تانى يوم كان يوم الخميس
سالى : صباح الخير
أسماء : صباح النور يعروسه
سالى : عروسه اى يهبله انتى
أسماء : اسمعى اخر الاخبار عمر كلم بابا امبارح وخد منه ميعاد وهيجى هو وأهله الجمعه الجاية
سالى : نعممم انتى بتقولى اى هيجوا لى أنا لسه مقولتش حاجه وبعدين الجمعه الجاية ال هى بكرا
أسماء : جايين يا ستى عشان هو اتسرع وجه لوحده المفروض أن كان باباه يجى معاه عالاقل عشان كدا جايين وهيشوفوا رايك اى ويتفقوا
سالى : الجمعه بكرا
أسماء : ايوه بكرا انتى علقتى ولا اى يالا بسرعه صلى الفجر عشان نشوف ورانا اى ونلبس ونروح الكليه
سالى : ممم طيب
بعد ما صلوا الفجر وقراوا الورد بتاعهم واذكارهم
أدهم : سالى عاوزك هاتى الشاى وتعالى البلكونه
سالى : حاضر يا بابا
سالى جابت الشاى وراحت لوالدها فى البلكونة
أدهم : ها يا سالى فكرتى فى الموضوع ولا اى
سالى : مش عارفه يا بابا مش بدرى شوية
أدهم : الناس جايين بكرا يا نديلهم رد يا تاخدى وقت تفكرى كمان شوفى ال انتى عوزاه دى حياتك يبنتى وانتى من حقك تفكرى كويس فى الشخص ال هتكملى معاه حياتك
سالى : حاضر يا بابا بس أنا متردده اوى
أدهم : شوفى فكرى براحتك
سالى : حاضر عن اذنك يا بابا هروح اجهز نفسي عشان عندنا محاضرة الساعه ٧
أدهم : ماشي يحبيبتى
راحت سالى تلبس وباب اوضتها خبط
سالى : مين
يوسف : أنا يوسف
سالى : لحظه
غيرت هدومها وفتحت الباب : ادخل يا يوسف
يوسف : وراكوا محاضرات بدرى ولا اى
سالى : اه
يوسف : أنا وبابا راحين النهارده القسم هنشتكى على العيال ال عملوا فيكى ال حصل
سالى : مممم خايفه ياذونا اكتر
يوسف : هياذونا ازاى كل واحد لازم ياخد عقابه
سالى : طيب يا يوسف ال انتوا شايفينه صح اعملوه
يوسف : الا صحيح اى رايك فى موضوع الدكتور عمر ده
سالى : ممم معرفش يا يوسف ه هقول اى ي يعنى
يوسف : اى التوتر ده حاسس انى أتأمل المرة دى
سالى بخجل : قوم شوف شغلك يااستاذ يالا
يوسف : ماشي ماشي يااختى من امتى وانتى بتتكسفى كدا 😂
نزلت اسماء وسالى الكليه وادهم قعد مع مريم فى الصالون
أدهم : متشوفى سالى يامريم يمكن محروجه منى عشان كدا مش راضيه تتكلم شوفى رايها اى كدا
مريم : حاضر ياادهم أنا كنت سيباها تفكر مرضتش اكلمها عشان منضغطش عليها بس حاساها فى قبول كدا هكلمها النهارده وأشوف الموضوع ده
سالى وأسماء وصلوا الكليه واول ما وصلوا لقوا رامى وشادى ونور خارجين ومتعصبين اوى
اول ما رامى شاف سالى وقف قدامها وقالها : احنا اتفصلنا من الكليه بسببك بس ودينى ما هعديهالك
نور : لسه ال جاى احلى يحلوة انتظرينا
ومشوا وسابوها
سالى : شكلهم يرعب اى ده فى ناس كدا
أسماء : سيبك منهم معتش حد يقدر يجى جمبنا الوقتى لسه بابا هيعملهم الادب كمان وكمان
فى بيت عمر
فاطمه : صباح الخير يااولاد
عمر وأسامة : صباح النور يا ست الكل امال فين بابا
فاطمه : باباكوا نزل من بدرى عنده شغل
عمر : أنا خدت ميعاد من الدكتور أدهم هنروحلهم بكرا باذن الله كنت عاوز الحق أقوله قبل ما يمشي
أسامه : ميعاد اى مين دكتور ادهم
عمر : لهو انت متعرفش اخوك هيخطب ياحج أسامه
أسامه : اى وانا اخر من يعلم ولا اى النظام امال كنتوا ناويين تقولولى امتى وانتوا راحين
عمر : الموضوع طويل وانا مستعجل يالا سلام بطة هتحكيلك
مشا عمر وهو بياكل وبشرب الشاى باستعجال
أسامه : فى اى
فاطمة :هحكيلك يابنى اخوك باينه اتجنن
أسامه : باينه اى ؟ ده فعلا اتجنن خلاص
قعدت فاطمه تحكى لاسامه ال حصل وفى الوقت ده راح عمر المستشفى
باقى الأحداث هنعرفها فى part 16
فى رعايه الله يحلوين ❤️❤️❤️
YOU ARE READING
عشق❤
Romance*قد تضيق بك الدنيا وتتعسر الأمور إلى أن تجبرك احيانا للإنعطاف فى الطريق الخطأ وارتكاب الأخطاء فتسقط ثم ماذا عليك أن تفعل؟! أن تنهض مجددا لإصلاح تلك الأخطاء هكذا هى سالي تسقط فتقف مجددا وتصمد مطمئنة بقول الله تعالي * إن بعد العسر يسر* ❤❤
