခဲ့သည်။ အဆုံးတွင် သူမဖုန်းကို ကောက်ကိုင်၍ စာပြန်လိုက်၏။
ရွှီလျန် : [ အိုကေ ]
အတန်းခေါင်းဆောင် : [ ကောင်းပြီ ငါ နင့်ကိုစာရင်းထဲထည့်လိုက်မယ် ငါတို့တွေ မနက်ဖြန်ညနေ ခြောက်နာရီမှာတွေ့ကြမယ် ]
ရွှီလျန် : [ နင် ငါ့ကို အခု ပိုက်ဆံပေးစေချင်လား? ]
အတန်းခေါင်းဆောင် : [ အလျင်မလိုဘူး ငါတို့တွက်ချက်လို့ရတယ် ]
ရွှီလျန် စာမပြန်တော့ ၊ သူမ နောက်ထပ်သမင်ဦးချိုကို ကောက်ကိုင်လိုက်ချိန်တွင် ၎င်းမှာအက်ကွဲနေကြောင်း တွေ့လိုက်ရလေသည်။
"........"
ရုတ်တရက် ရွှီလျန်မှာ နိုင်ငံခြားသွားပြီး ပစ္စည်းအနည်းငယ်ဝယ်ရန် အရေးတကြီးလိုအပ်နေကြောင်း ခံစားလိုက်ရသည်။
![](https://img.wattpad.com/cover/319993959-288-k83190.jpg)
YOU ARE READING
Slowly Falling For Changkong ( ဘာသာပြန် )
RomanceCOMPLETED ✔️ Author - Ban Li Zi , Chestnut Chapter - 56 + 10 extras Started Date -1.9.2022 Ended Date- 22.12.2023
Chapter-40
Start from the beginning