عشق❤

❤️* ١٧ *❤️

يارا : هحكيلك ياسالى بس مش عاوزه حد يعرف حاجه عشان خاطرى

سالى : قولى يا يارا فى اى قلقتينى

يارا : بصى أنا من سنتين كدا كنت معجبه بشخص والشخص ده كلمنى وقالى أنه بيحبنى وكدا وقعدنا فترة نتكلم حوالى ٣ شهور وكان شخص كويس جدا ومتدين وبيشجعنى على الصلاه وانى التزم وبعد فترة شوفنا بعض كذا مرة وكنا بنتقابل ومرة بعتلى عنوان على أساس أنه كافيه وهنتقابل فيه وهنعد مع بعض شوية ونتفق هيجى يتقدملى امتى روحت المكان ال قالى عليه وفعلا كان كافيه بس استغربت أن الستاير كلها نازله ومفيش نور خالص جوا غير نور هادى اوى فكرت المكان مقفول رنيت عليه قالى ادخلى أنا بستناكى جوا هو مكان هادى يبنتى أنا جايبك هنا عشان نعرف نتكلم فاطمنت ودخلت قلت اكيد فى ناس جوا دخلت لقيت المكان فاضي خالص استغربت لقيته قاعد فى جنب بعيد كدا لوحده روحتله قلتله هو انت حاجز الكافيه كله ولا اى فين الناس هو مفيش زبائن قالى لا فيه بس قليل اوى ال بيجى هنا قلتله امال فين ال بيشتغلوا هنا دالمكان فاضي خالص قالى عشان مفيش حد بيجى هنا اد كدا فانتى حاسه أنه فاضي هتلاقي ال بيشتغلوا قاعدين فوق ولا حاجه بعدها بشويه جه الجرسون ال شغال هناك طلبت كوباية قهوة وهو جايبلى القهوه وبيحطها قدامى انا كنت بحط الفون عالطربيزة وبشيل ايدى مرة واحده راحت الكوبايه مكبوبة عليا سالت على الحمام وروحت انضف هدومى وانا خارجه من الحمام شوفت الجرسون واقف معاه بعيد كدا وبيزعقوا قلت ممكن احمد بيزعقلوا عشان وقع القهوة عليا روحت نحيتهم سمعت الجرسون بيقوله أنا مالى يعم احمد فى اى فوق لنفسك كدا أنا عملت ال اتفقنا عليه وحطيتلها الحباية فى القهوة أنا مالى أن هى اتحركت وكبتها فى اى محموق اوى كدا لى نعمل غيرها عادى يعنى أنا استخبيت وفضلت اسمعهم فهمت أن فى حاجه غلط فى الموضوع احمد قاله طيب يا ياسر روح اعمل غيرها ياعم أنا خوفت الخطه تبوظ ياسر قاله لا متخافش كله فى السليم احمد قاله طب يالا سريع سريع بقا لاحسن هى شاكه أن فى حاجه غلط ومش عاجبها أن المكان فاضي من لما اجت
روحت راحه نحيتهم وندهت عليه قبل مااوصل نحيته عشان مياخدش باله انى سمعتهم قالى انتى كويسه وخدنى وروحنا على الطربيزة تانى ال كنا قاعدين عليها طول ماانا قاعده عماله افكر ههرب من هنا ازاى وشوية وعملت نفسي انى تعبانه اوى ودايخه وقلتله يطلب ميه ولمون قالى هطلب منين الراجل معرفش راح فين قعدت اتوجع واقوله اتصرف روحله المطبخ معتش قادرة راح المطبخ وانا قومت أجرى خدت حاجتى وجريت على باب الكافيه لقيته جاى يجري يشدنى من ورا وبيقوله اقفل الباب يا ياسر بسرعه وانا مصدومه وعماله اضرب فيهم واكسر فى الكراسى وارميها والحاجات ال عالطربيزات وهما الاتنين بيحاولوا يعتدوا عليا أنا مش عارفه انا قدرت اهرب منهم ازاى فى اليوم ده الحمد لله كانت معجزه من ربنا أن فى واحد كان معدى من قدام الكافيه وسمع الصويت والخبط دخل لحقنى من أيديهم وانا سبتهم بيضربوا فى بعض وجريت بعد الحادثه دى قعدت فترة مبخرجش من البيت ومبكلمش حد كانت سبب فى انى افوق وأحمد ربنا على ال أنا فيه وأن ده كان درس من ربنا عشان اعرف الصح من الغلط ومن هنا قربت من ربنا وصليت ولبست الحجاب ومعتش شوفت الشخص ده تانى وكانت دعوتى الوحيده انى معتش اشوفه فى حياتى عرفت غلطى وندمت ندم عمرى انى غضبت ربنا وعملت ال عملته ده واعتبرت أن ده عقاب من ربنا ليا عشان افوق بعدها بفترة كنت خارجه من الكلية ومروحه فى شارع طويل كدا قدام بيتنا مقطوع محدش بيمشي فيه اد كدا وانا ماشيه فيه حسيت أن حد ماشي ورايا مرة فى مرة سرعت رجلى وبقيت بمشي بسرعه لقيته جاى من ورايا وكاتملى نفسي وبيشدنى نحية عربية كدا فيها شابين وهو بيشدنى أنا قعدت اضرب فيه وعضيته فى أيده وزقيته وجريت فضلت أجرى وهو بيجرى ورايا لحد اما وصلت بيتنا جريت وقفلت الباب علطول على اخر لحظه وبقيت مرعوبه أن حد يشوفنى من اهلى فضلت ادعى أن ميكنش حد منهم فوق والحمد لله لما طلعت ملقتش حد كلهم كانوا برا تانى يوم لقيت رقم غريب باعتلى واتس بيقولى يا هتعملى ال عاوزه منك يا هفضحك وباعتلى صورنا ال كنا بنتصورها لما بنخرج أنا أنهارت وفضلت اعيط ومعرفتش اعمل اى قلتله انت عاوز منى اى حرام عليك أنا غلط انى من البدايه انى كلمتك وسمحت بكدا وغضبت ربنا وبدفع تمن غلطى ارجوك ابعد عنى وسيبنى فى حالى بقا انا تعبت كفايه صدمتى فيك لقيته باعتلى عاوز ١٠ آلاف جنيه بكرا يكونوا جاهزين ومش أقل من كدا فى فلوس همسح الصور مفيش فلوس وربنا لاندمك عاليوم ال اتولدتى فيه

سالى : انا مصدومه وربنا مش عارفه اقولك اى طب وانتى عملتى اى

يارا : كان معايا غواشتين دهب روحت بيعتهم ب ١٢ الف واديتله ال ١٠ وجبت غواشتين دهب صينى بدالهم عشان محدش ياخد باله أنهم مش موجودين

سالى : وادتيله ال ١٠ ازاى

يارا : بعتله انى اتصرفت فى الفلوس ومش هديهومله الا فى مكان عام روحت قعدت فى الحديقه وسبت شنطه الفلوس وقمت وهو راح خدها بعد ماانا مشيت

سالى : يعن هو ده ال كنتى بتكلميه يومها

يارا : اه رن عليا تانى ولقيته بيقولى عاوز ٥ آلاف كمان ساعتها قعدت اعيط واقوله أنا عملت كل ال قلتلى عليه وخونت اقرب الناس ليا على أهلى وكدا وانتى فكرتى أن أنا ال كنت بحاول اذيكى بس أنا مكنتش قادرة اقولك الكلام ده هقولك كدا ازاى ازا كان أنا نفسي مش مستوعبه انى عملت القذارة دى ندمانه اوى أنا اتدمرت وهو مش سايبنى فى حالى ومش عارفه اعمل اى لبست النقاب عشان ميعرفنيش بس اكيد هيعرفنى ازا كان عرف مكان بيتى اكيد هيشوفنى راحه هناك وهيعرفنى خايفه اوى يا سالى مش عارفه انتى بتفكرى فيا اى دلوقتى بس اقسم بالله غصب عنى أنا عارفه انى غلط بس ندمت اوى وربنا أنا قرفانه من نفسي اوى

باقي الأحداث فى.part 18
فى رعايه الله ياحلوين ❤️❤️❤️❤️