ရွှီလျန် နည်းနည်းအံ့ဩသွား၏။
"ဘယ်လိုချုပ်ရမလဲဆိုတာ ရှင်သိတယ်လား"
ဒါက အမျိုးသားတွေမှာ မထင်မရှားကျွမ်းကျင်မှုတစ်ခုပါပဲ။
သူတို့ရှာတွေ့ထားသောကြယ်သီးတစ်လုံးကိုကိုင်ထားရင်း ရှန့်ချန်ခုန်းသည် သူ့အဝတ်ဗီရိုကိုဖွင့်၍ အပ်ချည်ဘူးတစ်ဘူးကို ယူထုတ်လိုက်သည်။
"အင်း ဒါက ကြယ်သီးတစ်လုံးချုပ်ရုံတင်ပါ ခက်ခဲတာမှမဟုတ်တာ"
"အိုး"
ရွှီလျန် ခေါင်းစောင်းလျက် သိချင်စိတ်ဖြင့်
"ဒါဆို ကြက်ခြေခတ်ချုပ်ရိုးကိုရော ချုပ်တတ်လား"
"......."
"ကိုယ် တစ်ခါမှတော့မလုပ်ဖူးဘူး ဒါပေမဲ့ ခက်တော့မခက်လောက်ပါဘူး လိုအပ်တာတစ်ခုက စိတ်ရှည်ဖို့ပဲ"
သူက ကြယ်သီးအပေါက်မှ ပြတ်ထွက်နေသောအပ်ချည်မျှင်များကို ဆွဲထုတ်ပြီး သူ့အပ်ဘူးထဲမှ အရောင်တူအပ်ချည်တစ်ခုကိုရှာဖွေပြီးနောက်
"မင်းအင်္ကျီချွတ်လိုက်"
အကယ်၍ သူမအင်္ကျီလက်အနားခေါက်က ကြယ်သီးတစ်လုံးသာဖြစ်ခဲ့ပါက သူ ဒီအတိုင်း ချုပ်ပေးလို့ရနိုင်ပေမဲ့ ရင်ဘတ်နေရာနားမှာ တစ်စုံတစ်ရာကို ချုပ်ပေးဖို့ဆိုတာကတော့.... အတော်လေး ထိခိုက်လွယ်ပါ၏။
ရွှီလျန်သည် သူ့တောင်းဆိုမှုကို သိပ်ပြီးမစဉ်းစားဘဲ မဆိုင်းမတွ သူမအင်္ကျီကြယ်သီးအားလုံးကိုဖြုတ်၊ ဆွဲချွတ်ပြီး ရှန့်ချန်ခုန်းကို ပေးလိုက်သည်။
ရှန့်ချန်ခုန်း ".........."
သူ အင်္ကျီကို တိတ်တဆိတ် လက်ခံယူပြီး သူ့စောင်ကိုမ၍ ရွှီလျန်ကို ကမ်းပေး၏။
"ဒီမှာ ဖုံးထားလိုက် ဒါဆို မင်းအအေးမိမှာမဟုတ်ဘူး"
ရွှီလျန်သည် သူမကိုယ်ကို စောင်ဖြင့်ပတ်ထားလျက် သူ့နားရွက်လေးတွေ နောက်တစ်ဖန် နီမြန်းလာသည်အား စောင့်ကြည့်နေလေသည်။ သူမ မနေနိုင်တော့ဘဲ တိုးတိုးလေး ရယ်မိသွားခဲ့၏။
ရှန့်ချန်ခုန်း အပ်ချုပ်တာ အလွန်မြန်ဆန်၏။ ရွှီလျန်မှာ သူက အပ်ချည်ထိုး၊ အထည်သားကို နှစ်ကြိမ်သုံးကြိမ်မျှထိုးဖောက်ပြီး ပိုနေသောအပ်ချည်မျှင်အား ဖြတ်တောက်လိုက်သည်ကို စောင့်ကြည့်နေခဲ့သည်။
![](https://img.wattpad.com/cover/319993959-288-k83190.jpg)
YOU ARE READING
Slowly Falling For Changkong ( ဘာသာပြန် )
RomanceAuthor - Ban Li Zi , Chestnut Chapter - 56 + 10 extras Started Date -1.9.2022 Ended Date- 22.12.2023
Chapter-38
Start from the beginning