" ليش كلمتيها؟" ، " ها؟" سالتني وهي ترفع راسها من الكتب الي جدامها، " ليش كلمتي وتين بدون ما تقولين لي؟" ، " قالت لج؟" ، رفعت حاجب " جم مره اقولج لا تتدخلين فيني؟" ، " مابيها تجرحج مره ثانيه " ردت بصوت هادئ ،
" الشي مايخصج بيان تجوفيني انا اتدخل فيج واروح اكلم الناس الي فحياتج من وراج؟" ، " هي بتسحب عليج و بتروح وانتي الي بتتضايقين " ، "و انتي شدخلج ؟" ،
" اكيد لي دخل زهره انا رفيجتج! " ، " رفيجتي مو تقولين لي شاسوي ومن اكلم " ، " شالغباء زهره ؟ تبينها تعيد كل شي من البدايه و ترجعين لعبه في يدها ؟" ، " لا تدخلينها " ،
" انتي هني لان هي كلمتج " ، " لا بيان انا هني لان انتي رحتي كلمتيها من وراي " قلت بصوت مرتفع شوي ، " واذا ؟؟ كلمتها عشان ماتجرحج لاني خايفه عليج!" ردت بصوت اعلى خلت البنات الي قاعدين ينتبهون لنا ،
" وانا مابيج تخافين علي و لا تتدخلين فيني " ، " خلاص اوكيه مابتدخل فيج " ، " وايد احسن" ، " و شنو الي يخليج تصدقينها هالمره ؟ " ، " مو مصدقتها وانا مو معاها " ،
" اها " ، " شنو؟؟" ، " انتي ليش كله عبالج انا ضدج ؟" ، " لان انتي تحسسيني اني ما اقدر افكر بروحي" ، " اعرف تقدرين تفكرين بروحج بس اكيد ساعات حتى انا اسوي اشيا غلط او اخذ قرارات غبيه و ابي منج تنصحيني وانا اسوي لج نفس الشي " ،
" بس لتتدخلين بينا انا ووتين " ، " مابقعد اجوفها تجرحج" ، " بتجرح مين بضبط؟؟؟ انا ف انا الي بتصرف وانتي جب و مابتتدخلين و انتهى النقاش " ، " اوكيه " ،
طالعتها و قلت " صج؟" ، " مابتدخل بس مابسكت اذا سوت شي " ، دورت عيوني و قلت " مابتسوي شي " ، " شلون تثقين فيها ؟" ، " كنت اثق فيها احين لا و اتوقع منها تجرحني " ،
" ليش رديتي تكلمينها عيل؟" ، " مادري عشان يمكن بعدين في المستقبل اقول حق روحي اني حاولت و عطيت فرص قبل ما اطلعها من حياتي بشكل كامل اذا سوت شي يعني " ،
" فاهمه قصدج بس تحسين هي تستاهل؟" ، " ماعرف " ، " و عن دراستها الي بتكمله برا؟ " ، بلعت ريجي و قعدت على الكرسي الي جنبها بدون ما ارد ، " لا تقولين لي ما اتدخل " ،
" بيان-" ، " انتي سوي الي تبينه بس خليني اخاف عليج بعد لان مو بيدي" ، " اوكيه ... شنو تدرسين؟" ، " عندنا اختبار و مادرست" ، " يع " ، هي عطتني نظره وهزت راسها ،
" امس هي وصلتج البيت ؟" ، " ايه و قبل ما تقولين ما صار بينا شي نفس ما قلت لج عطيتها فرصه تعدل الي سوته لا اكثر و يمكن قلت لها ان ابيها تصير صديقتي " ،
" كلنا ندري ان مابتكونون ربع " ، " الا " ، " شرايج ندور لج وحده ثانيه تحبينها؟" ، " ما كنت احب وتين ترا و مافي حلوين في مدرستنا عشان احبهم " ،
YOU ARE READING
وكأنها الحياه للحياه
אקראיالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
