عشق❤

❤️* ١٨ *❤️

سالى : أنا مش عارفه اقولك اى يا يارا والله ياحبيبة قلبي انتى منتيش وحشه احنا كلنا بنغلط والدليل على انك نقية من جواكى أنك عارفه غلطك ومعترفه بيه وبتقربى من ربنا كلنا بنغلط يا يارا أنا مقدرش احكم عليكى وانا شخصيا عندى غلطات احنا مش ملائكه انتى عارفه غلطك وتوبتى توبة نصوحة لوجه الله الحاجه ال اقدر انصحك بيها دلوقتى انتى طالما ماشية فى السليم وغلطتك دى من زمان يبقي لازم تقولى لحد من أهلك عارفه أن الموضوع صعب بس ده الافضل ليكى وهما ال هيقدروا يحموكى بعد ربنا غير كدا عشان تخفى غلط هتضطرى تغلطى اكتر واكتر مفيش احسن من الصراحه هيغضبوا وهيتعصبوا شوية بس هما اهلك هيخافوا عليكى وصدقينى مهما عملوا هيبقي قلبهم عليكى وهيحموكى ولو انتى مش هتقدرى تتكلمى أنا ممكن اكلم والدتك لوحدنا وافهمها الوضع اول بعدين هى تشوف اللازم وتقول لباباكى

يارا : لا يا سالى دول يقتلونى وربنا انتى متعرفيش بابا بابا لو عرف هيموتنى

سالى : وانتى مفكرة أن احمد ده مش هيطلب منك فلوس تانى وتالت ورابع وربنا اعلم ممكن يعمل اى دا واحد مش محترم وخطير مش هتقدرى تحلى الموضوع لوحدك

يارا : معرفش يا سالى بس مستحيل اخلى بابا يعرف دا يقتلنى متخلنيش اندم انى حكيتلك حاجه انتى وعدتينى أن الكلام ده بينا وبين بعض

سالى : طيب مش هقول يا بنتى بس انتى هتعملى اى دلوقتى

يارا : معرفش والله ربنا كبير إن شاء الله هتعدى أنا عندى محاضرة دلوقتى مضطرة اقوم أما اخلص هكلمك لو خلصتى نمشي سوا

سالى : تمام يحبيبتى ربنا يفك كربك يااارب

يارا : يارب يقلبي ادعيلى

أما عند عمر فى المستشفى

زين : بسرعه سرير ٩ ينوران حادث سير الحاله عندها اصابه فى الرجل ونزيف فى الدماغ السن ٣٧ سنه

وبيجرى هو ونوران وبيبداوا يعالجوا المريضه جت سعاد نحيتهم : فين دكتور عمر فى حالة لازم يستلمها

زين : معرفش احنا فى ايدنا مريضه دلوقتى

سعاد : تمام كملوا شغل انتوا

وهى ماشيه لقت عمر فى وشها

سعاد : ممكن اعرف اى الاستهتار ده يدكتور معايا بسرعه فى حاله هتستلمها

عمر : فى اى فين الحالة

سعاد : سرير ٥

راح عمر وبدأ فى علاج المريضة وبعد ما خلصوا والحمد لله الحالات استقرت راح عمر نحيه زين ونوران