أدخلي في النوايا لعلك ترين كم أودّ تقبيلك...
____
" صبااح الورد " قلت وانا ادخل المطبخ ، " صباح النور " ردت امي بابتسامه وعليا تجاهلتني وكملت اكلها ، " شرايكم نطلع طلعه عائليه ليوم ؟" ،
قلت وانا اقعد جنب عليا الي هزت راسها ب لا و بعد ما بلعت الي في فمها قالت " بطلع مع نور " ، " وانا عندي شغل " ، " فاضيين انتو عيل انا بطلع مع ربعي بعد " ،
" بيان؟" امي سالت وهي تحط صحن قدامي ، " شكراً ... لا وتين " ، امي سكتت ثواني و انا كنت مثبته عيوني على صحني كنت حاسه بعيون عليا علي ،
بس تجاهلتهم و بديت اكل ، " سالتيني؟" ، " احين قلت " ، " لا سالتيني ان بتطلعين؟ هل وافقت انا؟ " ، " اكي عليا بتطلع " ، " اي هي سالتني " ، " يصير اطلع ؟" ،
" لا " ، " اقعد بروحي في البيت يعني؟؟" ، " مافيها شي انتي كبيره " ، خزيت امي الي رفعت حاجب ، " عاد ؟" قلت وانا اعطيها ويه بريئ ، " خليني افكر " ،
" يمهه مايصير تفرقين بينا تخلين عليا تطلع تستانس و انا اقعد في البيت اكتئب " ، " انتي طالعه على من؟" سالتني عليا وهي تعطيني نظره،
" سكتي انتي ... يمه خليني اطلع ترا مانروح مكان مو نفس عليا الي كله تروح مولات و كافيهات انا اقعد في البيت " ، " قعدي في بيتكم كتغيير " امي ردت وبدت تاكل ،
" بزعل ترا " ، " زعلي " ، عبست وانا اطالعها وهي انشغلت مع تلفونها ، " بطلع ترا اوردي مابتكونون موجودين " ، " لا تخليني اقفلج في البيت " ، " عنف !" ،
" ماجفتي العنف الحقيقي للحين " ، " ترا بشتكي عليج قاع تهدديني " ، " اشتكي " ردت امي بعدم اهتمام ، وعليا ضحكت رفستها من تحت الطاوله وهي صارخت ،
" مو قصدي والله " قلت وانا اقوم من مكاني و اشرد عنها بس هي لحقتني و رفستني في بطني " عليا!! " امي صارخت وهي توقف وتتجه لنا ، " ما يطقون في هالاماكن جم مره اقول؟ حيوانات انتو ؟" ،
" هي الي بدت " ، مسكت بطني وخزيتها " يعور " ، امي طالعتني " ليش تتسببين عليها؟" ، " ليش تضحك علي؟" ، " اتعامل مع يهال انا روحو قعدو في اماكنكم و كملو الاكل " ،
رحت قعدت في مكان بعيد عن عليا بعد ما خزيتها ، " لا تخلينها تطلع " قلت حق امي الي تنهدت و طالعتني " طلعي مع وتين بس حاسبي اوكيه؟" ، " هزيت راسي ب اي مع ابتسامه كبيره ،
" لا تخلينها تطلع مع وتين لانها حماره " ، امي عقدت حواجبها و قالت " وتين حماره؟" ، " عليا هزت راسها ، " شدخل ماتعرفينها " ، " الا " ، " كليزق عليا لا تتدخلين " ،
BẠN ĐANG ĐỌC
وكأنها الحياه للحياه
Ngẫu nhiênالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
