ရိုင်းလ် အမောဖြေနေတုန်း ထောင်သားတချို့ သူ့ဘေးက တဝုန်းဝုန်း ပြေးထွက်သွားကြတာကို မြင်လိုက်ရတာကြောင့်-
"ဘာလို့ပြေးနေကြတာလဲ၊ ထောင်ထဲမှာ တစ်ခုခုဖြစ်လို့လား"
ပြေးနေသည့် ကောင်လေးတစ်ယောက် ရိုင်းလ်နား၌ ခဏရပ်လိုက်ရသည်။
"ထောင်ထဲမှာ ရန်ပွဲ ပြန်စနေပြီလေ၊ အဲ့ဒါ သွားကြည့်ကြမလို့။ အစ်ကိုရေးနဲ့ ဟိုကောင်တွေ ချနေတာ အစအဆုံး မမီတော့ဘဲ နေတော့မယ်၊ သွားပြီဗျာ"
ထိုကောင်လေး ပြေးထွက်သွားရာကနေ ရိုင်းလ်ဆီ ပြန်ပြေးလာခဲ့ကာ-
"အစ်ကိုလည်း လိုက်ကြည့်လေ၊ ကျွန်တော်တို့က လောင်းပါ လောင်းထားကြတာ။ အစ်ကိုက လူသစ်မို့ သနားလို့ ကျွန်တော် ပြောပြလိုက်မယ်၊ လောင်းမယ်ဆို အစ်ကိုရေးဖက်ကပဲ လောင်းလိုက်နော်၊ ဒီတစ်ခါလည်း သူပဲ နိုင်ဦးမှာ သေချာတယ်"
ပြောပြီးတာနဲ့ ပြေးထွက်သွားပြီမို့ ရိုင်းလ် ခေါင်းရမ်းလိုက်မိပြီး ပြုံးလိုက်မိသည်။
ခေတ္တရာကတော့ ဘယ်နေရာရောက်ရောက် ပွဲရှာနေပုံပင်။
ထို့အတွက် ရိုင်းလ်ကတော့ ထိုကောင်လေးရဲ့ လက်ရည်ကို ယုံကြည်ပြီးသားမို့ စိတ်တော့မပူမိပေမယ့် ဘားမှာတုန်းက သူ့ပေါင်ပေါ် ပစ်လဲကျလာခဲ့ဖူးသည့် ထိုကောင်လေးကို သူ လုံးဝ ဥပေက္ခာပြုထားနိုင်ခဲ့တဲ့အချိန်ကိုတော့ ပြန်သတိရသွားမိသည်။
အုန်း! ဒုန်း! ခွပ်!
"အား. . .ငါ့သွားကျိုးသွားပြီ"
"ဟာ၊ အစ်ကိုကြီးရဲ့ အံသွားကျိုးသွားတာဗျ"
ရေးခေတ္တရာ သူ့ပါးစောင်ကို လျှာနဲ့ထိုးလိုက်ရင်း ထိုလူမိုက်အုပ်စုကို မျက်ခုံးပင့်ပြလိုက်ပြီး-
"မကျေနပ်ရင် သတ္တိရှိတဲ့ကောင် ထပ်ထွက်လာခဲ့"
ထိုလူ သူ့ပါးစပ်ကနေ စီးကျနေသည့် သွေးကို လက်ခုံနဲ့ ဖိသုတ်လိုက်ပြီး ခြေထောက်ပြန်ကောင်းတာမှ မနက်က၊ အခု သွားကျိုးသွားပြန်တာအတွက် ရေးခေတ္တရာအား ဓားနဲ့ ထိုးသတ်ချင်လာမိမတတ် ပေါက်ကွဲနေပြီဖြစ်သည်။
![](https://img.wattpad.com/cover/335344668-288-k212668.jpg)
YOU ARE READING
Snowless Winter Dream [Completed]
FantasyTitle - Snowless Winter Dream [နှင်းမဲ့တဲ့ ဆောင်းအိပ်မက်] Type - Own Creation, Myanmar BL ထူးခြားတဲ့ လာဗင်ဒါရဲ့ရနံ့က ဖူးစာရှင်ဆီ ခေါ်သွားပေးနိုင်တယ်လို့ အယူရှိကြတယ်တဲ့. . .။ ထူးျခားတဲ့ လာဗင္ဒါရဲ႕ရနံ႕က ဖူးစာရွင္ဆီ ေခၚသြားေပးနိုင္တယ္လို႔ အယ...
Chapter 25
Start from the beginning